TJONÏK 46
¿Achkë rma nqajäch qiʼ pa ruqʼaʼ Dios chqä nqqasäx pa yaʼ?
Jun winäq nujäch riʼ pa ruqʼaʼ Jehová taq nuʼij che rä chë xa xuʼ ryä xtyaʼ ruqʼij chqä chë ri kʼo más ruqʼij chpan rukʼaslemal ya riʼ nuʼän ri nqä chwäch ryä (Salmo 40:8). Chrij riʼ, taq nqasäx pa yaʼ, nukʼüt chkiwäch ri nkʼaj chik chë rujachon chik riʼ pa ruqʼaʼ Dios. Ri nqajäch qiʼ pa ruqʼaʼ Jehová ya riʼ ri kʼo más ruqʼij chqawäch röj. Nqaʼij riʼ rma kan nujäl qakʼaslemal. ¿Achkë rkʼë jbʼaʼ xtbʼanö chawä rït chë xtawajoʼ xtaʼän riʼ?
1. ¿Achkë rma nqajäch qiʼ pa ruqʼaʼ Jehová?
Rma nqajoʼ Jehová, röj nqajäch qiʼ pa ruqʼaʼ (1 Juan 4:10, 19). Le Biblia nuʼij reʼ chqë: «Tawajoʼ Jehová ri a-Dios rkʼë ronojel awan, rkʼë ronojel akʼaslemal, rkʼë ronojel achʼobʼonik chqä rkʼë ronojel awchqʼaʼ» (Marcos 12:30). Röj nqakʼüt chë nqajoʼ Jehová rkʼë ri yeqaʼän chqä ri yeqaʼij. Qchʼobʼon chrij jun kʼlaj winäq ri yekʼleʼ. Ryeʼ nkiʼän riʼ rma kan rkʼë ronojel kan nkajoʼ kiʼ. Y ke riʼ chqä röj, taq nqajoʼ Jehová rkʼë ronojel qan, röj nqajäch qiʼ pa ruqʼaʼ chqä nqqasäx pa yaʼ.
2. ¿Achkë utzil nuyaʼ Jehová pa kiwiʼ ri ru-Testigos ri yeqasan chik pa yaʼ?
Taq rït xkaqasäx pa yaʼ, xkatok chpan ru-familia Jehová, jun familia ri kan kiʼ kikʼuʼx ri ye kʼo chpan. Taq xtbʼanatäj riʼ, rït xtatzʼët achkë rubʼanik nukʼüt Dios chawäch chë yatrajoʼ chqä más junan xtuʼän awäch rkʼë (taskʼij ruwäch Malaquías 3:16-18). Jehová xttok jun Tataʼaj pan awiʼ, y ma xa xuʼ ta riʼ, kan xkejeʼ chqä kʼïy awachʼalal chwäch jontir le Ruwachʼulew ri nkajoʼ Dios chqä yatkajoʼ rït (taskʼij ruwäch Marcos 10:29, 30). Ye kʼa rchë yaqasäx pa yaʼ, kʼo jojun nkʼatzin naʼän. Kʼo chë natamaj ruwäch Jehová, nawajoʼ chqä nakʼüt chë akʼuqbʼan akʼuʼx chrij Rukʼajol. Y pa rukʼisbʼäl, kʼo chë najäch awiʼ pa ruqʼaʼ. We rït naʼän jontir riʼ y chrij riʼ yaqasäx pa yaʼ, xkakowin xtawïl ri kʼaslemal ri majun bʼëy xtkʼis ta. Ri Ruchʼaʼäl Dios nuʼij: «Ri bautismo [...] komä chqä najin yixurköl rïx» (1 Pedro 3:21).
TQATAMAJ MÁS CHRIJ RE NAʼOJ REʼ
Tqatzʼetaʼ achkë rma kan kʼo ruqʼij chë rït najäch awiʼ pa ruqʼaʼ Jehová chqä yaqasäx pa yaʼ.
3. Chqajujnal röj nqchaʼö achkë xtqayaʼ ruqʼij
Pa kiqʼij qa ri israelitas, ye kʼo wä jojun winäq xkiquʼ chë yekowin nkiyaʼ ruqʼij Jehová y nkiyaʼ chqä ruqʼij Baal. Ye kʼa Jehová xtäq ri profeta Elías kikʼë rchë xbʼeruʼij chkë chë ma ütz ta rubʼanik najin yechʼobʼon. Tiskʼij ruwäch 1 Reyes 18:21 y kixtzjon chrij reʼ:
-
¿Achkë kʼo chë xkichaʼ xkiʼän ri israelitas?
Achiʼel xbʼanatäj kikʼë ri israelitas, röj chqä kʼo chë nqachaʼ achkë xtqayaʼ ruqʼij. Tiskʼij ruwäch Lucas 16:13 y kixtzjon chrij reʼ:
-
¿Achkë rma ma nqkowin ta nqayaʼ ruqʼij Jehová y nqayaʼ chqä ruqʼij jun winäq o xa bʼa achkë na chik jun?
-
¿Achkë ütz nqaʼän rchë Jehová nutzʼët chë röj kan yë ryä nqajoʼ nqayaʼ ruqʼij?
4. Taquʼ rij jaruʼ yatrajoʼ Jehová
Jehová ruyaʼon kʼïy utziläj taq spanïk chqë. Ye kʼa ¿achkë ütz nqayaʼ röj che rä ryä? Titzʼetaʼ ri VIDEO.
¿Achkë jojun rubʼanik rukʼutun Jehová chawäch rït chë yatrajoʼ? Tiskʼij ruwäch Salmo 104:14, 15 chqä 1 Juan 4:9, 10, y kixtzjon chrij reʼ:
-
Chkë jontir ri spanïk ruyaʼon pä Jehová chqë, ¿achkë más naloqʼoqʼej rït?
-
Taq yachʼobʼon chkij re spanïk reʼ, ¿achkë nanaʼ rït chrij Jehová?
Taq jun winäq nuyaʼ jun qaspanik ri kowan nqä chqawäch, röj nqajoʼ nqakʼüt chwäch ri winäq riʼ chë nqtyoxin che rä. Tiskʼij ruwäch Deuteronomio 16:17 y kixtzjon chrij reʼ:
-
Taq yachʼobʼon chrij jontir ri ruyaʼon pä Jehová chawä, ¿kʼo komä jun ri narayij rït nayaʼ che rä? ¿Achkë?
5. Ri najäch awiʼ pa ruqʼaʼ Dios kan kʼïy utzil xtkʼäm pä pan awiʼ
Ye kʼïy winäq nkiʼij chë ri nbʼanö chë jun winäq kiʼ rukʼuʼx nuʼän, ya riʼ ntamatäj ruwäch kimä ri nkʼaj chik, nresaj jun ütz ru-carrera pa tijobʼäl o njeʼ kʼïy rurajil. Ye kʼa ¿kantzij komä riʼ? Titzʼetaʼ ri VIDEO y kixtzjon chrij reʼ:
-
Tapeʼ ri achï ri xel pa video kan nqä wä chwäch netzʼan pelota, ¿achkë rma ma xetzʼan ta chik chpan jun equipo?
-
Ryä xchaʼ nuksaj rukʼaslemal rchë nuyaʼ ruqʼij Jehová y ma rchë ta ri atzʼanen. ¿Naʼij rït chë ryä xchaʼ xuʼän ri ütz? ¿Achkë rma?
Taq ri apóstol Pablo majanä wä ttok cristiano, xkʼül jun utziläj rutjonik. Ryä xtjöx rma jun achï ri yerutjoj wä ri winäq chrij ri judaísmo. Ye kʼa xyaʼ qa riʼ rchë xok cristiano. ¿Xtzolij komä riʼ Pablo rma xuʼän riʼ? Tiskʼij ruwäch Filipenses 3:8 y kixtzjon chrij reʼ:
-
Pablo xuʼij chë jontir ri xuʼän taq majanä wä ttok cristiano kan achiʼel ta «jun tzobʼaj mes», ¿achkë rma xuʼij riʼ?
-
¿Achkë utzil xrïl ryä rma jontir ri xyaʼ qa?
-
¿Naʼij rït chë más ütz xkabʼä pan akʼaslemal we xtayaʼ ruqʼij Jehová? ¿Achkë rma naʼij riʼ?
Taq Pablo xok cristiano, kan kʼïy utzil xrïl; más chwäch jontir ri xyaʼ qa.
JOJUN WINÄQ NKIʼIJ REʼ: «Ma nkʼatzin ta najäch akʼaslemal che rä Dios rchë nayaʼ ruqʼij».
-
¿Naʼij rït chë nkʼatzin najäch akʼaslemal che rä Dios? ¿Achkë rma?
RI XQATAMAJ QA
Rma nqajoʼ Jehová, röj nqajäch qiʼ pa ruqʼaʼ chqä nqqasäx pa yaʼ.
Tqakamluj ri xqatzʼët qa
-
¿Achkë rma taqäl chrij Jehová nqajoʼ rkʼë ronojel qan chqä nqayaʼ ruqʼij?
-
¿Achkë utzil nuyaʼ Jehová pa kiwiʼ ri ru-Testigos ri yeqasan chik pa yaʼ?
-
¿Nawajoʼ rït najäch awiʼ pa ruqʼaʼ Jehová?
RCHË NATAMAJ MÁS
Tatzʼetaʼ achkë rma jun cantante chqä jun deportista xkijäch kiʼ pa ruqʼaʼ Jehová.
Tatzʼetaʼ achkë nkʼaj chik nbʼanö chqë chë nqajäch qiʼ pa ruqʼaʼ Jehová.
«¿Achkë rma kʼo chë nqajäch qiʼ pa ruqʼaʼ Jehová?» (Ri Chajinel, 15 de enero, 2010)
Tatzʼetaʼ chpan re video reʼ chë ri winäq ri nkijäch kiʼ pa ruqʼaʼ Jehová kan kiʼ kikʼuʼx nkiʼän.
Tatamaj achkë rubʼanik xtzʼët jun ixöq achkë kʼo más ruqʼij chpan rukʼaslemal chpan ri peraj «Kan kʼïy junaʼ xinkʼutuj qa chi nwäch achkë rma xyaʼöx qakʼaslemal».
«Le Biblia xjäl kikʼaslemal» (Ri Chajinel, 1 de noviembre, 2012)
Rkʼë jbʼaʼ nawajoʼ natzʼët chqä reʼ
RI KʼUTUNÏK RI NBʼAN CHKIJ RI TESTIGOS DE JEHOVÁ
¿Achkë rubʼanik yekitjoj ri winäq chrij le Biblia ri testigos de Jehová?
Rkʼë ri tjonïk nkiyaʼ ri testigos de Jehová, rït ütz naksaj xa bʼa achkë Biblia nawajoʼ. Chqä ütz naʼän invitar jontir a-familia o xa bʼa achkë awachiʼil.
