LEKSIYON 46
Nganong Kinahanglan nga Magpahinungod ug Magpabawtismo?
Imong ipahinungod ang imong kaugalingon kang Jehova pinaagi sa pagsaad kaniya diha sa pag-ampo nga siya lang ang imong simbahon ug nga imo siyang unahon sa imong kinabuhi. (Salmo 40:8) Human ana, magpabawtismo ka. Pinaagi niana, ikapakita nimo sa uban nga nagpahinungod na ka. Ang imong pagpahinungod sa imong kaugalingon kang Jehova mao ang pinakaimportanteng desisyon nga imong himoon. Unsay makapalihok nimo sa paghimo sa maong seryoso ug makapausab sa kinabuhi nga desisyon?
1. Unsay magpalihok sa usa sa pagpahinungod?
Gugma ang magpalihok nato sa pagpahinungod kang Jehova. (1 Juan 4:10, 19) Gidasig ta sa Bibliya: “Higugmaa si Jehova nga imong Diyos sa tibuok mong kasingkasing, sa tibuok mong kalag, sa tibuok mong hunahuna, ug sa tibuok mong kusog.” (Marcos 12:30) Ikapakita nato ang atong gugma sa Diyos dili lang sa atong ginasulti kondili sa ato pong ginabuhat. Sama nga ang lalaki ug babaye nga nagkahigugmaay magminyo, ang atong gugma kang Jehova magpalihok nato nga ipahinungod ang atong kaugalingon kaniya ug magpabawtismo.
2. Unsay mga panalangin ni Jehova sa iyang bawtismadong mga Saksi?
Dihang magpabawtismo ka, mahimo kang sakop sa malipayong pamilya ni Jehova. Dayon imong maeksperyensiyahan ang iyang gugma para nimo sa daghang paagi, ug mas masuod pa ka kaniya. (Basaha ang Malaquias 3:16-18.) Gawas nga mahimo nimong Amahan si Jehova, naa pod kay espirituwal nga pamilya sa tibuok kalibotan nga nahigugma niya ug nahigugma nimo. (Basaha ang Marcos 10:29, 30.) Siyempre, naa kay kinahanglang himoon aron mabawtismohan ka. Kinahanglan kang makakat-on bahin kang Jehova, mahigugma niya, ug magpakitag pagtuo sa iyang Anak. Sa kataposan, kinahanglan nimong ipahinungod ang imong kinabuhi kang Jehova. Kon himoon nimo ning tanan ug dayon magpabawtismo ka, mahimong posible nga mabuhi ka hangtod sa hangtod. Ang Pulong sa Diyos nag-ingon: “Ang bawtismo . . . nagaluwas sab [kanimo] karon.”—1 Pedro 3:21.
TUN-IG DUGANG
Susiha kon nganong importante nga magpahinungod ka kang Jehova ug magpabawtismo.
3. Kitang tanan angayng mopili kon kinsay atong alagaron
Sa karaang Israel, ang uban naghunahuna nga puwede silang mosimba kang Jehova ug mosimba pod sa bakak nga diyos nga si Baal. Pero gipadala ni Jehova si propetang Elias aron tul-iron kining sayop nga ideya. Basaha ang 1 Hari 18:21, ug dayon hisgoti kini nga pangutana:
-
Unsang desisyon ang kinahanglang himoon sa mga Israelinhon?
Sama sa mga Israelinhon, kinahanglan pod tang modesisyon kon kinsay atong alagaron. Basaha ang Lucas 16:13, ug dayon hisgoti kini nga mga pangutana:
-
Nganong dili puwede nga simbahon nato si Jehova ug simbahon pod nato ang uban?
-
Unsaon nato pagpakita kang Jehova nga siya ang atong gipili nga simbahon?
4. Pamalandonga ang gugma ni Jehova kanimo
Gihatagan ta ni Jehova ug daghang bililhong regalo. Unsay poy atong ikahatag niya? I-play ang VIDEO.
Unsa ang pipila ka paagi nga gipakita ni Jehova ang iyang gugma kanimo? Basaha ang Salmo 104:14, 15 ug 1 Juan 4:9, 10, ug dayon hisgoti kini nga mga pangutana:
-
Unsa nga mga regalo ni Jehova ang naapresyar kaayo nimo?
-
Tungod sa maong mga regalo, unsay imong pagbati niya?
Dihang makadawat tag regalo nga ganahan kaayo ta, gusto natong ipakita ang atong apresasyon sa naghatag niini. Basaha ang Deuteronomio 16:17, ug dayon hisgoti kini nga pangutana:
-
Dihang imong hunahunaon ang tanan nga gihimo ni Jehova para nimo, unsay gusto nimong ihatag kaniya agig balos?
5. Ang pagpahinungod moresultag daghang panalangin
Daghan ang naghunahuna nga magmalipayon sila kon sila ilado, naay maayong trabaho, o daghag kuwarta. Tinuod ba na? I-play ang VIDEO, ug dayon hisgoti ang mosunod nga mga pangutana:
-
Bisag ang atleta sa video ganahan kaayong magdulag soccer, nganong iya ning gibiyaan?
-
Midesisyon siya nga ihatag niya ang iyang kinamaayohan, dili sa soccer, kondili kang Jehova. Para nimo, sakto ba ang iyang desisyon? Ngano?
Sa wala pa mahimong Kristohanon si apostol Pablo, naningkamot siya nga makakab-ot ug nindot kaayong propesyon. Gieskuwelahan niya ang mga balaod sa mga Hudiyo ug ilado kaayo ang iyang magtutudlo. Pero iya nang gibiyaan aron mahimong Kristohanon. Nagmahay ba si Pablo sa iyang desisyon? Basaha ang Filipos 3:8, ug dayon hisgoti kini nga mga pangutana:
-
Nganong giisip ni Pablo nga “basura” ang iyang gihimo sa wala pa siya mahimong Kristohanon?
-
Unsay iyang naangkon tungod sa iyang gihimo?
-
Unsay kalainan kon gamiton nimo ang imong kinabuhi sa pag-alagad kang Jehova o kon gamiton nimo ni sa laing paagi?
Dihang si Pablo nahimong Kristohanon, mas daghan ang iyang nadawat kay sa iyang gisakripisyo
ANG UBAN MOINGON: “Kabalo ko nga kini ang kamatuoran. Pero dili nako kayang mag-Saksi.”
-
Para nimo, nganong maayo nga ipahinungod nimo ang imong kaugalingon kang Jehova?
SUMARYO
Gugma ang magpalihok nato nga ipahinungod ang atong kaugalingon kang Jehova ug magpabawtismo.
Review
-
Nganong angay natong ihatag kang Jehova ang atong tibuok kasingkasing nga gugma ug pagsimba?
-
Unsay mga panalangin ni Jehova sa iyang bawtismadong mga Saksi?
-
Gusto ba nimong ipahinungod ang imong kaugalingon kang Jehova?
SUSIHA
Tan-awa kon nganong ang usa ka musician ug ang usa ka atleta midesisyon nga ipahinungod ang ilang kaugalingon kang Jehova.
Mga Batan-on Nangutana—Unsay Akong Himoon sa Akong Kinabuhi?—Paghinumdom sa Nangagi (6:54)
Sayra ang dugang nga mga rason kon nganong magpahinungod ta.
Niini nga music video, matikdi kon unsa ka malipayon kadtong mga nagpahinungod sa ilang kaugalingon kang Jehova.
Sa estorya nga “Dugay na Kong Naghunahuna, ‘Nganong Ania Ta Dinhi?’” matikdi kon unsay nagpalihok sa usa ka babaye nga hunahunaon ang iyang mga prayoridad.
“Ang Bibliya Makabag-o sa Kinabuhi” (Ang Bantayanang Torre, Nobyembre 1, 2012)
Basin Ganahan Pod Ka
KOMON NGA MGA PANGUTANA
Unsa ang Bible Study Program nga Gina-offer sa mga Saksi ni Jehova?
Sa libreng interactive program nga gina-offer sa mga Saksi ni Jehova, puwede nimong gamiton ang bisan unsang bersiyon sa Bibliya. Puwede nimong paapilon ang tibuok pamilya o mga amigo o amiga.
