Ẽbẽra Jeowa ome compromete ɓuuɗe, ichia ʉtaa wiɗipeɗa jarayua ichidu kʉ̃riapeɗa mauɗe chi ichia jara ɓuu jãdu ase kʉ̃ria nibayua (Salmo 40:8). Maabea, bautizaburuuɗe, waabenarãmaa unubi ɓuu ichi naeɗe Jeowa ome comprometeɗa baɗaɗebena. Jeowa ome comprometeburuu jãdu chi aude biʼia ɓuu dachia aseɗayua. Mauɗe jãuba dachi nibai baɗa kambiabi ɓua. ¿Kãareba bichi kʉ̃risiabi ɓua mau asei baita?

1. ¿Kãareba dachi kʉ̃risiabi ɓuu Jeowa ome comprometeɗayua?

Dachia Jeowa ãrĩã kʉ̃ria panuu bẽrã, ichi ome compromete kʉ̃ria nuree (1 Juan 4:10, 19). Chi Bibliaba jara ɓuu: “Bichia Jeowa bichi Akõre kʉ̃riabaraai joma corazonɗeeba, bichiɗebenaɗeeba mauɗe bichi kʉ̃risiaɗeeba” (Marcos 12:30). Dachia unubi panuu Jeowa kʉ̃ria panuuɗebena chi dachia jaraɗapeɗa aseburuuba. Ara jãu kĩraka mukĩra wẽra ome ãrĩã kʉ̃ria nureeɗeeba kimabaraa kʉ̃ria duanuu, dachirã siɗa, Jeowa ãrĩãdu kʉ̃ria panuubʉrã, ichi ome comprometeɗapeɗa bautiza kʉ̃riaɗai.

2. ¿Kãare ne bia dearuu Jeowaba chi ichiɗebena Jara nureerã bautizaɗapeɗaaɗa baɗamaa?

Bichi bautizaburuuɗe, Jeowa deɗabenarã ome nibai ɓua, ãchi kĩrajʉʉ ãrĩã paneebarii. Makaburu Jeowaba bichi kʉ̃ria niiɗebena aude kawaburua maabea ichi ome ara kaita koɓeeyua (Malaquías 3:16-18 leas). Jeowa bichi Akõre bai ɓua, mauɗe chi ãbarã joma nau iujãaɗebenarãba Jeowa mauɗe bichi kʉ̃ria panuu ãchi ome nibai ɓua (Marcos 10:29, 30 leas). Mauɗe bichi naka asebaraai bautizai naeɗe. Jeowaɗebena kawabaraai, maabea ichi Warrɗe ãrĩãdu kereaɗayua. Mau kaaɗe, Jeowa comprometepeɗa ichi ome nibai baita. Joma nau asepeɗa bautizaburuubʉrã, kĩrajʉʉ biuwẽa nibayua. Dachi Akõre Beɗeaba naka jara ɓuu: “Bautizaburuuba [...] machi siɗa salvakua ɓuu” (1 Pedro 3:21).

 AUDE KAWABA

3. Jomaurãba jʉrʉɗayua kai baita trajayu

Chi Israel naeɗebenaɗe, chi ɓee ẽbẽrarãba kʉ̃risiasiɗaa Jeowa kʉ̃riaɗapeɗa ũriɗai ɓuu ara mau dauchia chi dios setaa ɓuu Baal. Maamina ãi kʉ̃risia kopaneesiɗaa. Mauɗéburu Jeowaba ichi profeta Elías bʉisii ãchia ãyaa kʉ̃risia panuuɗebena jipaburu kʉ̃risiabii baita. 1 Reyes 18:21 leaɗapeɗa, mambea nau ʉ̃rʉbena beɗeasturu:

• ¿Kãare asei barachesiɗaa chi israelitarãba?

Chi israelitarã kĩraka, daiba jʉrʉbaraaɗai kai baita trajayu. Lucas 16:13 leaɗapeɗa, mambea nau ʉ̃rʉbena beɗeasturu:

• ¿Sakayua dachia Jeowa kʉ̃riaɗapeɗa ũri panuu kĩra, waabenarã ome mau aseɗaabai?

• ¿Kãare aseɗai ɓua Jeowa kuitaabiɗayua dachia ichidu kʉ̃riaɗapeɗa ũriɗai?

4. Kʉ̃risiaba Jeowaba bichi ãrĩã kʉ̃ria ɓuuɗebena

 5. Jeowa ome comprometeburuuba, ne bia ãrĩãdu adauɗayua

 NAU KAWASIƊAA

Chi dachia Jeowa kʉ̃ria nureeba, dachi ichi ome comprometebipeɗa bautizabi ɓua.

Waya berreaɗaika

• ¿Sakayua Jeowadu kʉ̃riaɗapeɗa ũriɗayua dachi corazonɗeeba?

• ¿Kãare rekalo dea ɓua Jeowaba ichiɗebena Jara nuree bautizapeɗaaɗa baita?

• ¿Bichia kʉ̃ria ɓue Jeowa ome comprometeyua?