TOLI 46
Saide i mu paamisi Yehofa taki yo libi enke fa a wani da i dopu?
Aini begi wan sama e paamisi Yehofa taki aw libi enke fa a wani. Te wan sama paamisi Yehofa a sani ya, da neen hii libi langa a mu poti Yehofa a fesi (Psalm 40:8). Baka te wan sama paamisi Yehofa a sani ya, da ai dopu. Te i dopu, da ye soi sama taki i paamisi Yehofa taki yo libi enke fa a wani. A paamisi di ye paamisi Yehofa taki yo libi enke fa a wani, na a moo pelensipali sani di yo du aini i libi. Te i du a sani ya, da i hii libi e kengi. San o yeepi i fu du a sani ya?
1. Saide wan sama e paamisi Yehofa taki aw libi enke fa a wani?
A di u lobi Yehofa meke we paamisi en taki wo libi enke fa a wani (1 Yohanisi 4:10, 19). Beibel taki: ‘I mu lobi Yehofa a Gadu fii anga i hii ati, i hii libi, i hii fusutan, anga ala i kaakiti’ (Malikisi 12:30). A ná den sani di we taki namo e soi taki u lobi Yehofa, ma den sani di we du tu. Na a lobi di wan man anga wan uman lobi denseefi meke den e toow bakaten. A so useefi e paamisi Yehofa taki wo libi enke fa a wani, da u dopu, fu di u lobi en.
2. Fa Yehofa e belesi den sama di dopu?
Te i dopu, da ye kon aini a osufamii fu Yehofa. Te i kon aini a osufamii fi en, a omen fasi aw soi taki a lobi i, yu anga en e toon moo bun mati tu. (Leisi Maleyaki 3:16-18.) Te i dopu Yehofa e toon i Dda. Ye fende omen baala anga sisa a hii goontapu di lobi Yehofa, ma di lobi i tu. (Leisi Malikisi 10:29, 30.) Ma i mu du wantu sani fosi i dopu. I mu meke moiti fu sabi Yehofa moo bun, da a sani ya o meke i kon moo lobi en. Boiti dati, i mu e biibi a Manpikin fi en tu. Baka dati, da i mu paamisi Yehofa taki yo libi enke fa a wani. Baka te i du den sani ya, da i sa dopu. A so yo abi a okasi fu piisii fu teego. A Wowtu fu Gadu taki: ‘Dopu e fii sama.’—1 Peitilisi 3:21.
LUKU A TOLI YA MOO FINI
Luku saide i mu paamisi Yehofa taki yo libi enke fa a wani, da i dopu.
3. Ala u mu luku sama wo dini
Son sama aini Islayeli, be e si enke den be sa dini Baa-al anga Yehofa na aseefi yuu. Ma Yehofa meke polofeiti Eliya soi den taki a fasi fa den be e denki á be bun. Leisi 1 Kownu 18:21, da i luku efii poi piki a akisi ya:
-
Sowtu bosoloiti den Islayelisama be mu teke?
Leti enke den Islayelisama, a so useefi mu luku sama wo dini. Leisi Lukasi 16:13, da i luku efii poi piki den akisi ya:
-
Saide wa poi dini Yehofa anga wan taa sani efuso taa sama na aseefi yuu?
-
Fai sa soi Yehofa taki neen wawan ye dini?
4. Pakisei fa Yehofa soi taki a lobi i
Ná pikin bun sani Yehofa gi u. Ma san u sa gi Yehofa? Pee a FELON.
San a wantu fasi fa Yehofa soi taki a lobi i? Leisi Psalm 104:14, 15 anga 1 Yohanisi 4:9, 10, da i luku efii poi piki den akisi ya:
-
Sowtu wan fu den sani di Yehofa gii, i moo lobi?
-
Fa a sani ya e meke ye fii?
Te wan sama gii wan sani di i lobi, da ye wani soi a sama taki a sani di a du, e bigi gii. Leisi Deitolonomi 16:17, da i luku efii poi piki a akisi ya:
-
Te ye pakisei ala den sani di Yehofa du gii, da sai wani du gi en baka?
5. A omen wini yo fende te i paamisi Yehofa taki yo libi enke fa a wani
A omen sama e denki taki den o de koloku te den abi balinen, te den abi wan bun wooko efuso te den abi tyaipi moni. Ma a sani ya a tuu? Pee a FELON, da i luku efii poi piki den akisi ya.
-
San yeepi a baala ya fu fika futubali winsi fa a be lobi en?
-
A baala ya fika futubali, neen a bigin dini Yehofa anga en hii ati. Fai fende a sani di a du ya?
Fosi Pawlesi toon wan Kelesten, a be e feti fu abi balinen. A wan pelensipali Dyu leliman be gi Pawlesi leli. Ma a fika ala den sani ya neen a toon wan Kelesten. A hati en taki a du sani ya? Leisi Filipisama 3:8, da i luku efii poi piki den akisi ya:
-
Saide Pawlesi be e si den gaandi di a be abi fosi a toon wan Kelesten enke dyiko?
-
San a fende di a fika den sani ya?
-
Saide a dini di i mu dini Yehofa pelensipali moo iniiwan taa sani di i be sa du anga i libi?
Den sani di Pawlesi fende di a toon wan Kelesten ipi moo den wan di a be fika
SON SAMA E TAKI: ‘A sosokaali yo lasi i ten dini Gadu.’
-
Saide ye si enke a wan pelensipali sani fu paamisi Yehofa taki yo libi enke fa a wani da i dopu?
SAI LELI?
A di u lobi Yehofa, meke we paamisi en taki wo libi enke fa a wani, da u dopu.
Sai be o piki?
-
Saide a Yehofa wawan u mu dini?
-
Fa Yehofa e belesi den sama di dopu?
-
I wani paamisi Yehofa taki yo libi enke fa a wani?
MOO SANI FU A TOLI YA
Luku saide wan singiman anga wan sama di be e du sport paamisi Yehofa taki den o libi enke fa a wani.
Sani di yonkuu sama e akisi—San mi o du anga mi libi?—Fa mi libi waka te anga now (6:54)
Luku wantu taa sani di meke u mu paamisi Yehofa taki wo libi enke fa a wani.
‘Saide mi mu paamisi Yehofa taki mi o dini en?’ (A Saanantongo Wakititolen fu 15 yanuari 2010)
A singi ya e soi fa yo piisii te i paamisi Yehofa taki yo libi enke fa a wani.
Leisi a toli di den e kai ‘A wan hii pisiten mi be e akisi miseefi taki: ‘Saide u de a libi?’” da yo si san yeepi wan uman fu si san na a moo pelensipali sani aini a libi.
‘Beibel e kengi sama libi’ (A Saanantongo Wakititolen fu 1 november 2012)
