UKPEPN̄KPỌ 46
Ntak Ọfọnde Ayak Idem Ọnọ Abasi Onyụn̄ Ana Baptism?
Owo esiyak idem ọnọ Jehovah Abasi ke ini enye ọbọn̄de akam ọnọ Jehovah, onyụn̄ ọn̄wọn̄ọde ọnọ Jehovah ke akam oro ete ke iyokpono enye ikpọn̄-ikpọn̄, ke ndinam uduak esie edidi ata akpan n̄kpọ ọnọ imọ. (Psalm 40:8) Ana ayak idem ọnọ Jehovah kan̄a mbemiso anade baptism. Baptism edinam mme owo ẹkụt ke afo ama ayak idem ọnọ enye. Inyeneke se idide akpan n̄kpọ ke uwem emi nte owo ndiyak idem nnọ Jehovah. Nso idinam fi ebiere ndikpụhọde nnyụn̄ nyak idemfo nnọ Jehovah Abasi?
1. Nso isinam owo ayak idem ọnọ Abasi?
Ima emi imade Jehovah esinam iyak idem inọ enye. (1 John 4:10, 19) Bible ọdọhọ nnyịn owo kiet kiet ete: “Afo enyene ndima Jehovah Abasi fo ke ofụri esịt fo ye ke ofụri ukpọn̄ fo ye ke ofụri ekikere fo ye ke ofụri ukeme fo.” (Mark 12:30) Edieke imade Abasi, nnyịn iditịn̄ke-tịn̄ ke inua kpọt, iyananam iwụt. Ima esinamde eren ye n̄wan emi ẹmade idemmọ ẹnam ndọ. Ukem ntre, edieke imade Jehovah, ima oro ayanam iyak idem inọ enye inyụn̄ ina baptism.
2. Nso ke Jehovah esinam ọnọ ikọt esie emi ẹnade baptism?
Ama ana baptism, Jehovah ayabat fi esịn ke otu ubon esie emi ẹkopde inemesịt. Enye eyenen̄ede ama fi; afo oyonyụn̄ ekpere enye akan nte ekperede idahaemi. (Kot Malachi 3:16-18.) Jehovah ayada fi nte eyen esie, ndien oro ayanam fi etiene enyene nditọete ye nditọeka emi ẹmade Jehovah ẹnyụn̄ ẹmade fi, ke ofụri ererimbot. (Kot Mark 10:29, 30.) Edi enyene se anade anam mbemiso anade baptism. Ana ekpep n̄kpọ aban̄a Jehovah, ama enye, onyụn̄ ọbuọt idem ke Eyen esie. Ekem, ana ayak idem ọnọ Jehovah. Akpanam mme n̄kpọ emi onyụn̄ ana baptism, oro ekeme ndinam fi etiene esịne ke otu mbon emi ẹdidude ata uwem ke nsinsi. Ti ke Ikọ Abasi ọdọhọ ete: “Se idide ukem ye emi ke ẹda ẹnyan̄a mbufo n̄ko ke emi, oro edi, baptism.”—1 Peter 3:21.
SỊN IDEM KPEP
Se se inamde enen̄ede ọfọn ayak idem ọnọ Jehovah onyụn̄ ana baptism.
3. Ana kpukpru nnyịn imek Abasi idikponode
Ndusụk nditọ Israel eset ẹkesidi ẹkpono Jehovah Abasi, ẹkpono abasi ubọk owo emi ẹkekotde Baal. Jehovah ama ọdọn̄ prọfet Elijah ọkọdọhọ mmọ ke utọ n̄kpọ oro ifọnke. Kot 1 Ndidem 18:21, ekem ẹbọrọ mbụme emi ẹnyụn̄ ẹneme ẹban̄a enye:
-
Nso ke akana nditọ Israel ẹnam?
Ukem nte nditọ Israel, ana nnyịn n̄ko imek m̀mê anie ke idikpono. Kot Luke 16:13, ekem ẹbọrọ mbụme emi ẹnyụn̄ ẹneme ẹban̄a mmọ:
-
Ntak emi mîfọnke edi ikpono Jehovah, ikpono n̄kpọ en̄wen?
-
Nso ke ikpanam man iwụt ke Jehovah ke imek ndikpono?
4. Siti adan̄a nte Jehovah amade fi
Jehovah ọnọ nnyịn ediwak nti n̄kpọ. Ekere ke nso ke ikpetiene inọ enye? Se VIDIO emi.
Nso ye nso ke Jehovah anam ọnọ fi emi owụtde ke enye ama fi? Kot Psalm 104:14, 15 ye 1 John 4:9, 10, ekem ẹbọrọ mbụme emi ẹnyụn̄ ẹneme ẹban̄a mmọ:
-
Ke otu ofụri n̄kpọ emi Jehovah ọnọde fi, ewe ye ewe ke ama akan?
-
Ama eti mme n̄kpọ oro esitie fi didie ke idem?
Owo ama ọnọ nnyịn se inen̄erede ima, imesiwụt enye ke imama n̄kpọ oro. Kot Deuteronomy 16:17, ekem ẹbọrọ mbụme emi ẹnyụn̄ ẹneme ẹban̄a enye:
-
Ama etie ekere mme n̄kpọ mme n̄kpọ emi Jehovah anamde ọno fi, oro esinam fi oyom ndinam nso nnọ enye?
5. Ndiyak idem nnọ Abasi asan̄a ye edidiọn̄
Ediwak owo ẹkere ke ndiwọrọ etop, nnam akamba utom, m̀mê nnyene okụk ayanam mmimọ ikop inemesịt. Ndi oro esinọ owo inemesịt? Se VIDIO emi, ekem ẹbọrọ mbụme emi ẹnyụn̄ ẹneme ẹban̄a mmọ.
-
Nso ikanam akparawa oro etre utom ubre bọl emi enye ekenen̄erede ama?
-
Enye ama esịn idem ke n̄kpọ Jehovah utu ke ndisịn ke bọl. Ndi nnennen n̄kpọ ke enye akanam oro? Nso inam ọdọhọ ntre?
Apostle Paul ama enyene utom emi akanamde enye ọwọrọ etop, onyụn̄ ekpep ibet mme Jew oto ọwọrọetop a-titia kiet. Edi enye ama ọkpọn̄ kpukpru oro akabade edi Christian. Ndi enye ama atua ubaha? Kot Philippi 3:8, ekem ẹbọrọ mbụme emi ẹnyụn̄ ẹneme ẹban̄a mmọ:
-
Nso ikanam Paul ọdọhọ ke ibat se ikesinamde oro mbemiso idide Christian ke “mbio”?
-
Nso ke enye ekedinyene?
-
Ndi emekere ke enyene se akpadade uwem fo anam, emi ọfọnde akan ndinam n̄kpọ Jehovah? Nso inam ọdọhọ ntre
Se Paul ekedinyenede ke enye ama ekedi Christian, ama okpon akan se ededi emi enye akayakde atak
NDUSỤK OWO ẸSIDỌHỌ ẸTE: “Mmọdiọn̄ọ ke mbufo ẹkpep akpanikọ, edi ndikemeke ndidi owo mbufo.”
-
Ntak emi ekerede ke ọfọn ayak idemfo ọnọ Jehovah?
SE IKPEPDE
Isiyak idem inọ Jehovah inyụn̄ ina baptism ke ntak emi imade enye.
Se M̀mê Emeti
-
Nso inam fi enịm ke Jehovah odot se nnyịn imade inyụn̄ ikponode ke ofụri esịt?
-
Nso ke Jehovah esinam ọnọ ikọt esie emi ẹnade baptism?
-
Ndi omoyom ndiyak idem nnọ Jehovah?
KPEP N̄KPỌ EN̄WEN
Se se ikanamde ọkwọ-ikwọ ye owo n̄ka ubre bọl ẹyak idem ẹnọ Jehovah.
N̄kparawa ye N̄kaiferi Ẹbụp Ẹte—Nso ke N̄kpada Uwem Mi Nnam?—Ntuaha N̄kpọfiọk (6:54)
Se ntak ifan̄ en̄wen emi akpayakde idem ọnọ Jehovah.
“Ntak Emi Ayakde Idem Ọnọ Jehovah?” (Enyọn̄-Ukpeme, January 15, 2010)
Ke vidio emi, se nte esịt enemde mbon emi ẹyakde idem ẹnọ Jehovah.
Se mbụk emi “Mma Nsikere ke Ediwak Isua Nte, ‘Ntak Emi Abasi Okobotde Nnyịn-e?’” ke oyokụt se ikanamde n̄wan kiet afiak odụn̄ọde se idide ata akpan n̄kpọ inọ enye ese.
Ekeme Ndidi Ayama Mmọ Emi N̄ko
MBỤME EMI ẸSIWAKDE NDIBỤP
Didie ke Mme Ntiense Jehovah Ẹsikpep Mme Owo Bible?
Emekeme ndikama Bible ekededi ke ini ekpepde n̄kpọ ye Mme Ntiense Jehovah. Akpama, emekeme ndikot ofụri mbon ubon fo, m̀mê ufan fo ekededi editiene ekpep.
