ZASEŊƆ 46
Bem Zuo Ti La Nara Ti Ho Kã Homea Ge Muse Ko’om?
Ho san kã homea bo Yehowa, ho ni zusɛ en yeti ho wan pu’usa la eŋa ma’a ge me tuna a puti’irɛ n boti sɛla yia ho vom poan. (Yooma 40:8) Bala pooren la, ho nyaa wan muse ko’om. Ninmɔ’ɔrɛ loore n gaŋɛ za’a ti ho wan ta’an loe dela ho kã homea bo Yehowa. Bem n wan kpemese ho giila ti ho loe ninmɔ’ɔrɛ loore wa n wan ta’an tee ho vom la?
1. Bem n wan kpemese nɛra giila ti a kã amea bo Yehowa?
Nɔŋerɛ n ni basɛ ti to kã tomesi bo Yehowa. (1 Yon 4:10, 19) Baabule la yeti: “Nɔŋɛ Yehowa ho Naayinɛ la, la ho suure za’a la ho sia za’a la ho puti’irɛ za’a la ho paŋa za’a.” (Mark 12:30) To ka nɔŋɛ Naayinɛ la to nɔɔrɛ ma’a ge to tuuma poan. Wuu buraa n nɔŋɛ pɔka nyaa ni ta di en se’em la, bala mea ti to nɔŋɛ Yehowa la ni basɛ ti to kã tomesi bo en ge muse ko’om.
2. Yehowa tari la bem kã’a bɔ’ɔra a Sɛɛradoma n muse ko’om la?
Ho san muse ko’om, ho ni wa’ana pa’asɛ Yehowa deodoma n tari pupeelum poan mɛ. Ho wan sirum nyɛ ho vom poan ti a ba’ɛ nɔŋɛ ho mɛ ge ti ho wan ta’an vurege lɛm en gana wunse’ere la. (Kaalɛ Malaki 3:16-18.) Yehowa wan dɛna ho Sɔ ge sɛla n le pa’asɛ dela, ho wan tara mabinɔɔrɛ tingɔŋɔ wa zuo ti ba dɛna ho vo’osum poan deodoma. Ba nɔŋɛ Naayinɛ mɛ ge me nɔŋɛ hɔ. (Kaalɛ Mark 10:29, 30.) La nari to ho eŋɛ la yɛla ase’a ge nyaa muse ko’om. La nari ti ho zamesɛ baŋɛ Yehowa ge nɔŋɛ en ge me tara sakerɛ bɔ’ɔra a Dayɔa la. Ba’asegɔ za’a la, ho nyaa wan kã homea bo Yehowa. Ho san eŋɛ yele ana wa ge muse ko’om, ho wan ta tara vom somɔ daarewoo. Naayinɛ Yetɔɣum la yeti: “Ko’om musega . . . n me faari ya basera nananawa.”—1 Peter 3:21.
VIISƐ PA’ASƐ
Viisɛ bisɛ sɛla n sɔi ti la yele pakɛ ti ho kã homea bo Yehowa ge muse ko’om.
3. La nari ti to za’a loe mina ti to wan pu’usa
Diimi Israeldoma basɛba yuun ti’isɛ ti ba ta’an pu’usa Yehowa ge kelum pu’usa pumpɔreŋɔ yinɛ Baal. Ge Yehowa yuun tum la a nɔdɛ’ɛsa Eliya ti a demese nɛreba wa n yuun ti’iseri se’em ti la ka tɔ la. Kaalɛ 1 Nadoma 18:21 ge nyaa sɔsɛ sokere wa:
-
Loore deni ti Israeldoma la yuun nara ti ba loe?
Wuu Israeldoma la, tomam me nari ti to loe mina ti to wan pu’usa. Kaalɛ Luke 16:13 ge nyaa sɔsɛ sokere ana wa:
-
Beni n sɔi ti to kan ta’an pu’usa Yehowa ge kelum pu’usa nɛresɛka bii sɛla kayima?
-
To wan eŋɛ la wani pa’alɛ Yehowa ti to loe ti to pu’usa la eŋa ma’a?
4. Ti’isɛ taɣesɛ Yehowa n nɔŋɛ ho se’em
Yehowa bo to la tuulum bo’olum zo’e zo’e. To wan ta’an bo en la bem? Ŋmɛ VIDIYO la.
Sarɔtɔ ani poan ti Yehowa eŋɛ pa’alɛ ti a nɔŋɛ ho mɛ? Kaalɛ Yooma 104:14, 15 la 1 Yon 4:9, 10 ge nyaa sɔsɛ sokere ana wa:
-
Yehowa bo’olum ani ti hon ba’ɛ nɔŋɛ?
-
Bo’olum ana wa basɛ ti hon ti’isɛ a yele la wani?
To san to’e bo’olum ti to ba’ɛ nɔŋɛ, to ni bɔta ti nɛra la baŋɛ ti to puurɛ pee ya. Kaalɛ Tɛɛnhegɔ 16:17 ge nyaa sɔsɛ sokere wa:
-
Ho san ti’isa sɛla woo ti Yehowa eŋɛ bo ho la, la ni basɛ ti ho bɔta ti ho eŋɛ la bem bo en?
5. Ho san kã homea bo Yehowa, la basɛ ti ho nyɛta la kã’a zo’e zo’e
Nɛreba zo’e zo’e ti’isɛ ti ba san nyɛ yu’urɛ, tara tuunsoma bii ligeri, bala n bo’ori pupeelum. Bala dela yelemɛŋɛrɛ? Ŋmɛ VIDIYO la ge nyaa sɔsɛ sokere ana wa:
-
Vidiyo la poan la, nɛra la daa ba’ɛ nɔŋɛ la boole ŋmɛ’a ge beni n sɔi ti a nyaa daa basɛ boole ŋmɛ’a?
-
A daa loe ti a kã la amea bo Yehowa ge daɣɛ boole ŋmɛ’a. Hon ti’isɛ ti a loe la loesonɛ? Bem zuo?
Ge ti tuuntuna Paul yuun nyaa ta dɛna Kristabia la, a yuun tuni la tuunɛ n tari yu’urɛ. Pa’ala n tari yu’urɛ n yuun pa’alɛ en Yuda lɔɔ. Ge a yuun basɛ yele aŋa za’a waabi mɛ ge ta’an dɛna Kristabia. Paul yuun yeti a daa san baŋɛ ni a kan eŋɛ bala? Kaalɛ Filipi 3:8 ge nyaa sɔsɛ sokere ana wa:
-
Beni n sɔi ti Paul yuun yeti sɛla woo ti eŋa yuun ita ge nyaa dɛna Kristabia la yuun dela “sɔɣerɔ zo’e zo’e”?
-
Bem ti a yuun nyaa nyɛ?
-
Ho san dekɛ hon pu’useri Yehowa makɛ la ho san ka pu’useri ni en, hon wan yeti bem?
Se’em ma’a ti Paul yuun dɛna Kristabia la, a yuun nyɛ nyuurɔ zo’e zo’e gana se’em ma’a ti a yuun nan daɣena Kristabia la
NƐREBA BASƐBA YETI: “Yɛm ka boi bim ti ho dekɛ ho vom tuna bɔ’ɔra Naayinɛ.”
-
Beni n sɔi ti hon ti’isɛ ti yɛm boi bim ti ho kã homea bo Yehowa?
YELEKPINE
Nɔŋerɛ n ni basɛ ti to kã tomesi bo Yehowa ge muse ko’om.
Tiisegɔ Sokere
-
Beni n sɔi ti la nara ti to dekɛ to suure za’a nɔŋɛ Yehowa ge pu’usa en?
-
Sore kani poan ti Yehowa soŋera a Sɛɛradoma n muse ko’om?
-
Hon wan bɔta ti ho kã homea bo Yehowa?
Ɛ BISƐ
Bisɛ baŋɛ sɛla n sɔi ti yuun yuuna ayima la boole ŋmɛ’ɛra ayima yuun loe ti ba kã bamesi bo Yehowa.
Bunbilipaalesi Soke Yeti—N Wan Eŋɛ La Bem N Vom Poan?—Ho San Ti’isa Pooren (6:54)
Geele yɛla ase’a pa’asɛ baŋɛ sɛla n sɔi ti la nara ti ho kã homea.
“Beni N Sɔi Ti La Nara Ti Ho Kã Homea Bo Yehowa?” (The Watchtower, January 15, 2010)
Vidiyo yuunɛ wa poan, bisɛ sɛba n kã bamesi bo Yehowa n tari pupeelum se’em.
Kaalɛ baŋɛ sɛla n soŋɛ pɔka ayima ti a viisɛ baŋɛ sɛla n de ninmɔ’ɔrɛ a vom poan ti la bɔna zi’irego poan yele la n de “Yuuma Zo’e Zo’e Ti Mam Kɔ’ɔn Ti’isa Ti, ‘Beni N Sɔi Ti To Bɔna Kalam?’” la poan.
“Baabule La Teeri Nɛreba Vom Mɛ” (The Watchtower, November 1, 2012)
Ho Me Ta'an Bɔta Yele Ana
SOKESE’A TI NƐREBA SƆKERA
Bem Baabule Zamesegɔ N Bala Ti Yehowa Sɛɛradoma Ita La Nɛreba?
Hon la Yehowa Sɛɛradoma san zamesa Baabule la, ho ta’an tara homea Baabule la kaala, zamesegɔ la poan. Ho ta’an yele ho yire nɛreba za’a la ho zɔdoma ti ba laɣum kelese zamesegɔ la.
