SOMO LYA 46
Bulagurhe Bihemere Okuchihaana n’Okubatizwa?
Wakachihaana emwa Yehova omu kumulaganya omu sala oku yewe yenyine yiwakolera n’okuhira obulonza bwage oku fasi y’oburhanzi omu kalamo kawe. (Zaburi 40:8) Enyuma waho wanabatizwa omu kuyereka abandi oku wachihaanire emwa Mungu. Okuchihaana emwa Yehova eli simikiro y’akamaro bwenene kulusha zoshi rhwakajira. Eyola eli simikiro y’akamaro bwenene yahindamula akalamo kawe. Bobuno bichi byakakurhabala orhole esimikiro eli nk’eyola?
1. Bichi binarhuma omuntu achihaana?
Okuchihaana kwerhu emwa Yehova kunashunikwa n’obuzigire. (1 Yohana 4:10, 19) Ebiblia erhuhirire omurhima ntya: “Ozigire Yehova Mungu wawe n’omurhima gwawe goshi n’obuguma-guma bwawe boshi n’obwenge bwawe boshi n’emisi yawe yoshi.” (Marko 12:30) Rhunayereka Mungu oku rhumuzigiire, arhali omu birhuli rhwaderha byonyine, si n’omu birhuli rhwajira. Nka kulala omunyere n’omurhabana bazigirene banahikira ahabashabana, obuzigire rhuherhe ku Yehova bwarhushunika rhuchihaane emwage n’okubatizwa.
2. Migisho ehe Yehova anaha Abahamirizi bage babatizwe?
Amango wabatizwa wanaba muguma w’omu mulala gwa Yehova guherhe obusime. Nji wabona obuzigire akuherheko mu njira zinene, nji wanamuyegera bwenene kulusha nk’okubili zene. (Osome Malaki 3:16-18.) Olekere okubona gurhe Yehova aba yisho, wagwarha omulala gwa bene-benyu na bali-benyu b’omu gulu lyoshi bamuzigiire banakuzigiire nawe. (Osome Marko 10:29, 30.) Kweri hali ebintu bihemere oyeneze embere obatizwe. Bihemere oyige oku bilolere Yehova, omuzigire, onagwarhe obwemere omu Mugala. Buzinda, okwanene ohaane akalamo kawe emwa Yehova. Nk’ojirire ebyola byoshi n’okubatizwa, eyi wamaja omu njira eganire oku kalamo k’esiku n’amango. Echinwa cha Mungu chiderhere: “Obubatizo . . . bubachungwire nenyu zene.”—1 Petro 3:21.
HUMBA BWENENE
Lola bulagurhe bili by’akamaro ochihaane emwa Yehova n’okubatizwa.
3. Rhweshi rhukwanene rhuchishoge nde rhwakolera
Omu Izraeli ya mira, bantu baguma baliri bawaza oku bakaharamya Yehova, baharamye na mungu w’obubeshi Baali. Yehova arhuma omulebi Eliya agosore amo mawazo mabo mabi. Osome 1 Wafalme 18:21, muje mwaganira kw’echila chibazo:
-
Bichi Abaizraeli balichishogere kujira?
Kuguma n’Abaizraeli, nerhu rhukwanene kuchishoga nde rhwakolera. Osome Luka 16:13, muje mwaganira kw’ebila bibazo:
-
Bulagurhe rhurhakaharamya Yehova rhukashuba haramya n’owindi muntu changwa echindi chintu choshi-choshi?
-
Nka gurhe rhunayereka Yehova oku rhwachishogere kumuharamya?
4. Owaze oku buzigire Yehova akuherheko
Yehova arhuhere mpembo kamama. Nawe bichi wakaja wamuha? ziha EVIDEO.
Njira zihe ziguma omu zi Yehova akuyerekere m’obuzigire wakaderha? Osome Zaburi 104:14, 15 na 1 Yohana 4:9, 10, muje mwaganira kw’ebila bibazo:
-
Omu mpembo Yehova akuhere, ahanene zihe ziguma onayunva osimire bwenene?
-
Gurhe ezola mpembo zinarhuma wabona Yehova?
Eyi rhwapata oluhembo rhunayunva rhusimire, rhunaba rhulonzeze rhuyerekane eshukurani k’olala warhuhagalo. Osome Kumbukumbu 16:17, muje mwaganira kw’echila chibazo:
-
Ey’owaza ku byoshi Yehova akukolere, bichi onawaza nawe wakamuha?
5. Okuchihaana kunalerha migisho minene
Bantu banene banawaza k’okulengerera, akasi kakwirire, efuranga; mpu bibyakarhuma bapata obusime. Aliko si bukweri obola? Ziha EVIDEO, muje mwaganira kw’ebila bibazo.
-
Chiro akaba ok’oyu musole rhwabwene omu video alisimire okusharha akabumbu bwenene, bichi byarhumaga akaleka?
-
Alichishogere okuchihaana, arhali oku kabumbu, s’emwa Yehova. Owazize okw’alirholere esimikiro nyinja si? Bulagurhe?
Embere Paulo abe Mukristu, aliri ahigirira akole akasi kakarhumire amenyikana bwenene. Aliyigirizwe amarhegeko ma Bayahudi n’omwalimu omenyikene onakengerwe. Aliko alekana n’ebyola byoshi yaba Mukristu. Buzinda Paulo alichiganyize si? Osome Wafilipi 3:8, muje mwaganira kw’ebila bibazo:
-
Bichi byarhumaga Paulo aderha oku eby’alekanaga nabyo embere abe Mukristu chaliri chavu changwa zinga?
-
Bichi aliyungukire bilushire ebyo alekaga?
-
Okukolera Yehova, n’eyindi njira yoshi-yoshi wakakolesa mw’akalamo kawe; bichi obwene by’akamaro?
Amango Paulo abaga Mukristu, aliyungukire binene kulusha eby’alekanaga nabyo
HALI ABANTU BANADERHA: “Nk’omuntu amachihaana emwa Mungu, ey’amachiheba olukoba omu gosi.”
-
Bulagurhe owazize k’okuchihaana emwa Yehova kuli kwinja?
OKU BUGEKE
Obuzigire bunarhushunika rhuchihaane emwa Yehova n’okubatizwa.
Rhuchiyibusye
-
Bulagurhe Yehova akwanene rhumuzigire n’okumuharamya n’omurhima goshi?
-
Gurhe Yehova anahemba Abahamirizi bage babatizwe?
-
Nawe osimire ochihaane emwa Yehova si?
EYINDI MYAZI
Lola bichi byarhumaga omuntu waliri mizisiye n’owindi waliri munya-sporo bahaana akalamo kabo emwa Yehova.
Emisole Enabaza—Gurhe Nakakolesa Akalamo Kani?—Okushuba Kuyibuka (6:54)
Lola ezindi mpanvu zakarhuma omuntu achihaana emwa Yehova.
“Bula Gurhe Ochihaane Emwa Yehova?” (Omunara g’Omulanzi, Siku 15, Mwezi gwa 1, 2010)
Mw’eyila video y’omuziki, lola obusime bungana abahaanire akalamo kabo emwa Yehova banapata.
Omu ngani ederhere “Mu Myaka Minene Naliri Nachibaza, ‘Bulagurhe Rhulamire?’”Lola ebyarhabalaga mukazi muguma alolereze bichi bili by’akamaro omu kalamo kage.
“Ebiblia Enahindamula Akalamo k’Abantu” (Omunara g’Omulanzi, Lusiku 1, Mwezi gwe 11, 2012)
