AKANKAMU 46

Urukamtai sumamar nuya imiantiniaitiaj?

ANTUKTIN, IISTIN

Yaksha Yuusai sumamattsa wakerakka Yuusan seak aya aminiak umirkattajme nuya ame wakeramna nuna najanatjai titiniaiti (Salmo 40:8 TNM). Nuna tura chikich imia ajainiai imiantiniaiti. Yuusai sumamsatniuka nakuchuiti. Ii yajauch najantairisha iniaiyaji. Yuusai sumamam imiantiasam wari itiurkatniuitiam?

1. Urukamtai Jehovai sumamatniuitiaj?

Jehová anea asar sumamsatniuitji (1 Juaṉ 4:10, 19). Yuus papiikia “tuke enentáimjiai Uunt Yus ame Yúsrum nekas takamtsuk enentái̱ji̱a̱i̱ tura ashí ame kakarmarmiji̱a̱i̱ tura ashí ame enentáimtairmiji̱a̱i̱sha aneata” tawai (Rúkas [Lucas] 10:27). Jehová aneakrikia yajauchia nu aujmattsashtatji tura yajauchia nu najanashtatji. Yaksha anenainiakka nuatnainiawai, Jehová aneamusha aintsankete. Jehová anea asar nini sumamsar imiantiniaitji.

2. Imianimkia itiur pujuttam?

Jehová iruntramurin pachitkia asam warasam pujuttame. Jehová anenma asa yainmaktatui tura amesha ni amikri ajastatme (Marakías 3:16-18 aujsata). Nuyasha Jehová ame apa ajastatui tura Jehová anenajai nuya amin anenmainiajai nawamnairattame (Rúkas [Lucas] 18:29, 30 aujsata). Jehová nekaam aneastiniaitme nuya Jesús ii tunaari akikmaktasa jakamiayi tu enentaimsam yapajniatniuitme. Mashiniu nu turamka Jehová ame wakeramu najanatjai timi imiantiniaitme. Imianimkia tuke iwiaku pujuttame. Yuus papii junis tawai: “Antsu ii enentái̱ péṉker atí tusar Yus sear imianji. Nuja̱i̱ iisha uwemji” (1 Pítiur 3:21).

PENKER NEKAATAI

Urukamtai Jehovai sumamsam imiantiniaitiam nu nekaatai.

3. Yaki umirkataj nui enentaimsatniuitji

Israel aentska Jehová enentaimtaiyatrik nuyasha Baalsha enentaimtusminiaitji tu enentaimiainiash irunmiayi. Tumaitkiusha aya Jehovanak enentaimtusartiniuyayi. Tuma asamtai Jehová Eliasan akuptukmiayi. 1 Akupin [1 Reyes] 18:21 aujsarum juna aujmattsatarum:

Israel aents warinia turawartiniuya?

Israel aents turawarmia nunisrik ya umirkattaj nui enentaimsatniuitji. Rúkas [Lucas] 16:13 aujsarum juna aujmattsatarum:

Urukamtai aya Jehovak enentaimtustiniaitiaj?
Aya Jehovak umireakrikia wari najanatniuitiaj?

4. Jehová anenma asa warinia najanait nui enentaimsata

Jehová anenkrata asa warinkish nukap amasuitji. Iisha wari turatniuitiaj? VIDEO iistarum.

VIDEO: Yuussha wari susamniaitiaj? (3:04)

Jehová amincha anenma asa warinia turait? Yus Kanta [Salmo] 104:14, 15 nuya 1 Juaṉ 4:9, 10 aujsarum juna aujmattsatarum:

Jehová warinia ti penkeran amasuit?
Jehová nuna amasu asamtai itiur enentaimiam?

Yaksha warinkish amasakrin yuminsatniuitji. Muisais Ujakma [Deuteronomio] 16:13-17 aujsarum juna aujmattsatarum:

Jehová amasua nu enentaimsam wari turattsam wakeram?

5. Imianiakminkia Yuus ti yainmaktatui

Aentska naatkaitkiur tura kuitrinniuitkiur warasar pujumniaitji tu tiniu ainiawai. Nu nekasashit? VIDEO iisrum juna aujmattsatarum:

VIDEO: Fútbol nakurustinian ti wakeriniuyajai (5:45)

Futbolan nakurustin wakeraksha urukamtai iniaisamia?
Nakurustinniaka iniais nekaska Jehovan enentaimtusmiayi. Ainis turamiania nu penkerashia? Urukamtai ainis tame?

Pablo Kristu aents ajatsuk ti naatkauyayi. Pablonka ti unuimiaru unuiniaruyayi. Tumaitkiusha nunaka iniaisamiayi Kristu aents ajastasa. Pablo urukamtain iniaisamaj tu enentaimsamiashia? Jiripiusnum [Filipenses] 3:8 aujsarum juna aujmattsatarum: