TIMEƔRI TIS 46
Ayɣer i glaq a nbudd iman-nneɣ i Ṛebbi yerna a neţwaɣḍeṣ?
A nbudd iman-nneɣ i Yahwa, lmeɛna-s a s-newɛed di tẓallit belli ḥaca neţţa ara neɛbed yerna d lebɣi-s ara nxeddem d amezwaru di tudert-nneɣ (Ahellil 40:9). Umbeɛd, a neţwaɣḍeṣ, yeɛni a d-nbeggen zdat n lɣaci belli nbudd iman-nneɣ i Ṛebbi. M’ara nbudd iman-nneɣ i Yahwa, d leqrar yugaren akk wiyaḍ i nezmer a neṭṭef. D acu ara k-d-yefken lebɣi aţ-ţbuddeḍ iman-ik i Yahwa?
1. D acu ara yawin albeɛḍ ad ibudd iman-is i Ṛebbi?
D leḥmala ara yawin albeɛḍ ad ibudd iman-is i Yahwa (1 Yuḥenna 4:10, 19). Yeqqar-ed Wedlis Iqedsen: ‘Aţ-ţḥemmleḍ Yahwa Ṛebbi-inek, seg wul-ik meṛṛa, s teṛwiḥt-ik meṛṛa, s lbal-ik meṛṛa, s tezmert-ik meṛṛa’ (Marqus 12:30). Mačči s imeslayen kan i d-neţbeggin belli nḥemmel Ṛebbi, neţbeggin-ed daɣen belli nḥemmel-it s lefɛayel. Akken i teţţawi leḥmala argaz ţ-ţmeṭṭut ad zewǧen, i ɣ-teţţawi daɣen leḥmala a nbudd iman-nneɣ i Yahwa yerna a neţwaɣḍeṣ.
2. Amek i geţbarak Yahwa Inagan-is yeţwaɣeḍṣen?
M’ara teţwaɣeḍṣeḍ, aţ-ţuɣaleḍ d aɛeggal n twacult n Yahwa, tawacult ideg yella lfeṛḥ. Imiren, aţ-ţwaliḍ leḥmala n Yahwa di tudert-ik yerna aţ-ţqerrbeḍ akteṛ ɣur-es (ɣer-ed Malaxi 3:16-18). Yahwa ad yuɣal d Baba-k, yerna aţ-ţuɣaleḍ d aɛeggal n twacult n watmaten ţ-ţyessetmatin i d-yekkan si ddunit meṛṛa, i gḥemmlen Yahwa, i k-iḥemmlen daɣen ula d kečč (ɣer-ed Marqus 10:29, 30). Akken i t-id-nwala yakan, llant leḥwayeǧ i glaq aţ-ţxedmeḍ uqbel aţ-ţeţwaɣeḍṣeḍ. Di tazwara, ilaq aţ-ţissineḍ Yahwa, a t-tḥemmleḍ yerna aţ-ţamneḍ s Mmi-s. Umbeɛd, ilaq aţ-ţbuddeḍ taṛwiḥt-ik i Yahwa. Mi tessawḍeḍ txedmeḍ ayagi meṛṛa yerna teţwaɣeḍṣeḍ, aţ-ţebduḍ tikli deg webrid yeţţawin ɣer tudert n dayem. Awal n Ṛebbi yeqqar-ed: ‘Aɣḍaṣ a ken-isellek’ (1 Buṭrus 3:21).
A NNADI A NEFHEM AKTEṚ
A nwali ayɣer i glaq aţ-ţbuddeḍ iman-ik i Yahwa yerna aţ-ţeţwaɣeḍṣeḍ.
3. Ilaq a nextiṛ irkelli menhu ara neɛbed
Zik-nni, llan kra seg wat Isṛayil i gɣilen belli zemren ad ɛebden Yahwa w’ad ɛebden daɣen yiwen uṛebbit n lekdeb umi i qqaren Baɛal. Meɛna, Yahwa iceggeɛ-asen nnbi Ilya bac a ten-iɛiwen ad beddlen tikli. Ɣret-ed 1 Igelliden 18:21, mbeɛd hedṛet ɣef westeqsi-yagi:
-
D acu i sen-ilaq i wat Isṛayil ad xtiṛen?
Am wat Isṛayil, nekni daɣen ilaq a nextiṛ anwa ara neɛbed. Ɣret-ed Luqa 16:13, mbeɛd hedṛet ɣef yesteqsiyen-agi:
-
Ayɣer ur nezmir ara a neɛbed Yahwa w’a neɛbed daɣen albeɛḍ nniḍen, neɣ lḥaǧa nniḍen?
-
Amek ara d-nbeggen i Yahwa belli d neţţa i nextaṛ a t-neɛbed?
4. Meyyez ɣef leḥmala i k-iḥemmel Yahwa
Yahwa yefka-yaɣ-d aṭas n lehdeyyat yesɛan lqima. I nekni, d acu i nezmer a s-nefk? Walit BIDYU-YAGI.
Amek i k-d-ibeggen Yahwa belli iḥemmel-ik? Ɣret-ed Ahellil 104:14, 15 akk-d 1 Yuḥenna 4:9, 10, mbeɛd hedṛet ɣef yesteqsiyen-agi:
-
Deg wayen akk i ɣ-d-yefka Yahwa, d acu i k-iɛeǧben mliḥ?
-
D acu i teţḥussuḍ ɣef Yahwa m’ara teţxemmimeḍ ɣef tukciwin-agi meṛṛa?
M’ara ɣ-d-yefk walbeɛḍ kra n lehdeyya i ɣ-iɛeǧben, a nebɣu a t-ncekkeṛ seg wul. Ɣret-ed Asmekti 16:17, mbeɛd hedṛet ɣef westeqsi-yagi:
-
M’ara teţmeyyizeḍ ɣef wayen akk i gexdem Yahwa ɣef ddemma-inek, amek ara s-terreḍ lxiṛ?
5. Ma nbudd iman-nneɣ i Yahwa, aṭas n lbaṛakat ara ɣ-d-iṣaḥen
Aṭas n lɣaci i gɣilen belli ma yuɣal walbeɛḍ mechuṛ, neɣ ma yeṭṭef amkan n lɛali di lxedma-s, neɣ ma yekseb idrimen, ad yili di lfeṛḥ. Dɣa d ṣṣeḥ wayagi? Walit BIDYU-YAGI, mbeɛd hedṛet ɣef yesteqsiyen i d-iţeddun.
-
Acuɣer i geḥbes Andreï ddabex n uḍar ɣas akken iḥemmel llɛeb-agi?
-
Yextaṛ ad ibudd tudert-is i Yahwa, mačči i ddabex n uḍar. D leqrar yelhan i geṭṭef? Acuɣer?
Uqbel ad yuɣal wemceggeɛ Bulus d amasiḥi, yeɣra ccariɛa n Iyahudiyen ɣer yiwen uselmad mechuṛen. Yella yeṭṭef amkan n lɛali, meɛna yeǧǧa kullec bac ad yuɣal d amasiḥi. Yendem ɣef wayagi? Ɣret-ed Ifilibiyen 3:8, mbeɛd hedṛet ɣef yesteqsiyen-agi:
-
Ayɣer i geḥseb Bulus “d iḍumman” ayen i gesɛa uqbel ad yuɣal d amasiḥi?
-
D acu i d-yerbeḥ?
-
Ɛlaḥsab-ik, d acu ara k-yessefṛḥen akteṛ: aţ-ţqedceḍ ɣef Yahwa neɣ aţ-ţbuddeḍ tudert-ik i wayen nniḍen?
Asmi i guɣal Bulus d amasiḥi, irbeḥ-ed akteṛ n wayen i s-iṛuḥen.
KRA QQAREN: “Ẓriɣ belli ţ-ţideţ, meɛna ur wǧideɣ ara ad ţwaɣeḍṣeɣ.”
-
I kečč, d acu i teţxemmimeḍ?
AYEN I D-NELMED
Leḥmala teţţawi-yaɣ a nbudd iman-nneɣ i Yahwa yerna a neţwaɣḍeṣ.
A d-nesmekti
-
Acuɣer i guklal Yahwa a t-nḥemmel yerna a nqeddec fell-as s wul-nneɣ meṛṛa?
-
Amek i geţǧazi Yahwa Inagan-is yeţwaɣeḍṣen?
-
Tebɣiḍ aţ-ţbuddeḍ iman-ik i Yahwa?
TZEMREḌ AŢ-ŢWALIḌ DAƔEN
Ayɣer i gextaṛ yiwen yeţţuraren addal akk-d yiwet n tcennayt ad budden tudert-nsen i Yahwa?
Isteqsiyen yeɛnan ilmeẓyen... D acu ara xedmeɣ di tudert-iw?—Ccfawat (6:54)
Wali ssebbat nniḍen ara ɣ-yawin a nbudd iman-nneɣ i Ṛebbi.
Pourquoi se vouer à Jéhovah ? (La Tour de Garde, 15 janvier 2010)
Ccna i d-yesbegginen lfeṛḥ swayes i ţḥussun wid ibudden iman-nsen i Yahwa.
Ayen i gɛawnen yiwet n tmeṭṭut akken aţ-ţɛiwed aţ-ţmeyyez ɣef wayen i gesɛan azal di tudert-is (wali taḥkayt Pendant des années, je me suis demandé pourquoi on existe [Acḥal d aseggas, nekk steqsayeɣ acuɣer i d-nusa ɣer ddunit]).
La Bible transforme des vies (La Tour de Garde, 1er novembre 2012)
Tzemreḍ aţ-ţwaliḍ daɣen…
ISTEQSIYEN I D-IŢŢUƔALEN DIMA
Amek i sɣarayen Inagan n Yahwa Adlis Iqedsen?
M’ara teɣreḍ baṭel Adlis Iqedsen akk-d Inagan n Yahwa, tzemreḍ aţ-ţessexdmeḍ adlis-ik iqedsen w’a d-tɛerḍeḍ iɛeggalen n twacult-ik neɣ leḥbab-ik.
