LISHOMO 46
Mwaa shani ivaikidile ulijaule na ubatishwe?
Tunalijaula kumwe Yeova kwa indila yakushwali tulivikila kenga tunalipudya kwake nae bai na tunavika malotelo lake mulyutu litandi mushingumi shetu. (Dimu 40:8) Baada ya apo, wetu tunamuwa kubatishwa. Wetu patubatishwa tunavalodya vanu kenga tundilijaula kumwe Yeova. Wamushi wakulijaula kumwe Yeova undabadili shingumi sha munu. Kanji ni nyamani shinantadya munu pakulota kumya wamushi wakutenda davo?
1. Nyamani shinantadya munu kulijaula kumwe Yeova?
Kulijaula kwetu kumwe Yeova kunkwadananga na linagwaledyo. (1 Nshuwau 4:10, 19) Ibibiliya inkushidoni: ‘Nnagwaledye Yeova Nnungu wako na ntima wako uti, ungumi wako uti, ding’anong’ano dyako uti na dimongo dyako uti.’ (Malukushi 12:30) Tunalodya kenga tunkunnagwaledya Nnungu i kwa malove bai kanji momo kwa vitendo vyetu. Kwampano, nnume na nkongwe vakanagwaladyania vanamuwa kunga shitamu, nimomo momo wetu tukannagwaledya Yeova tunalijaula kwake na tunabatishwa.
2. Dinudyo shani dyanapata munu kumwe Yeova akabatishwa?
Wako ukabatishwa, undatenda imbande yalikola likumene lya lipuwilo limwe Yeova. Nayadavo wako undaligwa kunagwaleka kumwe Yeova, na wako indakunagwela kummandika nae namene. (Shomya Malakiya 3:16-18.) Kuleka Yeova kuva Tatako, wako momo undavanavo vanung’unumunu na valumbumunu mushilambo uti vannagwaledya Yeova na vakunagwaledya wako. (Shomya Malukushi 10:29, 30.) Kwaumwiu wako ukanava kubatishwa, inkulateka utende mabadiliko. Ikuvaikidile ulipundishe kwaupande umwe Yeova, kunnagwaledya nae na kuvanavo likulupililo kwa Mwanagwe Yesu. Baada ya apo, wako undajaula shingumi shako kumwe Yeova. Ukatenda vinu avi uti wako undavanavo litala lyakubatishwa, na undavanavo lilindililo lyakunama na shingumi shíkamalilika ku palaishu. Lilove lya Nnungu linkushidoni: “Ubatisho . . . unkumwambola mwenu ambi apa.”—1 Patulu 3:21.
LAMBELA KUMANYA VYOE
Manya mwaa shani ni shambone kulijaula kumwe Yeova na kubatishwa.
3. Uti wetu ituvaikidile twamuwe nyani watulota kuntumikila
Venentete va ku Ishilaeli, vanji vashona kenga vankuulula kulipudya kumwe Yeova, namomo kulipudya kwa nnungu wakushang’apa Baali. Kanji Yeova aníntumidya nkúlava Liyashi pakulota avamanyie kenga shivéle shinu shakunyata. Shomya 1 Vaumu 18:21, na badae mwambangile mwaa shakudya sha mwina:
-
Vanaishilaeli ivavaikidíle vaumye wamushi shani?
Kenga Vanaishilaeli, wetu momo indituvaikila twamuwe nyani watulota kuntumikila. Shomya Lukashi 16:13, na badae mwambangile mwaa vyakudya vya mwina:
-
Vanu vanji vona kenga vankuulula kulipudya kumwe Yeova na wakati wowo valipudya ku vinu vinji, mwaa shani shinu ashi hashululika?
-
Tulota kunnodya dashi Yeova kenga tundyamuwa kuntumikila nae?
4. Kumbukilanga linagwaledyo lyavenavo Yeova kwako
Yeova anditupa dishawadi dyoe dyambone namene. Wetu tulota kumupa nyamani nae? Lola VIDEO.
Yeova ankulodya dashi kenga ankukunagwaledya wako? Shomya Dimu 104:14, 15 na 1 Nshuwau 4:9, 10, na badae mwambangile mwaa vyakudya vya mwina:
-
Dishawadi shani dimwe Yeova divele dyapagweka kwako?
-
Paukumbukila dishawadi adi dinkukutadya kuligwa dashi kwaupande kumwe Yeova?
Wako undiwai kupata shawadi ikulakile na lipuwilo lyoe? Kwaumwiu, wako undinnambwalela namene munu akupele. Shomya Kumbukumbu 16:17, na badae mwambangile mwaa shakudya sha mwina:
-
Wako paukumbukila dishawadi uti dimwe Yeova, ulota kutenda nyamani kwaupande wake nae?
5. Kulijaula kumwe Yeova kunkwidanavo dinudyo dyoe
Vanu vanji vakumbukila kenga vakamanyikananga namene, vakavanavo madengo lambone au njuluku woe, vankuulula kuvanavo lipuwilo. Tushidoni shinu ashi shiu? Lola VIDEO, na badae mwambangile mwaa vyakudya vya mwina.
-
Ata ikava kenga Andrey ushinanagwela mpila, mwaa shani nae andileka kujalanga?
-
Nae andyámuwa kulijaula kumwe Yeova kuliko kulijaula ku mpila. Wako wona kenga nae andyúmya wamushi wambone? Mwaa wa nyamani?
Myombe Paulu akanava kuva Nklistu nae andívanavo dishabaa dyoe pakulota kuvanavo madengo lambone. Nae andíshomya malamulo a Vayuda na mwalimu wakumanyikananga namene. Kanji Paulu andíleka vinu avyo uti pakulota ave Nklistu. Tushidoni nae andílyambila? Shomya Vapilipo 3:8, na badae mwambangile mwaa vyakudya vya mwina:
-
Mwaa shani myombe Paulu andítangola kenga uti vyalakile kunyuma akanava kuva Nklistu ashona kuva “dinywashwa”?
-
Nae apatíle nyamani kwa madengo lalakíle?
-
Wako unkwamini kenga shingumi shako shindava shambone ukantumikila Yeova? Mwaa shani wako unkutangola davo?
Paulu baada yakuva Nklistu, andípata dipaida dyoe kuliko vinu vyalakíle
VANU VANJI VANKUSHIDONI: “Hainalateka shinu kuntumikila Nnungu pakulota kuvanavo lipuwilo.”
-
Mwaa shani wako unkwamini kenga ni shambone kulijaula kumwe Yeova?
KWAUNGWIPI
Linagwaledyo lindatutadya kulijaula kumwe Yeova na kubatishwa.
Tukumbukilange
-
Mwaa shani ituvaikidile tunnagwaledye Yeova na ntima wetu uti na tulipudye kwake nae bai?
-
Dinudyo shani dyajaula Yeova kwa vatumika vake vakubatishwa?
-
Wako ushinalota kulijaula kumwe Yeova na kubatishwa?
LIPUNDISHE
Lola nyamani shintadídye nkwímba dimu na nkújalanga mpila kulijaula kumwe Yeova.
Vanemba vanaudya—ngutende nyamani mushingumi shangu?—kukumbukila vyakupita (6:54)
Lola dishabaa dinji pakulota kulijaula kwa Nnungu.
“Kwa Nini Ujiweke Wakfu kwa Yehova?” (Mnara wa Mlinzi, Januari 15, 2010)
Video vya mushika, lola lipuwilo lyavapata avalá valijawile kumwe Yeova.
Maimyo, ‘Mu myaka vyoe nangu ngushinalyudya, mwaa shani tunkuvanavo shingumi?’ lola nyamani shimpwashadile nkongwe jumo kulalyanga vinu vitandi mushingumi shake.
“Biblia Inabadili Maisha” (Mnara wa Mlinzi, Novemba 1, 2012)
