LIÇÃO 46

Ẽg ne tugnĩn Jeová mỹ vẽnh fẽg ke nỹtĩ kar vẽnh kygpe ke nỹtĩ gé?

TI VEN NĨ

Ẽg tỹ kuprãg kỹ, ẽg tỹ Jeová mỹ vẽnh fẽg jé, tag vỹ tỹ nén ũ há kãfór nĩ. Ẽg tỹ Jeová mỹ vẽnh fẽg kỹ, ẽg tỹ Jeová mỹ: ꞌisỹ ã tãvĩn mỹ vĩ há han ke mũ kar isỹ ã jykre hã han ke mũꞌ. (Salmo 40:8) Kar sir, ẽg tỹ vẽnh kygpe mũ. Ẽg tỹ vẽnh kygpe kỹ, ẽg tỹ ũn ag mỹ ven tĩ, ẽg tỹ Jeová mỹ vẽnh fẽg huri. Ũn tỹ Jeová mỹ vẽnh fẽg kỹ, ti tỹ tĩ há ke mũ. Hã ra ũn ne tugnĩn Topẽ mỹ vẽnh fẽg tĩ?

1. Ne tugnĩn ũn tỹ Jeová mỹ vẽnh fẽg tĩ?

Ẽg tỹ Jeová mỹ vẽnh fẽg tĩ, ẽg tỹ ti to há nỹtĩ tugnĩn. (1 João 4:10, 19) Topẽ Vĩ Rá vỹ tó tĩ: “Topẽ to, ẽg jóg mág to há tãvĩ nỹtĩm nĩ! Ti ki ge há han nĩ! Ti to jykre pir nỹtĩm nĩ, krĩ pir! Ti to tar nỹtĩm nĩ!” (Marcos 12:30) Ẽg tỹ Topẽ to há ven tĩ, ẽg vĩ tỹ, kar ẽg nén ũ hyn han kỹ. Ha to ãkrén nĩ, ũn tỹ kar ũn tỹtá fi tỹ jagnẽ to há nỹtĩn kỹ, fag tỹ vẽnh prũg ke mũ. Tag hã ri ke, ẽg tỹ Jeová to há pẽ nỹtĩn kỹ, ẽg tỹ ti mỹ vẽnh fẽg kar ẽg tỹ vẽnh kygpe mũ sir.

2. Ũn tỹ vẽnh kype kỹ, Jeová tỹ nén ũ há ag tỹ ne ti mỹ vin ke mũ?

Ã tỹ vẽnh kype kỹ, ã tỹ tỹ Jeová família nĩ sir. Kỹ ã tỹ venh ke mũ, Jeová vỹ ã to há tãvĩ nĩ, kar ã tỹ ti mré há kãfór ke mũ sir. ( Malaquias 3:16-18 le kem nĩ.) Jeová tỹ ã jóg ri ke nĩnh ke mũ, kar ẽmã kar mĩ, ã tỹ régre ag kar régre fag nĩnh ke mũ, ag tỹ Jeová to há nỹtĩ kar ag tỹ ã to há nĩ gé. ( Marcos 10:29, 30 le kem nĩ.) Hã ra ã tỹ vẽnh kype ke jo, ã tỹ nén ũꞌũ hyn han ke nỹtĩ. Ã tỹ Jeová to kanhrãn kar ti to há ke nĩ, jo ã tỹ Jesus kri fi pẽ ke nĩ gé. Kỹ, ã tỹ Jeová mỹ vẽnh fẽg kar vẽnh kype ke nĩ. Ã tỹ nén ũ tag ag hyn han kỹ, kejẽn, ã tỹ rĩr krỹg ja tũ venh ke mũ. Topẽ Vĩ Rá vỹ tó: “Goj tỹ ãjag tóg kygpe kỹ nỹtĩ, ãjag krenkren jé.” — 1 Pedro 3:21.

VẼNH KANHRÃN KÃFÓR NĨ

Ha vé ne tugnĩn ã mỹ há han tĩ ti, ã tỹ Jeová mỹ vẽnh fẽg kỹ, kar ã tỹ vẽnh kype kỹ.

3. Vẽnh kar tỹ kuprẽg ke nỹtĩ, ẽg tỹ Jeová mỹ rãnhrãj ke mũ, ke tũ nĩn kỹ vaꞌ

Vãsỹ, Israel krẽ ag kãmĩ, ũn ag vỹ ãkrén tĩ vã, ag tỹ Topẽ tỹ Jeová kar ón kỹ topẽ tỹ Baal mỹ vĩ há han kỹ, tag tỹ há nĩ. Hã ra Jeová tóg Elias jẽnẽ mũ, Elias tỹ Israel krẽ ag mỹ kãmén jé, ag tỹ kygnẽ nĩ vã. 1 Reis 18:21 le kem nĩ. Kar jagnẽ mré vãmén nĩ, tag to:

Israel krẽ ag ne han ke nỹtĩ vã?

Israel krẽ ag ri ke, ẽg tỹ kuprẽg ke nỹtĩ, ẽg tỹ Jeovã mỹ adora kenh ke mũ, ke tũ nĩn kỹ vaꞌ. Lucas 16:13 le kem nĩ. Kar jagnẽ mré vãmén nĩ, nén ũ tag ag to:

Ũn ag vỹ ãkrén tĩ, ag tỹ Jeová mỹ vĩ há han ra, ag tỹ nén ũꞌũ ag mỹ vĩ há han tĩ gé, tag vỹ há nĩ. Hã ra, ne tugnĩn tag vỹ kórég nĩ?
Ẽg hã ren kỹ Jeová mỹ ven tĩ, ẽg tỹ ti mỹ rãnhrãj sór tĩ?

4. Jeová vỹ ã to há nĩ, tag to ãkrén nĩ

Jeová tóg ẽg mỹ nén ũ há ag vin mũ. Ẽg tỹ nén ũ ag tỹ ne ti mỹ vin ke mũ? Ha vé VÍDEO ti.

VÍDEO: Ẽg tỹ nén ũ ag tỹ ne Topẽ mỹ vin ke mũ? (3:04)

Jeová hã ren kỹ ã mỹ ven tĩ, ti tỹ ã to há nĩ? Salmo 104:14, 15 kar 1 João 4:9, 10 le kem nĩ. Kar jagnẽ mré vãmén nĩ, nén ũ tag ag to:

Jeová tóg ã mỹ nén ũ há ag vin mũ. Nén ũ tag ag kãmĩ, nén ũ tỹ ne ã tỹ to há kãfór nĩ?
Jeová tỹ ã mỹ nén ũ tag ag vin kỹ, ã ne tag to jykrén tĩ?

Ũn tỹ ã mỹ presente nĩm hor? Kỹ, ã tỹ ti mỹ agradece ke sór tĩ. Deuteronômio 16:17 le kem nĩ. Kar jagnẽ mré vãmén nĩ, tag to:

Jeová tỹ ã mỹ nén ũ ag vin ja to jykrén kỹ, ã ne ti mỹ han sór tĩ?

5. Ũn tỹ Jeová mỹ vẽnh fẽg kỹ, Jeová vỹ ti ve há han ke mũ

Ũn ag vỹ ãkrén tĩ, ag tỹ tỹ riko nỹtĩn kỹ, tag vỹ ag ajũna ke tĩ, ag tỹ mỹ sigsér nỹtĩ jé. Tag mỹ ki hã nĩ? Ha vé VÍDEO ti. Kar jagnẽ mré vãmén nĩ, nén ũ tag ag to:

VÍDEO: Isỹ futebol to há tãvĩ ja nĩ vã (5:45)

Andrey tỹ Futebol to há nĩ vã. Ge ra ti tóg futebol tovãnh mũ. Mỹ ne tugnĩn?
Ti tóg kuprẽg mũ, Jeová mỹ vẽnh fẽg jé. Ã hã mỹ, tag mỹ há nĩ hãn? Mỹ ne tugnĩn?

Vãsỹ apóstolo tỹ Paulo vẽsỹ Cristo mré ke han ke jo, ũn kanhró vỹ ti mỹ Israel lei ag kanhrãn mũ. Hã ra, Paulo tóg nén ũ tag ag tovãnh mũ. Tag mỹ ti há han ke? Filipos 3:8 le kem nĩ. Kar jagnẽ mré vãmén nĩ, nén ũ tag ag to:

Paulo tóg ꞌti jykre si tovãnh kãn mũ.ꞌ Mỹ ne tugnĩn?
Ti tỹ ge han kỹ, nén ũ há ag tỹ ne ti mỹ hãn ri ké?
Ã hã mỹ, ã tỹ kuprẽg kỹ, ã tỹ Jeová mỹ rãnhrãj jé, tag mỹ ã mỹ há han ke mũ? Ã ne tugnĩn ge ãkrén tĩ?