DIILONGWEESH 46
Bwabingany Bikaam Kwiicih kudy Mawej ni Kuhet Baatiisumw?
Kwiicih kudy Yehow, i kumulay mu diisambil bwa kumukadil teng yiy kaayend mudimw ni bwa kuteek lukat lwindiy ha cyaab cya kuuhal mushikacil itut. (Musambw 40:8) Kuunyim, wiiyiiy kuhet baatiisumw, bwa kuleej bakwaabw neey, ukaady mwiicih kudy Yehow. Kwiicih kudy Yehow i diihangadik dya buseeb didy muut mwa kwangat. I biny bidy mwa kukusak bwa kwangat diihangadik dya nook?
1. I biny bisaasak muut bwa kwiicih kudy Mawej?
Muut wiiciicih kudy Yehow bwaal i mumukat. (1 Jah 4:10, 19) Bibl wiitwambambil neey: “Kat Mawej iibuh ni mucim iibuh woos, ni muhuuy iibuh woos, ni meej miibuh moos, ni makand miibuh moos.” (Mark 12:30) Tuleeleej mutudy bakat Yehow, mu myand yituloolong ni yituleeleeb. Teng bu mudyaakal lukat lusak mwaan-mulum ni mwaan-mukaj bwa kumonangan, ki mudy lukat lwiitusak bwa kwiicih kudy Yehow ni kuhet baatiisumw.
2. I mabenesh kaay mady Yehow waakish Batemw bakaady bahet baatiisumw?
Hawuheehet baatiisumw, utweetweel mu cisak cya Yehow cya baat bady ni musangal. Wiiyiiy kutal muwudy mwa kuleej lukat oolw mu mishind yivul, ni wiiyiiy kufweej habwiih nend menmen. (Balaay Malakih 3:16-18.) Cikwaabw, Yehow wiiyiiy kwiikal Taat iibuh, ni wiiyiiy kutweel mu cisak cya mu spirit cya ha bulab butuutul cya baan-beet baan-balum ni baan-bakaj bady bakukat. (Balaay Mark 10:29, 30.) Cya biin, bwiibuh kuhet baatiisumw, kudy myand yiwudy mwa kulong. Bikaam ulong bwa kumanyik Yehow, kumukat ni Kwiitabij Mwaan indiy. Kuunyim, bikaam ulambul buumy bwiibuh kudy Yehow. Nook, uw mulong myand eey ni muhet baatiisumw, wiiyiiy kutweel mu njil ufiifikish ku buumy bwa mwendelel. Diiy dya Mawej dileeleeb neey: ‘Baatiisumw . . . wiinukuukuuloh.’—1 Pyeel 3:21.
TWEEL MU BONDOK
Tal bwabiny bidy ni buseeb bwiibuh kwiicih kudy Yehow ni kuhet baatiisumw.
3. Muut woos udy mwa kusungul muut udyey mwa kukadil mudimw
Mu Izaleel wa kal, baat bakwaabw baakady balang neey, bady mwa kuhambidil ehow haakaabumw ni mawej a makos Baal. Yehow waakady mutum muprofet indiy Elih bwa kwiibambulwiishey bwa kuful meej mabiih aam. Balaay 1 Bakaleng 18:21, ni isambilaay ha diijooj eedy:
-
I biny byaakady biin Izaleel mwa kulong?
Teng bu biin Izaleel, bikaam tusungul muut utudy mwa kukadil mudimw. Balaay Luuk 16:13, ni isambilaay ha majooj aam:
-
Bwabiny katwiin mwa kuhambidil Yehow, ook tuhambidil muut mukwaabw eecy ciit cikwaabw?
-
I mushind kaay utudy mwa kuleej Yehow neey, tukaakaam kumuhambidil teng yiy kaayend?
4. Langil ha mushind udy Yehow mukukat
Yehow i mwiitwaakish bya bukish bivul bilengel. I biny bitudy byeet mwa kumwaakish? Talaay VIDEO.
I mu mishind kaay udy Yehow uleej neey, i mukukat? Balaay Musambw 104:14, 15 ni 1 Jah 4:9, 10, ni isambilaay ha majooj aam:
-
I cya bukish kaay cya kudy Yehow ciwudy mukat menmen?
-
Udyaakal umvw bicy bwa Yehow hawutaatal bya bukish bidyey mwiitwaakish?
Hady muut wiitwaakish cya bukish citudy bakat, tudyaakal byeet tumuleej dyanyish. Balaay May Mumbulul 16:17, ni isambilaay ha diijooj eedy:
-
Hawutaatal myand yoos yidy Yehow mukulongel, ikusaasak bwa kulong biny?
5. Kwiicih kudy Yehow, kwiituheehetesh musangal muvul
Baat bavul balaalang neey, bab bibamanyik bikasakan, biikal ni mudimw mulengel eecy biikal ni fwalang, bady ni musangal. Ki mudyeby eeny? Talaay VIDEO, ni isambilaay ha majooj aam.
-
Ning mwaakady Andreï mukat kuzab ndund bikasakan, bwabiny waakady mumulek?
-
Waakady mukat kukadil Yehow mudimw, hamut a yiy kuzab ndund. Ulaalangok neey, waakady mwangat diihangadik dilengel eeny? Bwabiny?
Kuuhal kwa mupostol Pool kwiikaley mwiin Krist, waakady ni mudimw mulengel waakadyey ulong. Baakady bamulongweesh mikenj ya biin Yuud kudy mulongweesh mutam. Ki ulekel myand yoos aay, bwindiy kushaal mwiin Krist. Pool umvwiilok kakunying bwa mulekeley mudimw oow eeny? Balaay Filipw 3:8, ni isambilaay ha majooj aam:
-
Bwabiny Pool waakady muleeb neey, myand yoos yaakadyey mulong kuuhal kwa kwiikaley mwiin Krist yaakady “bu biit bibiih bya kwimbaash ku ciyaal”?
-
Ki uhetel biny?
-
I biny bidy mwa kukuh musangal, i kulongel Yehow mudimw eecy kukal mudimw mukwaabw mu shikacil ibuh?
Haakady Pool mushaal mwiin Krist, waakady muhet biit bivul bihitok ni byaakadyey mujimbaj
BAAT BAKWAABW BALEELEEB NEEY: “Kabiishoh bend bilengel kwiicih kudy Mawej.”
-
I biny bidy mwa kukusak bwiibuh kwiicih kudy Yehow?
CYA KUKWAAT
Lukat lwiitusaasak bwiitut kwiicih kudy Yehow ni bwa kuhet baatiisumw.
Bwa kuvuluk
-
Bwabiny bikaam tukadil teng Yehow mudimw ni mucim itut woos?
-
I mushind kaay udy Yehow ubenesh Batemw bakaady bahet baatiisumw?
-
Udy mukat kwiicih kudy Yehow eeny?
MYAND YIKWAABW YA KUMANYIK
Bwabiny mumb a misambw ni muzab a ndund i biicih kudy Yehow.
Baasand Biyihaahanguj—I Biny Biniikal mwa Kulong ni Buumy Bwaam?—Kuvuluk (6:54)
Kudy tubingil tukwaabw tudy mwa kwiitusak bwa kwiicih kudy Mawej.
“Bwabiny bikaam Kwiicih kudy Yehow?” (Cibumb cya Muteetekel 15/1/2010 mu Tshiluba)
Tal musangal udy nend baat biiciicih kudy Yehow mu video wa musambw oow.
Tal cidy cyambulwiish mwaan-mukaj kaahand bwa kumanyik myand yidyey mwa kuteek ha cyaab cya kuuhal (“Myand yilong mu shikacil: ‘Nady muyihanguj Mivw Yivul bwa Kumanyik Bwabiny Nady ni Buumy?’”
“Bibl Ufuufutulul Shikacil a baat” (Cibumb cya Muteetekel 1/11/2012 mu Franseh)
You May Also Like
MAJOOJ MADYAAKAL BAAT BIYIHANGUJ
Dilong dya Bibl i Biny?
Het maalabul ku majooj habitaatal program kulong Bibl bya bituh.
