SMALKANKA 46
¿Dîa muni Gâd ra rayaka yabi, tahbi daukan lâka brisa?
Upla kum Jehova ra ai rayaka yabisa taim, pura sunra ku pramis munisa Jehova ra baman mayunbia, bara witin dîa makabi ba ai rayaka ra pas tâura mangkbia (Lawana Nani 40:8). Ningkara, tahbi daukan lâka brisa taim, upla nani mawan ra param marikisa Jehova ra rayaka yaban ba. Jehova ra rayaka yabaia ba, wan rayaka ra wahbi sakanka kau tara kum sa. ¿Dîa mai tukbisa Gâd ra ramyaka yabi, tahbi daukan lâka briaia?
1. ¿Dîa wan tukbisa Jehova ra wan rayaka yabaia?
Yawan Jehova ra latwan kaiki ba mita, witin ra wan rayaka yabaia want pali sa (1 Jan 4:10, 19). Baibil ba wan wisa: “Man Dawan Gâdkam ra latwan kaikma kupiam aiska, sulkam aiska, lukankam aiska, bara karnikam aiska ni” (Mark 12:30). Waitna kum bara mairin kum pana pana latwan kaiki banhwisa taim, want pali sa marit takaia. Sim baku, Jehova ra latwan kaiki ba yawan marikaia want sa dîa aisi ba, bara dîa dauki ba wal. Baha mita Jehova ra wan rayaka yabi, tahbi daukan lâka briaia wahbi sakisa.
2. Tahbi daukan lâka brih, Jehova witniska takisa taim, ¿dîa sât blisinka nani bribia?
Man tahbi daukan lâka brima taim, Jehova pamalika liliakira tilara kama. Baku tnatka ra, Gâd latwanka lâka ba tnatka sât sât ra damra walma bara kau Jehova lamara kama (Malaquías 3:16-18 aisi kaikma). Jehova pamalika ra witin ba Aisa baku sa, bara tasba aiska ra muihni lakri nani manis bâra sa. Witin nani ba Gâd bara man ra latwan kaikisa (Mark 10:29, 30 aisi kaikma). Au, tahbi daukan lâka kau briras kainara, diara kum kum daukaia sma. Jehova ra kakaira takaia bara latwan kaikaia sma. Ai Luhpia ra latwan kaiki, kasak lukisma ba marikaia sma. Ba wina, Jehova ra pramis munaia sma witin ra ramyaka yabaisma ba. Baha nani sut dauki, tahbi daukan lâka brima kaka, ban kaia ra lilia iwaia sanska brima. Gâd Bîla ba wisa: “Tahbi daukan lâka ba [...] swaki wan sakisa” (1 Pita 3:21).
KAU LAN TAKS
Kaisa kaikaia dîa muni man mampara tânka tara brisa Jehova ra ramyaka yabi, tahbi daukan lâka briaia.
3. Yawan sut wahbi sakaia sa ya warkka daukbia
Patitara Israel kuntrika ra, upla kum kum luki kan Jehova bara gâd kuninkira Baal wâlsut ra sim piua ra mayunaia sip kan. Sakuna baha lukanka ba mistik kan. Baha mita Jehova prapit Ilayas ra blikan witin nani ra wapnika mangkaia dukiara. 1 King Nani 18:21 aisi kaikma bara naha dukiara aisi banhma:
-
¿Israel uplika nani ba dîa wahbi sakaia kan?
Israel uplika nani baku, yawan sin wahbi sakaia sa ya warkka daukaia. Luk 16:13 aisi kaikma bara naha dukiara aisi banhma:
-
¿Dîa muni yawan sim piua ra wâlsut ra mayunaia sip apia sa Jehova wihki diara wala wal?
-
¿Jehova ra baman mayunaia wahbi sakan ba witin ra marikaia dukiara, yawan dîa daukaia sip sa?
4. Luki kaiks Jehova nahki latwan mai kaiki ba
Jehova prisant pranakira nani manis wankan. ¿Yawan witin ra pana diara yabaia sip sa ki? LILKA ba kaikma.
¿Latwan wan kaiki ba Jehova nahki tnatka nani ra marikisa? Lawana Nani 104:14, 15 bara 1 Jan 4:9, 10 aisi kaikma, bara naha dukiara aisi banhma:
-
Jehova prisant nani wankan sut tila wina, ¿man ba ani ba ra kau tingki lukisma?
-
Baha prisant nani ra luki, ¿Jehova dukiara man nahki damra walisma?
Upla kum prisant kum wankisa taim, yawan witin ra wan tingkika marikaia want sa. Kli Smalkanka 16:17 aisi kaikma bara naha dukiara aisi banhma:
-
Man dukiamra Jehova dîa dîa daukan sut ba ra lukma taim, ¿witin ra pana dîa yabaia want sma?
5. Jehova ra ramyaka yabuma taim, blisin ailal brima
Upla manis kasak lukisa, lilia kaia dukiara kulkanka nina tara briaia, skul tara ra dimaia apia kaka lalah ailal briaia sa. ¿Kuna baha ba kasak sa ki? LILKA ba kaikma bara naha dukiara aisi banhma:
-
Naha lilkika ra taki futbol papulra kata ba, futbol pulaia laik pali kan, ¿kuna dîa muni baha swin?
-
Witin wahbi sakan ai rayaka ba Jehova ra yabaia, futbol ra lika apia. ¿Baha ba wahbi sakanka pain kum kan lukisma? ¿Dîa muni?
Apastil Pal ba kristian takras kainara, smasmalkra tara kum wina Ju lâka lan taki kan. Witin wark pain bara kulkanka tara briaia sip kan. Sakuna kristian takaia dukiara diara sut tnaya ra laki swin. ¿Ningkara ai ninara tawi kaikan lukisma? Pilipai 3:8 aisi kaikma, bara naha dukiara aisi banhma:
-
¿Dîa muni Pal win kristian takras kainara dîa dîa dauki kan ba “dipasta baku” kan?
-
¿Baku daukan ba mita dîa sât blisinka nani brin?
-
¿Man ani ba kau pain sa lukisma, ramyaka ba Jehova dukiara yus munaia, apia kaka diara wala dukiara yus munaia?
Pal ba kristian takan taim, dîa lus tiwan ba purkara blisin painkira nani kau ailal brin
UPLA KUM KUM NAKU LUKISA: “Rayakam aiska Gâd warkka daukaia ba diara bahki sa”.
-
¿Jehova ra rayaka yabaia ba wahbi sakanka pain kum sa lukisma ki? bara ¿dîa muni baku lukisma ki?
DÎA LAN TAKRAM
Yawan Jehova ra latwan kaiki ba mita, witin ra wan rayaka yabi, tahbi daukan lâka briaia want sa.
Wan kupia krawaia
-
¿Dîa muni aitani sa wan kupia aiska Jehova ra latwan kaiki mayunaia?
-
¿Tahbi daukan lâka bri, Jehova witniska takan nani ra Jehova dîa sât blisinka nani yabisa?
-
¿Man Jehova ra ramyaka yabaia want sma ki?
KAU PLIKI KAIKS
Kaiks aiwawanra mairin kum bara deporte papulra waitna kum dîa muni wahbi sakan Jehova ra ai rayaka yabaia.
Wahma tiara nani makabi walisa... ¿Rayaki ra dîa daukamna? Wahma tiara kan piua sturka aisisa (6:54)
¿Dîa muni wiaia sip sa Jehova ra rayaka yabaia ba wahbi sakanka painkira kum sa? Tânka wala nani kaiks.
“¿Dîa muni Jehova ra rayaka yabaia sa?” (La Atalaya, enero 15, 2010)
Naha miusik lilkika ra kaikma Jehova ra ai rayaka yaban nani ba nahki ai lilia banhwi ba.
Mairin kum sturka ba aisi kaiks. “Mani ailal luki kapri yawan dîa dukiara raya sa”. Ai rayaka ra dîa pas tâura mangkaia sa sapa, ¿dîa ba witin ra tukban laki kaikaia?
“Baibil ba upla rayaka chens munisa” (La Atalaya, noviembre 1, 2012)
Baha sin laik kaikma
JEHOVA WITNISKA NANI DUKIARA UPLA NANI DÎA MAKABI WALI BA
¿Jehova witniska nani Baibil klaska yabi ba nahki sa ki?
Jehova witniska nani Baibil klaska yabi ba ra, man ani Baibil bîla lakanka want sma ba yus munaia sip sma. Baku sin, pamalikam apia kaka pâmnika nani paiwaia sip sma.
