46ǁÎ ǁKHĀǁKHĀS
Tae-i ǃaroma du nî māǁnâsen tsî ǁāǁnâhe?
ǀGores ǃnâ-ū du ge Jehovab ai ra māǁnâsen. Tsî ra mîmâi ǁîb ǀguiba du nî ǃoabasa. Tsî ǁîb ǂâisa sadu ûib ǃnâ ǂgurose nî mâisa. (Psalmdi 40:8) ǁNās khaoǃgâ du ge ra ǁāǁnâhe. Nēs ǃnâ-ū du ge nau khoena ra ǁgau māǁnâsen du hâ ǃkhaisa. Jehovab ǃoa māǁnâsens ge kaise a ǂhâǂhâsa. Mîǁguib khoe-i a dī ǁkhāba. Tae-e a ǂkhâǃnâ du ǁkhā î du nē mîǁguiba dī?
1. Tae-e khoe-e ra ǂkhâǃnâ î-i māǁnâsen?
Jehovab ǃoa-ai māǁnâsens ge ǀnammi xa ra ǂkhâǃnâhe. (1 Johaneb 4:10, 19) Elobmîs ge ra mî: ‘Tsîts ge Jehovab sa Eloba nî ǀnam sa ǂgaob hoab ǀkha, sa ǀoms hoas ǀkha, sa ǁnâuǃāb hoab ǀkha tsî sa ǀgaib hoab ǀkha.’ (Markub 12:30) Eloba du a ǀnam ǃkhaisa du ge ra ǁgau. Mî du ra xūn ǃnâ-ūs ǀguis ose. Xawe dī du ra xūn ǃnâ-ūs tsîna. Khoe-aogu ra hîna a ǀnamgura ra ǃgamme. Khamib ge sadu ǀnammi hîna du Jehovaba ūba hâba ra ǂkhâǃnâ du. Î du ǁîb ǃoa-ai māǁnâsen tsî ǁāǁnâ kaisen.
2. Mâ ǀkhaegab Jehovaba ǁāǁnâsa ǃgâsana ra mā?
ǁĀǁnâhe toa du ga o. O du ge ra Jehovab di ǂkhî omaris di ǃâ kai. ǁÎb di ǀnamma du ge ǂgui ǀgaugu ǃnâ nî hōǃâ. Tsî du ge ǁîba nî ǀgū, ǀnai du a ǀgū bis xa. (Khomai re Maleaxib 3:16-18 sa.) Jehovaba sadu di Pabab ase ūhâs. ǂAm-ai du ge gagasi omaris ǃgâsan. Hîna ǃhūbaib ǂhawase hân. Tsî Jehovaba a ǀnam tsî sadu tsîna a ǀnamna nî ūhâ. (Khomai re Markub 10:29, 30 sa.) ǀNî xūna du ge ǁāǁnâhe du nîs aiǃâ nî dī. Jehovab xa du ge nî ǁkhāǁkhāsen. ǁÎba ǀnamsa tsî ǁîb ôab ǃnâ ǂgomsa ūhâsa. ǀAms ai du ge sadu ûiba, Jehovab ai nî māǁnâs ge. ǁNā xūna sao tsî du ga ǁāǁnâ kaisen o. O du ge ǀamosib kōse a ûi ǁkhâ. Elobmîs ge ra mî: ‘ǁāǁnâs ge nēsi ra ǃgâiǃō’ kai du.—1 Petrub 3:21.
ǃGAMSE ÔAǃNÂ RE
Ôaǃnâ re, tae-i ǃaroma i a ǂhâǂhâsa ǃkhaisa. Jehovab ai māǁnâsen tsî ǁāǁnâhesa.
3. ǁHûi du ge nî ham-e du nî ǃoabasa
ǃKharu ge ǁaeb ǃnân ge ǀnî Israelǁî khoena ge ǂâi hâ i. Jehovab tsî Baali tsînan a ǃoaba ǁkhā di. Xaweb ge Jehovaba ǁîb kēbo-aob Eliaba ge sî. Îb ǁîn di ǂhanu tama. ǂÂiǀgauga sī ǂhanuǂhanu. Khomai re 1 Gao-aogu 18:21 sa. Tsî sao ra dîsa ǃhoaǃgao re:
-
Israelǁaesa tae-e nî ǁhûi ge i sa?
Israelǁaes khami du ge sadu tsîna nî ǁhûi. Ham-e du nî ǃoabasa. Khomai re Lukab 16:13 sa. Tsî sao ra dîra ǃhoaǃgao re:
-
Tae-i ǃaroma da Jehovab tsî ǀkhara khoe-i. Tamas ka io xū-e ǀgui ǁaeb ai a ǃoaba ǁoa?
-
Mati du Jehovaba ra ǁgau ǁîba ǃoabasa du ra ǁhûi ǃkhaisa?
4. Jehovab ūba du hâ ǀnammi xa ǂâiǃgâ re
Jehovab ge ǂgui ǀō-aisa ǀkhaega ge mā du. ǁÎba du tae-e a mā ǁkhā? VIDIOBA ǀhuru re.
Mâ ǀgaugu ǃnâb ge Jehovaba, sado ǀnamma ǁgau? Khomai re Psalmdi 104:14, 15 tsî 1 Johaneb 4:9, 10 sa. Tsî sao ra dîra ǃhoaǃgao re:
-
Mâ ǀkhaegu Jehovaba xu du ra hōga du ra ǃgôaǃgâ?
-
Nē ǀkhaega mati Jehovab ǃoa-ai ra tsâ kai du?
Kaise ǃgâi ǀkhaeba du ga māhe o. O du ge ǁnā khoe-e ǃgôaǃgâsiba ra ǁgau ǂgao. Khomai re Deuteronomium 16:17 sa. Tsî sao ra dîsa ǃhoaǃgao re:
-
Jehovab ge dība du xūn hoan xa du ga ǂâi o? Tae-e du ǁîba ra mā ǂgao?
5. Māǁnâsens ge ǂgui ǀkhaega ūhâ
ǂGui khoen ge ra ǂâi ǂgui xūn. ǁÎn sîsen-i tamas ka io, mari-i ǂkhîba nî hā-ūba nî ti. Nēsa a ama? VIDIOBA ǀhuru re. Tsî sao ra dîra ǃhoaǃgao re.
-
Nē vidiob ǃnâ hâ ǃgâsaba sokkersa ǀhurusab ge ǀnam io. Tae-i ǃaromab ge ǀhuru ǀû?
-
Mîǁguib ge ge îb sokkersa ǁnāxū tsî Jehovab ai māǁnâsen. ǃGâi mîǁguibab ge dī ti du ra ǂâi? Tsî tae-i ǃaroma?
Xristeǁî kaib nîs aiǃâb ge apostel Pauluba. ǀGapi ǁkhāǁkhāsa khoe ge i. Jodeǁî ǂhanubab ge ǂanǂansa ǁkhāǁkhā-aob xa gere ǁkhāǁkhāhe. Xaweb ge ǁnāsa ge ǀû tsî ge Xristeǁî kai. Pauluba ǂâiǂhansen-e ge ūhâ i? Khomai re Filipeǁîn 3:8 sa. Tsî sao ra dîde ǃhoaǃgao re:
-
Tae-i ǃaromab ge Pauluba Xristeǁî kaib nîs aiǃâb. Gere dī xūna ‘ǀapon ase gere ǃgôa’?
-
Tae-eb ge ǁnāsa xu hō?
-
Jehovaba ǃoabas tsî ǀnî xūn ai sadu ûiba sîsenūsa du ga ǀgopeǀnō o. Mâ-e du nî ǁhûi?
Xristeǁî kaib ge o, ob ge apostel Pauluba ǂguina ge hō. ǁNāxūb ge xūn xa
MATI DU NÎ ǃEREAM KHOE-I GA MÎ O: “Īǁoasa i ge a sadu ûiba Eloba māsa.”
-
Mati i io du ra ǂâi Jehovab ai māǁnâsens ǂâibasensa ūhâsa?
ǃKHŌǀHAOS
ǀNammi ge ra ǁgari du, î du Jehovab ai, māǁnâsen tsî ǁāǁnâhe?
ǁKhāǁkhāsen du go xūna ǂâiǃgâs
-
Tae-i ǃaromab Jehovaba sada ǂgaob hoab ǀkha ǀnamhe tsî ǃoabahesa anu hâ?
-
Matib Jehovaba ǁāǁnâsa ǃgâsana ra ǀkhae?
-
Māǁnâsen ǂgao du ra Jehovab ai?
ÔAǃNÂ
Kō re, tae-i ǃaromas ge ǁnae-aos tsî sorosi ǂgamǂgamsen ǀhuru-aob tsîna Jehovaba ǃoabasa a ǁhûisa.
ǂKhamkhoen ge ra dî—tae-e ta ti ûib ǀkha nî dī?—kō oa ta ra o (6:54)
ǂÂiǃgâ re, mâ ǃaromadi ǃgao du a. Māǁnâsen ǁkhā ǃkhaisa.
“Tae-i ǃaroma du nî māǁnâsen Jehovab ai?” (ǃKhē xu ǂgō-ommi, Januarib 15, 2010)
Jehovab ai ge māǁnâsen ǃgâsan. ǂKhîba ūhâ ǀgausa kō re, nē musik vidiob ǃnâ.
“Kurina ta ge gere ǂâi ‘tae-i ǃaroma ta ûi hâ.’” Ti hâ khomaiǃâs ǃnâ. Khomai re tae-i ge ǃgâsasa a ǂkhâǃnâsa. Is tae-i ǁîs ûib ǃnâ ǂhâǂhâsa ǃkhais xa ǂâi.
“Elobmîs ge ûiga ra dawa” (ǃKhē xu ǂgō-ommi, Novemberi 1, 2012)
