CHILAYIJO 46

Neni Ukwelela Kuzupila Akale Ubhabhatizwe?

LIJA

Unozupila kuna Jehova nonamato ubimbisa kuti uchanamata iye ega chete akale uchabiga kuda kukwe pokutanga mubupenyu bubo. (Lwimbo 40:8) Ungodalo unokwanisa kubhabhatizwa. Akale unobetondeja bamwe kuti wakazupila. Kuzupila kuna Jehova chitikano chilokosha kupinda zwose. Ini zunotisa kuti unhu ede kuchincha bupenyu bubwe?

1. Ini zunotisa kuti unhu eshaluje kuzupila?

Ludo ndilo lunota kuti tizupile kuna Jehova. (1 Johani 4:10, 19) IBhayibhili linotikutayija kuti: “Ida Jehova Mwali uwo nomoyo uwo wose, nompepo uwo wose nendangalilo jijo jose akale nesimba lilyo lyose.” (Maliko 12:30) Totondejela kuti tonda Mwali namawhi akale nozuto. Sozunotiwa nombisana nonsichana banodanana zwechokomende banopejeleja bechada ndizo zwatinotabo kana tida Jehova zwechokomende tozupila kuna iye nokubhabhatizwa.

2. Makombolela api Jehova ngaanobimbisa yabo balobhabhatizwa?

Pawunobhabhatizwa unoba umwe womumhuli yaJehova inoshanta. Uchatanga kuzubonela woga kuti unokuda munzila jilosiyana akale uchasendela pelyo naye kasa. (Balani Malaki 3:16-18.) Jehova uchaba Dade babo, pezhulu pozo uchawana imhuli yabanakwayina nabakazwaji bamomunyika yose banoda Jehova akale banokudabo nawi. (Balani Maliko 10:29, 30.) Koga pana zumwe zwawunokwelela kuta usanu wabhabhatizwa. Unokwelela kufunda nozwaJehova, kunda akale udimbwe kuMwananhulumyana uwe. Ungodalo unokwanisa kuzupila kuna Jehova. Ungota zunu yozu usikobhabhatizwa unobangwina munzila yokulalama ushanta nokusinopela. IWhi lyaMwali linoti: “Kubhabhatizwa . . . kumukuchija.”—1 Pita 3:21.

FUNDA ZUNJI

Tokoloja kuti neni zukakosha kuti uzupile kuna Jehova akale ubhabhatizwe.

3. Tose tokwelela kushaluja kuti tichanamata ani

Munshaji wabaIsrayeli bamwe banhu bakabeyeya kuti banokwanisa kunamata Jehova akale benamata Bhaali mwali wamanyepwa. Koga Jehova wakatuma Elija kuti enobabuja kuti zwabakabeta azujakabeliizo. Balani 1 Matezi 18:21, akale kwejisani nombuzo yoyu:

BaIsrayeli bakabekwelela kushaluja kutani?

Nasubo sabaIsrayeli, tokwelela kushaluja watinokwelela kunamata. Balani Luka 16:13, akale kwejisani nemibhuzo yeyi:

Neni tisinokwanisa kunamata Jehova yoku tinamata umwe unhu kana kuti chimwe chinu?
Tingontondeja chini Jehova kuti tashaluja kunamata iye chete?

4. Yeyesesa nenzila Jehova yaanokuda nayo

Jehova wakatipa zupo zunji zulokosha. Isu tingontilani? Yebani iVIDIYO.

IVIDIYO: Ukupha UJehova Izipho (3:04)

Jehova wakakutilani zunotondeja kuti unokuda? Balani Lwimbo 104:14, 15 na1 Johani 4:9, 10, akale kwejisani nemibhuzo yeyi:

Ndizupi zupo zulokosha zwatakapiwa naJehova zwawunodisisisa kasa?
Zupo yozu zunota kuti uwhe chini nozwaJehova?

Patinopiwa chipo chatinodisisisa towaja kuboka unhu watipa. Balani Kuzhajikijwa 16:17, akale kwejisani nombuzo yoyu:

Ungoyeya zunu zwose zwawakatilwa naJehova zunokutuma kuti umpeni?

5. Kuzupila kunobuza makombolelo manji

Banhu banji banoyeya kuti kuzibikanwa, kuwana unshingo umbodo akale nemali ndizo zunotisa kuti unhu eshantilwe. Ichokomende na yozu? Yebani iVIDIYO, akale kwejisani nemibhuzo inotobela.

IVIDIYO: Ngangiliqakathekisa Kakhulu Ibhora (5:45)

Kojoba unzani webhola wakabelida kasa ini zwaakata kuti esiye?
Wakashaluja kuzupila kuna Jehova pana kuzupila kubhola. Ubweni sokuti wakata chishalujo chibhodo na? Neni udalo?

Umpositoli Pawulo esanu aba unKristo wakabefundila unshingo wopezhulu zhulu. Wakafundiswa undawu wechiJuda nomwe undayiji wakabezibikanwa. Koga wakasiya zwose yozu kuti ebe unKristo. Pawulo wakazusola na? Balani BaFilipi 3:8, akale kwejisani nemibhuzo yeyi: