EISHOMO 46
Ahabw’enki Oine Kwehayo Kandi Okabatizibwa?
Nooyehayo ahari Yehova orikumuraganisa omu kushaba ngu niwe wenka ou orikwija kuramya, kandi ngu noija kuguma nooyebembeza okukora ebi arikukunda. (Zaaburi 40:8) Bwanyima, noobatizibwa kworeka abandi ngu oyehaireyo. Okwehayo ahari Yehova nikwo kucwamu okurikukirayo obukuru. Niki ekirikubaasa kukuhiga kukora ekintu kikuru eki ekiraakuhindurire kimwe?
1. Niki ekirikuhiga omuntu kucwamu kwehayo?
Rukundo niyo erikutuhiga kwehayo ahari Yehova. (1 Yohaana 4:10, 19) Baibuli neetuhiga eti: ‘Kunda [Yehova] Ruhanga waawe n’omutima gwawe gwona, n’obwengye bwawe bwona, kandi n’amaani gaawe goona.’ (Mako 12:30) Nitworeka ngu nitukunda Ruhanga omu bigambo n’omu bikorwa. Nk’oku rukundo erikuhiga omwojo n’omwishiki kutaaha hamwe omu bushwere, naitwe okukunda Yehova nikutuhiga kwehayo ahariiwe kandi tukabatizibwa.
2. Ni migisha ki ei Yehova arikuha Abajurizi be ababatiziibwe?
Ku orikubatizibwa, noohinduka omwe aha b’eka ya Yehova eshemereirwe. Nooyereebera oku ayorekire ngu naakukunda omu miringo mingi, kandi ekyo nikiija kukuhwera kwongyera kumwirira haihi okukira hati. (Shoma Malaki 3:16-18.) Kandi oyihireho okureeba Yehova nka Sho, noija kugira eka y’eby’omwoyo omu nsi yoona, erimu ab’eishe-emwe na banyaanyako abarikumukunda hamwe naiwe. (Shoma Mako 10:29, 30.) Kwonka, haine ebi oine kubanza kukora otakabatiziibwe. Oine kwega ebirikukwata ahari Yehova, okamukunda, kandi okaikiririza omu Mwana we. Empereruka, oine kwehayo ahari Yehova. Ebi waabikora kandi okabatizibwa, nooza omu muhanda gw’okwesiimira amagara ebiro byona. Ekigambo kya Ruhanga nikigira ngu okubatizibwa, nakwo hati nikubajuna.—1 Petero 3:21.
SHWIJUMA GYE
Yetegyereze ahabw’enki ni kikuru kwehayo ahari Yehova kandi okabatizibwa.
3. Twena twine kwecweramu ou turaaheereze
Ira omuri Israeli, abantu bakaba nibateekateeka ngu nibabaasa kuramya Yehova na Baali ruhanga w’ebishuba. Kwonka Yehova akoohereza nabi Eliya kutereeza emiteekateekyere yaabo egyo egwire. Shoma 1 Abagabe 18:21, kubaasa kugarukamu ekibuuzo eki:
-
Abaisraeli bakaba baine kucwamu ki?
Naitwe nk’Abaisraeli, twine kucwamu ou turaaheereze. Shoma Luka 16:13, kubaasa kugarukamu ebibuuzo ebi:
-
Ahabw’enki tutaine kuramya Yehova turikumugaitaho ekintu ekindi, nari omuntu ondiijo?
-
Nitworeka tuta ngu nituramya Yehova wenka?
4. Teekateeka ahari rukundo ei Yehova akwiniire
Yehova atuhaire ebiconco bingi eby’omuhendo. Itwe nitubaasa kumuha ki? Zaana VIDIYO.
Yehova ayorekire ata ngu naakukunda? Shoma Zaaburi 104:14, 15 na 1 Yohaana 4:9, 10, kubaasa kugarukamu ebibuuzo ebi:
-
Ni biconco ki kuruga ahari Yehova okukira munonga ebi orikusiima?
-
Ebiconco ebyo nibikureetera kureeba ota Yehova?
Twatunga ekiconco eki turikukunda, nituba nitwenda kusiima okituhaire. Shoma Eky’Ebiragiro 16:17, kubaasa kugarukamu ekibuuzo eki:
-
Waateekateeka ahari byona ebi Yehova akukoreire, nikikuhiga kwenda kumuha ki?
5. Okwehayo ahari Yehova nikurugamu emigisha mingi
Abantu baingi nibateekateeka ngu okurangaanwa, omurimo murungi, nari esente nyingi, nibiija kubareetera kugira okushemererwa. Kwonka shi ekyo kihikire? Zaana VIDIYO, kubaasa kugarukamu ebibuuzo ebirikukurataho.
-
Omu vidiyo egi, ahabw’enki owaabaire ari omuzaani w’omupiira yaarekire omuzaano ogwo?
-
Akacwamu kwehayo ahari Yehova beitu gutari muzaano gw’omupiira. Ahabw’enki nooteekateeka ngu akacwamu gye?
Entumwa Paulo atakabaire Omukristaayo, akaba aine omurimo ogurikumureetera kumanywa. Kandi omwegyesa rurangaanwa niwe yaamwegyeise ebiragiro by’Ekiyudaaya. Kwonka ebyo byona akabitsigaho kubaasa kuba Omukristaayo. Mbwenu shi Paulo akeefuuza? Shoma Abafilipi 3:8, kubaasa kugarukamu ebibuuzo ebi:
-
Ahabw’enki Paulo yaagizire ngu ebi yaabaire naakora atakabaire Omukristaayo bikaba biri “nk’eshaabo,” nari ebisasiro?
-
Akatunga birungi ki ebirikukira eby’enyima?
-
Noobaasa kugyeragyeranisa ota okuheereza Yehova n’ekindi kintu kyona eki orikubaasa kukora?
Paulo ku yaabaire Omukristaayo, akatunga bingi kukira ebi yaayefeerereize
ABAMWE NIBAGIRA NGU: “Ti ky’obwengye kwemarira ahari Ruhanga.”
-
Ahabw’enki nooteekateeka ngu n’eky’obwengye kwehayo ahari Yehova?
OMU BUGUFU
Rukundo neetuhiga kwehayo ahari Yehova kandi tukabatizibwa.
Okweijutsya
-
Ahabw’enki twine kukundira kimwe Yehova, kandi tukaba niwe twaramya wenka?
-
Yehova naashumbuusha ata Abajurizi be ababatiziibwe?
-
Nooyenda kwehayo ahari Yehova?
JUMBURA EBINDI
Reeba ahabw’enki omweshongozi n’omuzaani w’emizaano baacwiremu kwehayo ahari Yehova.
Eminyeeto Nibabuuza—Nshemereire Kugira Bigyendererwa Ki?—Okureeba Enyima (6:54)
Reeba enshonga ezindi ezishemereire kukureetera kwehayo.
“Ahabw’enki Oine Kwehayo Ahari Yehova?” (Omunaara gw’Omurinzi, Jenwari 15, 2010)
Omu vidiyo egi ey’ekyeshongoro, reeba oku abarikwehayo ahari Yehova barikushemererwa.
Omu byafaayo “Nkamara Emyaka Ndikwebuuza, ‘Ahabw’enki Turiho?’” yetegyereze ekyareeteire omukazi kushwijuma ebi yaabaire naayebembeza.
“Baibuli Neehindura Emitwarize y’Abantu” (Omunaara gw’Omurinzi, Novemba 1, 2012)
Noobaasa Kukunda n'Ebi
EBIBUUZO EBIRIKUKIRA KUBUUZIBWA
Omushomo gw’Okwegyesa Baibuli ogw’Abajurizi ba Yehova Niki?
Omu ntebeekanisa ya busha ey’okuhikaanisa ebiteekateeko ey’Abajurizi ba Yehova, noobaasa kukoresa envunuura ya Baibuli yoona. Noobaasa kwega n’eka yaawe yoona nari kweta banywani baawe.
