LES 46
Dicon Bo Mester Dedica Bo Mes na Jehova y Batisa?
Bo ta dedica bo mes na Jehova ora bo haci oracion na dje y primintie cu lo bo sirbi e so y pone su boluntad na prome luga den bo bida. (Salmo 40:8) Despues, bo por batisa. Ora bo batisa, bo ta mustra otro hende cu bo a dedica bo mes na Jehova. Dedicacion na Jehova ta e decision di mas importante cu lo bo por tuma den bo bida. E ta asina importante cu lo e cambia bo bida. Pero kico por motiva bo pa tuma e decision aki?
1. Kico ta motiva un hende pa dedica su mes na Jehova?
Amor pa Jehova ta motiva nos pa dedica nos mes na dje. (1 Juan 4:10, 19) Bijbel ta bisa nos: “Stima Jehova bo Dios cu henter bo curason, cu henter bo alma, cu henter bo mente y cu tur bo forsa.” (Marco 12:30) Nos ta demostra cu nos ta stima Dios no solamente door di loke nos ta bisa pero tambe door di loke nos ta haci. Ora un pareha ta stima otro di berdad, nan ta casa cu otro. Di mes manera, nos amor pa Jehova ta motiva nos pa dedica nos mes na dje y batisa.
2. Ki bendicion Jehova ta duna su sirbidornan cu ta batisa?
Ora bo batisa, bo ta bira parti di Jehova su famia, un famia cu ta masha feliz. Como parti di Jehova su famia, lo bo sinti su amor den varios manera y lo bo hala mas y mas cerca dje. (Lesa Malakias 3:16-18.) Fuera di tin Jehova como bo Tata, lo bo forma parti di un hermandad mundial cu ta stima Jehova y cu ta stima bo. (Lesa Marco 10:29, 30.) Pero, tin algun cos cu bo tin cu haci prome cu bo por batisa. Bo mester siña conoce Jehova, haya amor p’e y pone fe den su Yiu. Despues, bo mester dedica bo bida na Jehova. Ora bo haci e cosnan ey y batisa, lo bo por disfruta di bida pa semper. E Palabra di Dios ta bisa: “Bautismo ... ta loke ta salba boso tambe awor.”—1 Pedro 3:21.
KICO MAS NOS POR SIÑA?
Laga nos wak dicon ta importante pa bo dedica bo mes na Jehova y batisa.
3. Nos tur mester dicidi ken nos ta sirbi
Den Israel di antiguedad, tabatin hende cu a pensa cu nan por a sirbi tanto Jehova como e dios falso Baal. Pero Jehova a manda un profeta di dje cu tabata yama Elias pa corigi e idea robes ey cu nan tabatin. Lesa 1 Reynan 18:21. Despues, analisa e siguiente pregunta:
-
Ki decision e Israelitanan mester a tuma?
Mescos cu e Israelitanan, nos tambe mester scoge ken nos lo sirbi. Lesa Lucas 16:13. Despues, analisa e siguiente preguntanan:
-
Dicon nos no por adora Jehova y na mes momento adora un otro persona of un otro cos?
-
Con nos por mustra Jehova cu nos ta scoge pa sirbie?
4. Pensa riba con hopi Jehova ta stima bo
Jehova a duna nos hopi regalo precioso. Awor kico nos por duna Jehova? Pasa e VIDEO.
Con ta algun manera cu Jehova a mustra su amor na bo? Lesa Salmo 104:14, 15 y 1 Juan 4:9, 10. Despues, analisa e siguiente preguntanan:
-
Di tur e regalonan cu Jehova a duna nos, cua ta esnan cu bo ta aprecia mas?
-
Ora bo pensa riba e regalonan ey, kico esey ta laga bo ta sinti pa Jehova?
Ora nos haya un regalo cu nos ta gusta masha hopi, nos kier mustra aprecio na e persona cu a duna nos e regalo ey. Lesa Deuteronomio 16:17. Despues, analisa e siguiente pregunta:
-
Ora bo pensa riba tur e cosnan cu Jehova a haci pa bo, kico esey ta motiva bo pa dun’e?
5. Ora bo dedica bo mes na Jehova, bo ta haya hopi bendicion
Hopi hende ta pensa cu fama, un bon trabou of placa lo haci nan feliz. Pero, esey ta berdad? Pasa e VIDEO. Despues, analisa e siguiente preguntanan:
-
Aunke e deportista den e video tabata gusta hunga futbol, dicon el a scoge pa laga e carera ey?
-
El a scoge pa dedica su bida na Jehova, y no na futbol. Bo ta haya cu el a tuma e decision corecto? Dicon si, of dicon no?
Prome cu Apostel Pablo a bira cristian, e tabatin un bon carera. El a studia ley hudiu cerca un maestro bon conoci. Sinembargo, el a laga tur esey pa e bira un cristian. E decision ey a duel Pablo? Lesa Filipensenan 3:8. Despues, analisa e siguiente preguntanan:
-
Dicon Pablo a bisa cu e cosnan cu e tabata haci prome cu el a bira cristian tabata manera “cos di benta afo”?
-
Kico el a haya na luga di e cosnan cu el a laga atras?
-
Bo ta kere cu bo bida lo bira mihor si bo scoge pa sirbi Jehova? Dicon si, of dicon no?
Ora Pablo a bira cristian, el a haya mucho mas tanto cu loke el a laga atras
LOKE HENDE SA BISA: “Mi sa cu esaki ta e berdad, pero mi no ta cla pa batisa ainda.”
-
Bo ta pensa cu ta bon pa dedica bo bida na Jehova? Dicon bo ta pensa esey?
RESUMEN
Amor ta motiva nos pa dedica nos bida na Jehova y batisa.
Repaso
-
Dicon Jehova merece pa nos stim’e cu henter nos curason y sirbi e so?
-
Ki bendicion Jehova ta duna su sirbidornan cu ta batisa?
-
Lo bo kier dedica bo bida na Jehova?
MAS INFORMACION INTERESANTE
Wak kico a motiva un cantante y un deportista pa dedica nan mes na Jehova.
Hóbennan Sa Puntra—Kiko Lo Mi Hasi ku Mi Bida?—Ora Mi Wak Bèk 6:52
Wak ki motibo mas tin pa dedica bo bida na Jehova.
“Pakico Dedica Bo Mes na Jehova?” (E Toren di Vigilansia di 1 di januari 2010)
Den e video musical aki, wak cuanto goso hende cu dedica nan mes na Jehova tin.
Lesa e articulo “Pa Hopi Aña Mi Tabata Puntra Mi Mes Dicon Nos Ta na Bida” y wak kico a motiva un señora pa pensa riba loke ta mas importante p’e den bida.
“Bijbel Ta Cambia Bida di Hende” (La Atalaya di 1 di november 2012)
You May Also Like
PREGUNTA CU HOPI HENDE SA HACI
Con un Curso di Bijbel cu Testigonan di Jehova Ta Bay?
Pa sigui un curso di Bijbel interactivo gratis cu testigonan di Jehova, bo por uza cualkier traduccion di Bijbel cu bo ta prefera. Sinti bo liber pa invita henter bo famia of amigonan pa join bo.
