سبق نمبر 46
اپنی زندگی یہوواہ دے ناں کرنا تے بپتسمہ لینا ضروری کیوں اے؟
اپنی زندگی یہوواہ دے ناں کرن دا مطلب اے کہ اِک بندہ دُعا چ یہوواہ دے نال ایہہ وعدہ کردا اے کہ اوہ صرف اوہدی عبادت کرے گا تے ہر حال چ اوہدی مرضی پوری کرے گا۔ (زبور 40:8) ایہہ وعدہ کرن دے بعد اوہ بپتسمہ لیندا اے۔ بپتسمہ لے کے اَسی ساریاں دے سامنے ظاہر کرنے آں کہ اَسی اپنی زندگی یہوواہ دے ناں کر دِتی اے۔ ایہہ فیصلہ ساڈی زندگی دا سب توں اہم فیصلہ اے کیونکہ ایہدی وجہ توں ساڈی زندگی پوری طرحاں بدل جاندی اے۔ پر شاید تُسی سوچو کہ توانوں ایہہ اہم فیصلہ کیوں کرنا چاہی دا اے؟
1. سانوں اپنی زندگی یہوواہ دے ناں کیوں کرنی چاہی دی اے؟
سانوں یہوواہ نال محبت دی وجہ توں اپنی زندگی اوہدے ناں کرنی چاہی دی اے۔ (1-یوحنا 4:10، 19) بائبل چ دَسیا گیا اے کہ یہوواہ اپنے خدا نال اپنے سارے دل، اپنی ساری جان، اپنی ساری عقل تے اپنی ساری طاقت نال محبت کرو۔ (مرقس 12:30) سو اَسی صرف ایہہ کہندے ای نئیں کہ اَسی یہوواہ نال محبت کرنے آں سگوں اِنج کر کے وی وکھانے آں۔ایس گل نُوں سمجھن لئی اِک مثال تے غور کرو۔ جے اِک مُنڈا تے اِک کُڑی آپس چ سچی محبت کردے نیں تے فیر اوہ شادی وی ضرور کرن گے۔ ایسے طرحاں جے اَسی یہوواہ نال سچی محبت کرنے آں تے فیر سانوں اپنی زندگی اوہدے ناں کر کے بپتسمہ لین چ کوئی عار نئیں ہوئے گی۔
2. یہوواہ اوہناں لوکاں نُوں کیہڑیاں برکتاں دین دا وعدہ کردا اے جیہڑے اوہدے گواہ دے طور تے بپتسمہ لیندے نیں؟
بپتسمہ لے کے تُسی یہوواہ دے خاندان دا حصہ بن جاؤ گے۔ اِنج تُسی اوہدے ہور نیڑے ہو جاؤ گے تے محسوس کرو گے کہ اوہ فرق فرق طریقیاں نال تواڈے لئی پیار ظاہر کردا اے۔ (ملاکی 3:16-18 نُوں پڑھو۔) یہوواہ تواڈا باپ بن جائے گا تے توانوں ایہو جہے بھین بھرا مِلن گے جیہڑے یہوواہ نُوں وی پیار کردے نیں تے توانوں وی پیار کردے نیں۔ (مرقس 10:29، 30 نُوں پڑھو۔) پر بپتسمہ لین توں پہلاں توانوں کجھ ضروری کم کرنے پین گے۔ توانوں یہوواہ بارے سکھنا پئے گا، اوہنوں پیار کرنا پئے گا تے اوہدے پُتر تے ایمان لیانا پئے گا۔ فیر توانوں اپنی زندگی یہوواہ دے ناں کرنی پئے گی۔ جے تُسی ایہہ سارے کم کر کے بپتسمہ لوو گے تے فیر تُسی ہُن تے ہمیشاں تک خوشیاں بھری زندگی حاصل کر سکو گے۔ خدا دے کلام چ دَسیا گیا اے کہ بپتسمہ توانوں بچاندا اے۔—1-پطرس 3:21۔
ہور سوچوچار لئی
غور کرو کہ توانوں اپنی زندگی یہوواہ دے ناں کیوں کرنی چاہی دی اے تے بپتسمہ کیوں لینا چاہی دا اے۔
3. سانوں ساریاں نُوں ایہہ فیصلہ کرنا چاہی دا اے کہ اَسی کدی عبادت کراں گے
پرانے زمانے چ کجھ اِسرائیلی لوک سوچدے سن کہ یہوواہ دی عبادت کرن دے نال نال اوہ جھوٹھے دیوتا بعل دی وی عبادت کر سکدے نیں۔ پر یہوواہ نے لوکاں نُوں اپنے نبی ایلیاہ دے ذریعے دَسیا کہ اوہناں دی ایہہ سوچ بالکل غلط اے۔ 1-سلاطین 18:21 نُوں پڑھو تے فیر ایس سوال تے گل بات کرو:
-
اِسرائیلیاں نے کیہڑا فیصلہ کرنا سی؟
اِسرائیلیاں وانگوں سانوں وی ایہہ فیصلہ کرنا چاہی دا اے کہ اَسی کدی عبادت کراں گا۔ لُوقا 16:13 نُوں پڑھو تے فیر ایہناں سوالاں تے گل بات کرو:
-
اَسی یہوواہ دی عبادت کرن دے نال نال کسے ہور دیوتا یاں شے دی عبادت کیوں نئیں کر سکدے؟
-
اَسی ایہہ کیویں ظاہر کر سکنے آں کہ اَسی صرف یہوواہ دی عبادت کرن دا فیصلہ کیتا اے؟
4. اوس محبت تے غور کرو جیہڑی یہوواہ نے تواڈے لئی ظاہر کیتی اے
یہوواہ نے سانوں بڑیاں نعمتاں دِتیاں نیں۔ اَسی اوہنوں کیہہ دے سکنے آں؟ ویڈیو چلاؤ۔
یہوواہ نے تواڈے لئی کیہڑے طریقیاں نال محبت وکھائی اے؟ زبور 104:14، 15 تے 1-یوحنا 4:9، 10 نُوں پڑھو تے فیر ایہناں سوالاں تے گل بات کرو:
-
تُسی خاص طور تے کیہڑیاں نعمتاں لئی یہوواہ دے شکرگزار او؟
-
ایہناں نعمتاں دی وجہ توں تُسی یہوواہ بارے کیہہ محسوس کردے او؟
جدوں کوئی سانوں اِک بوہت ودھیا تحفہ دیندا اے تے اَسی اوہدے لئی شکرگزاری تے قدر وکھانا چاہنے آں۔ اِستثنا 16:17 نُوں پڑھو تے فیر ایس سوال تے گل بات کرو:
-
جدوں تُسی یہوواہ وَلّوں مِلن والیاں برکتاں تے نعمتاں تے غور کردے او تے تواڈے دل چ اوہدے لئی کیہہ کرن دی خواہش پیدا ہوندی اے؟
5. اپنی زندگی یہوواہ دے ناں کرن والیاں نُوں بڑیاں برکتاں مِلدیاں نیں
بوہت سارے لوک سوچدے نیں کہ چنگی نوکری، دولت تے اُچا رُتبہ اوہناں نُوں خوشی دے سکدا اے۔ پر کیہہ ایہہ واقعی سچ اے؟ ویڈیو چلاؤ تے فیر ایہناں سوالاں تے گل بات کرو:
-
ایس ویڈیو چ وکھائے گئے کھیڈاری نُوں فٹبال کھیڈنا بڑا پسند سی پر فیر وی اوہنے ایہہ پیشہ چھڈ کیوں دِتا؟
-
اوہنے اپنی زندگی فٹبال دی بجائے یہوواہ خدا دے ناں کر دِتی۔ تواڈے خیال چ کیہہ اوہنے صحی فیصلہ کیتا؟ جے ہاں تے کیوں؟ جے نئیں تے کیوں نئیں؟
پولُس اِک وڈا عالم بننا چاہندا سی۔ ایس لئی اوہنے اِک مشہور عالم کولوں یہودی مذہب دی تلیم حاصل کیتی۔ پر اوہنے مسیحی بنن دی خاطر سب کجھ چھڈ دِتا۔ کیہہ اوہ بعد چ اپنے ایس فیصلے تے پچھتایا؟ فِلپّیوں 3:8 نُوں پڑھو تے فیر ایہناں سوالاں تے گل بات کرو:
-
پولُس نے ایہہ گل کیوں کہی کہ مسیحی بنن توں پہلاں اوہنے جو کجھ وی کیتا اوہ سب کُوڑا کرکٹ سی؟
-
پولُس نے جو کجھ چھڈیا اوہدے بدلے اوہنوں کیہہ ملیا؟
-
اپنی زندگی کسے ہور کم لئی استمال کرن نالوں یہوواہ دی خدمت کرنا بہتر کیوں اے؟
پولُس نے مسیحی بنن دی خاطر جو کجھ چھڈیا سی اوہنوں اوس توں کِتے زیادہ برکتاں ملیاں۔
کجھ لوکاں دی رائے: ”مینوں پتہ اے کہ سچائی ایہو ای اے پر میں خدا نال کوئی وعدہ نئیں کرنا چاہندا۔“
-
تواڈے خیال چ توانوں اپنی زندگی یہوواہ دے ناں کیوں کرنی چاہی دی اے؟
خلاصہ
سانوں خدا نال محبت دی وجہ توں اپنی زندگی اوہدے ناں کرنی چاہی دی اے تے بپتسمہ لینا چاہی دا اے۔
دہرائی
-
ایہہ کیوں ضروری اے کہ اَسی پورے دل نال یہوواہ نُوں پیار کرئیے تے صرف اوہدی عبادت کرئیے؟
-
یہوواہ اوہناں لوکاں نُوں کیہڑیاں برکتاں دین دا وعدہ کردا اے جیہڑے اوہدے گواہ دے طور تے بپتسمہ لیندے نیں؟
-
کیہہ تُسی اپنی زندگی یہوواہ دے ناں کرنا چاہندے او؟
ہور جانن لئی
ایس ویڈیو چ ویکھو کہ گانے گان والی اِک عورت تے اِک کھیڈاری نے اپنی زندگی یہوواہ دے ناں کیوں کیتی۔
ایس مضمون چ ایہو جہیاں کجھ ہور گلاں تے غور کرو جنہاں دی وجہ توں سانوں اپنی زندگی یہوواہ دے ناں کرنی چاہی دی اے۔
خود کو یہوواہ کے لیے وقف کرنا کیوں ضروری ہے؟ (مینارِنگہبانی، 1 جنوری 2010)
ایس گیت چ ویکھو کہ اپنی زندگی یہوواہ دے ناں کرن والیاں نُوں کِنّی خوشی مِلدی اے۔
آپبیتی ”مَیں کئی سالوں تک یہ سوچتی رہی کہ ”ہماری زندگی کا مقصد کیا ہے؟““ چ پڑھو کہ اِک عورت نے ایس گل تے سوچوچار کیوں کیتا کہ اوہنوں اپنی زندگی چ کیہڑی چیز نُوں پہلی تھاں تے رکھنا چاہی دا اے۔
پاک کلام کی تعلیم زندگی سنوارتی ہے (مینارِنگہبانی دا مضمون)
ایہہ وی ویکھو
اوہ سوال جیہڑے لوک اکثر ساڈے بارے پچھدے نیں
یہوواہ دے گواہ بائبل کورس کیویں کراندے نیں؟
یہوواہ دے گواہواں نال بائبل کورس کردے ویلے تُسی جیہڑا وی بائبل ترجمہ چاہوو استمال کر سکدے او۔ نالے تُسی اپنے سارے گھر والیاں یاں اپنے دوستاں نُوں وی ایہدے چ شامل ہون لئی کہہ سکدے او۔
