Noq jenoʼ iruqʼahsaj i rukʼachariik reh i Jehová, iruʼqor reh pan rutiij chi xa reʼ woʼ reh naruloqʼem wach eh chi reʼ aajwaal wach pan rukʼachariik reʼ rubʼanariik imponik chuwach i Dios (Salmo 40:8). Chi riij i reʼ noq inqajik ruhaaʼ irukʼuhtaaj keh chuʼnchel taqeh kʼachareel chi ruqʼahsam chik i rukʼachariik reh i Dios. Reʼ ruqʼahsjiik i qakʼachariik reh i Jehová reʼ wilih xti aajwaal wach chi ne inqabʼan ruum chi ne irujal i qakʼachariik. ¿Chajariik ne irubʼan chi reʼ hat ne nawaaj aqʼahsam akʼachariik reh i Dios?

1. ¿Chaaj woʼ reet inqaqʼahsaj i qakʼachariik reh i Jehová?

Ruum i kʼaxooj inqikʼraaj chi riij i Jehová inqaqʼahsaj reh i qakʼachariik (1 Juan 4:​10, 19). Reʼ Santo Laj Huuj iruqʼor: «Chakʼax aaWaJaaw aaDios [Jehová] chuʼnchel akʼux, chuʼnchel awánima, chuʼnchel akapebʼaal chuʼnchel awansil» (Marcos 12:​30). Reʼ kʼaxooj inqikʼraaj chi riij i Jehová inkʼutinik ruukʼ inqaqʼor eh ruukʼ inqabʼan. Jeʼ rukabʼ noq kiʼibʼ chi kʼachareel pan korik inkaaj kiibʼ inkibʼan kaxaro, eh noq reʼ hoj pan korik inqaaj wach i Jehová inqaqʼahsaj reh i qakʼachariik eh inqaqahsaj qahaaʼ.

2. ¿Chajariik taqeh kooch iruyeew i Jehová keh taqeh ruTestigo kiqahsam chik kihaaʼ?

Noq reʼ hat ne naqahsaj ahaaʼ ne tiwihʼik pan rufamilia i Jehová, jenaj familia suq rukʼux. Jeʼ reʼ ne nakoj rehtaal i kʼaxooj irikʼraaj chawiij i Dios eh reʼre ne rubʼan chi ne najil awiibʼ ruukʼ (chawil Malaquías 3:​16-​18). Eh ne woʼ imponik chi, awajaaw i Jehová eh ne nasuqkileej i wihʼik pan jenaj familia wilkeebʼ chi jun suut i akʼal inkiloqʼej wach i Dios eh inkaaj awach (chawil Marcos 10:​29, 30). Noq ko majaaʼ inaqahsaj ahaaʼ wilik i ko ruman chi naʼabʼanam. Peet, naʼanabʼeem wach i Jehová naʼakʼaxam eh naʼakʼuhtaam akojbʼaal chi riij i Jesús, chi riij i reʼ naʼaqʼorom reh pan atiij chi naʼaqʼahsam reh akʼachariik. Mi xabʼan chuʼnchel i wilih ko reʼ aj reʼ ne naqahsaj ahaaʼ eh jeʼ reʼ ne nasuqkileej i juneliik kʼacharik. Reʼ Dios jeʼ wilih iruqʼor qeh pan ruqʼorbʼal: «Reʼ qahsanik haʼ [...] yunaak kʼahchiʼ woʼ taq kaat rukoʼleem» (1 Pedro 3:​21, TNM).

 CHATZʼIR RIIJ I KʼAHCHIʼ ATIJEM

3. Chi qunchelaal naqachihiim ajwach naqayeʼem ruloqʼil

Pan najtir Israel, juʼjun taqeh kʼachareel inkikapaaj naq chi ne inkiloqʼej wach i Jehová eh jeʼ woʼ i maʼ manlik ta dios Baal. Xa reʼ laʼ maʼ jeʼ ta naq reʼ. Ruum aj reʼ i Jehová xutaqʼaaʼ cho i ruprofeta Elías reh kiqʼilariik. Chawil taq i 1 Reyes 18:​21 eh tiqʼoroq taq chi riij:

• Jeʼ rukabʼ xqil pan texto, ¿chajariik xqʼorarik keh taqeh israelita chi na naq kichihim?

Jeʼ rukabʼ taqeh israelita, reʼ hoj na woʼ qachihiim ajwach naqaloqʼem. Chawil taq i Lucas 16:​13 eh tiqʼoroq taq chi riij:

• ¿Chaaj woʼ reet maʼ ne ta irubʼan chi ne inqaloqʼej i Jehová ruchʼihiil i rubʼehsaj i wach akʼal?

• ¿Nikʼwach ne inqakʼuhtaaj reh i Jehová chi xqachih ruloqʼjiik?

4. Chakapaaj chi riij nikʼ nimaal i rukʼaxooj i Jehová chawiij

 5. Noq ne naqʼahsaj akʼachariik reh i Jehová kʼih taqeh kooch ne nakʼul

 KʼOLOQ PAN AKʼUX

Reʼ kʼaxooj inqikʼraaj chi riij i Jehová irubʼan chi inqaqʼahsaj i qakʼachariik reh eh inqaqahsaj qahaaʼ.

Reʼ xkahnik pan akʼux

• ¿Chaaj woʼ reet irukʼul chi ne inqakʼax i Jehová ruukʼ chuʼnchel qakʼux eh chi ne inqayeew ruloqʼil?

• ¿Chajariik taqeh kooch iruyeew i Jehová keh taqeh ruTestigo kiqahsam chik kihaaʼ?

• ¿Inawaaj na aqʼahsam akʼachariik reh i Jehová?