YACHAI 46
¿Imamantataj Yaya Diosman mingarishpa bautizarina canchij?
Jehová Diosman mingarishpaca “canllatami adorasha, tucui ñuca causaipica cambaj munaillatami rurasha” nishpami mañanchij (Salmo 40:8). Bautizarishpaca Jehová Diosman mingarishcatami ricuchinchij. Paiman mingarinaca shuj valishca decisionmi can. Chai decisionta japishcamantami ñucanchij causaipica huaquin cambiocunata rurashcanchij. Pero ¿Jehová Diosman mingaringapajca imatataj rurana cangui?
1. ¿Imamantataj Jehová Diosman mingarisha ninchij?
Jehová Diosta cꞌuyashcamantami paiman mingarisha ninchij (1 Juan 4:10, 19). Bibliapica: “Cambaj Taita Diostaca tucui shunguhuan, tucui almahuan, tucui yuyaihuan, tucui fuerzahuan cꞌuyangui” ninmi (Marcos 12:30). Ñucanchij shimicunahuan, ñucanchij ruraicunahuanmi paita cꞌuyashcata ricuchinchij. Ima shinami shuj cꞌari y shuj huarmi achcata cꞌuyarishcamanta cazaranata decidin, ñucanchijpish Jehová Diosta cꞌuyashcamantami paiman mingarishpa bautizarinata decidinchij.
2. Bautizarishcacunamanca Jehová Diosca ima bendicioncunatataj cun
Diospaj familiaca cushilla familiami can. Can bautizarishpaca Jehovapaj familiami tucungui. Shinallataj Jehová Diospaj cꞌuyaita ricushpami paipajman ashtahuan cꞌuchuyangui (Malaquías 3:16-18-ta liyipai). Paica cambaj Yaya shinami tucunga. Diosta cꞌuyaj, cantapish cꞌuyaj huauqui panicunatami charingui (Marcos 10:29, 30-ta liyipai). Pero manaraj bautizarishpaca Jehová Diostaraj rijsishpami cꞌuyana cangui. Paipaj Churi Jesuspi crishcatapishmi ricuchina cangui. Shinallataj Jehová Diostaca: “Cantaca tucui vidami canllata sirvisha” nishpami mañana cangui. Qꞌuipaca bautizarinami cangui. Chashna rurashpami huiñai huiñaita causana oportunidadta charingui. Bibliapica: ‘Cunanca bautismomi cancunata quishpichicun’ ninmi (1 Pedro 3:21, NWT).
ASHTAHUAN YACHAI
Imamanta Jehová Diosman mingarina cashcata, bautizarina cashcatapish ricushun.
3. Diosta sirvinata o mana sirvinatami agllana canchij
Ñaupa tiempopica israelitacunaca Jehová Diostapish Baaltapish adoranalla cashcatami yuyajcuna carca. Pero israelitacuna mana allita rurashcata ricuchingapajmi Jehová Diosca profeta Eliasta cacharca. 1 Reyes 18:21-ta liyipai. Qꞌuipaca cai catij tapuitami yachashun:
-
¿Israelitacunaca imatataj decidina carca?
Israelitacuna shinami ñucanchijpish pita sirvinata agllana canchij. Lucas 16:13-ta liyipai. Qꞌuipaca cai catij tapuicunatami yachashun:
-
¿Jehovata sirvicushpaca imamantataj yanga dioscunata, shujtaj cosascunatapish mana adorana canchij?
-
¿Jehovata sirvinata decidishcataca paimanca ima shinataj ricuchinchij?
4. Jehová Dios canta achcata cꞌuyashcata yuyai
Jehová Diosca achca valishca regalocunatami cushca. Cutin ¿ñucanchijca paimanca imatataj cui tucunchij? VIDEOTA ricui.
¿Jehová Dios canta cꞌuyashcataca ima shinataj ricuchishca? Salmo 104:14, 15 y 1 Juan 4:9, 10-ta liyipai. Qꞌuipaca cai catij tapuicunatami yachashun:
-
¿Jehová Dios cushca regalocunamantaca maijan regalotataj ashtahuan agradicingui?
-
¿Dios cushca regalocunamantaca ima shinataj sintiringui?
Maijanpish ñucanchijman shuj regalota cujpica paitaca agradicishami ninchij ¿nachu? Deuteronomio 16:17-ta liyipai. Qꞌuipaca cai catij tapuitami yachashun:
-
Jehová Dios canman imacunallataj cushcapi yuyashpaca, ¿canca paimantaca imatataj rurasha ningui?
5. Mingarishpaca achca bendicioncunatami charingui
Achca gentecunaca achca cullquita, shuj alli trabajota charishpallami cushilla causai tucunchij nincunami. Pero ¿chaica ciertochu can? VIDEOTA ricui. Qꞌuipaca cai catij tapuicunatami yachashun:
-
¿Videopi ricurij runaca imamantataj campeonatocunapi pugllanata saquirca?
-
Futbolta pugllanapaj randica Jehová Diosta sirvinatami decidirca. ¿Chaita decidinaca allichu carca? ¿Imamantataj chashna ningui?
Apóstol Pabloca manaraj Jesusta catishpaca shuj alli carreratami charirca. Paica judiocunapaj leycunata alli yachachijhuanmi estudiashca carca. Pero Jesusta catingapajmi tucuita saquirca. ¿Caita rurashcamantaca arrepintirircachu? Filipenses 3:8-ta liyipai. Qꞌuipaca cai catij tapuicunatami yachashun:
-
¿Pabloca pai estudiashcataca imamantataj basurata shina ricurca?
-
¿Pai tucui estudiashcata huashaman saquishcamantaca imatataj chasquirca?
-
¿Imataj ashtahuan importante can: Jehová Diosta sirvina o shujtaj cosascunata rurana? ¿Imamantataj chashna ningui?
Pabloca Jesusta catishcamantami pai saquishcata yalli japirca.
HUAQUINCUNACA: “Tucui vida Diosta sirvinaca mana imapaj valinchu” nincunami.
-
¿Diosman mingarina valishca cashcataca imamantataj cringui?
YUYARISHUNCHIJ
Jehová Diosta cꞌuyashcamantami paiman mingarishpa bautizarisha ninchij.
Yuyaringapaj tapuicuna
-
¿Imamantataj Jehová Diostaca tucui shunguhuan cꞌuyashpa, paillata adorana canchij?
-
¿Bautizarishcacunamanca Jehová Diosca imacunallatataj cun?
-
¿Jehová Diosman mingarinata munanguimanchu?
CAICUNATAPISH RICUI
Shuj cantantepish, shuj futbolistapish imamanta Diosta sirvinata decidishcata ricui.
Jovencunaca caitami tapurincuna: ¿Ñuca causaihuanca imatataj rurasha? Ñaupa causaipi yuyashpa (6:54)
Imamanta Jehová Diosman mingarina cashcata ricui.
“¿Imamantataj Jehová Diosman mingarina canchij?” (Huillaj, 15 de enero de 2010)
Cai video musicalpi Jehová Diosman mingarijcuna cushilla cashcata ricui.
Shuj huarmica: “¿Ñucaca imapajtaj causani?” nishpami tapurirca. Caita imamanta tapurishcata liyi.
“Bibliata yachashpami cambiashcacuna” (Huillaj, 1 de noviembre de 2012)
Puede que también le interese
GENTECUNA RURASHCA TAPUICUNA
¿Testigo de Jehovacunaca ima shinataj Bibliamanta yachachincuna?
Testigo de Jehovacunahuan Bibliamanta gratis estudiacushpaca can charishca Bibliatami utilizai tucungui. Cambaj familiata o cambaj amigocunatapish canta compañachun invitai tucungui.
