LECCIÓN 46
¿Imarasha Diospajma mingarisha bautisarina anchi?
Jehová Diospajma mingarisha, canllara adurasha, tucui ñuca causaibi camba munaillara rurasha nisha shu oraciombi mañanchi (Salmo 40:8). Huasha bautisarina huras shujcunaras Diospajma ña mingarishca ashcara ricuchinchi. Diospajma mingarina ñucanchi causaibi yapa valinmi. Caita rurana yapa valij ashcamanda ñucanchi causaibi huaquin turcaigunara ruranchi. Cambas Jehová Diospajma mingaringaj ¿imara rurana angui?
1. ¿Imarasha Jehová Diospajma mingarinchi?
Jehová Diosta llaquishcamanda paihuajma mingarinchi (1 Juan 4:10, 19). Biblia ñucanchira nin: “Camba quiquin Señor Diosta llaquinami angui tucui camba shunguhua, tucui camba almahua, tucui camba iyaihua, tucui camba ursahua” (Marcos 12:30). Ñucanchi rurashcai rimashcais Jehová Diosta llaquishcara ricuchinchi. Imasna shu cari shu huarmi llaquishcamanda casarana munanun, shinallara Jehová Diosta sirtu pacha llaquishcamanda paihuajma mingarisha bautisarinchi.
2. ¿Ima bendiciongunara Jehová cun bautisarishca Testigogunara?
Bautisarisha Jehová Diospa cushi aillu parti tucungui. Shina Jehová Dios llaquishcara ricusha paita mas mayan sintingaraungui (leai Malaquías 3:16-18). Jehová camba Yaya cuinta tucunga shinallara Jehová Diosta candas llaquij intiru mundui tiaj aillura charingaraungui (leai Marcos 10:29, 30). Shinajpis manara bautisarishcallaira camba causaibi huaquin turcaigunara rurana angui. Punda, Jehová Diosta ricsina llaquinas angui shinallara paihua Churi Jesuspi fera charishcara ricuchina angui. Huasha, Jehová Diosta nina angui cambajma ñuca causaira mingani nisha. Caita rurasha bautisarisha huiñai cushi causaira charinguimi. Diospa shimi nin: “Cunaga, bautisana […] ñucanchira quishpichin” nisha (1 Pedro 3:21).
MAS YACHAI
Ricushun Diospajma mingarina bautisarinas imarasha yapa valishca ashcara.
3. Tucuiguna pita sirvina ashcara ricuna anchi
Ñaupa timpu causaj israelitaguna iyanuca Jehová Diosta shinallara yanga dios Baalda adurana alimi an nisha. Shinajpis pandarishcauna anuca. Chiraigu Jehová paihua profeta Eliasta cachaca cai iyaira alichingaj. Leaichi 1 Reyes 18:21, huasha catij tapuimanda rimaichi:
-
¿Maican ajllanara rurana anuca israelitaguna?
Israelitaguna cuinta ñucanchis ajllana anchi pita sirvina ashcara. Leaichi Lucas 16:13, huasha catij tapuigunamanda rimaichi:
-
Jehová Diosta sirvij asha ¿imarasha yanga diosgunara shuj cosasgunaras mana adurana anchi?
-
¿Imara rurana ushanchi Jehová Diosllara adurangaj ña ajllashcara ricuchingaj?
4. Masna Jehová canda llaquishcara iyari
Jehová Dios valij cuyashcaunara cushca. Chiraigu ¿imara ñucanchi paita cuyana ushanchi? VIDEORA ricuichi.
¿Imasnara Jehová canda llaquishcara ricuchishca? Leaichi Salmo 104:14, 15; 1 Juan 4:9, 10, huasha catij tapuigunamanda rimaichi:
-
Jehová Dios tucui cuyanamanda ¿maican cuyashcamanda can mas pagarachungui?
-
Cai cuyashcaunamanda iyasha ¿imara paimanda can sintingui?
Maicambas ñucanchi munashca cuyanara cuyajpi ñucanchi paita agrasishcara ricuchingaj munanchi. Leaichi Deuteronomio 16:17, huasha catij tapuimanda rimaichi:
-
Tucui Jehová Dios cuyashcaunara iyasha ¿manzhu cambas imaras cungaj munangui? ¿Imara paita cunguima?
5. Jehová Diospajma mingarina ashca bendiciongunara apamun
Ashca runauna universidadpi estudiana, cullquira charina, ali tarbanara charinas cushi causangaj yanapanga nisha iyanun. Cai ¿sirtuchu? VIDEORA ricuichi, huasha catij tapuigunamanda rimaichi:
-
Videoibi ricurij runa ¿imarasha fútbol pujllanara saquica yapa munashas?
-
Fútbol pujllasha catina randi, Jehová Diosta sirvinara ajllaca. ¿Pai caita rurasha alirachu rurarca? ¿Imarasha casna rimangui?
Jesusta catij manara tucushcallaira apóstol Pablo paihua tarbanai mas ricsishca runa tucunmaca. Judiogunaj leyra ali yachachij runahua estudiaj aca. Estudiaushas tucuira saquica Jesusta catij tucungahua. Caita saquishcamanda ¿aripintiricachu? Leaichi Filipenses 3:8, huasha catij tapuigunamanda rimaichi:
-
¿Imarasha Pablo nica manara Jesusta catij tucushcai pai rurashcauna ‘basura aj cuinta’ an nisha?
-
Tucui caigunara huashama saquisha ¿imara Pablo ganaca?
-
Jehová Diosta sirvingaj ajllajpi ¿imara ningui? ¿camba causai mas ali tucungachu? ¿Imarasha casna iyangui?
Pablo Jesusta catij tucushcai mas valishca bendiciongunara chasquica.
RUNAUNA CASNA NINUJPI: “Jehová Diosta sirvingahua causaira paihuajma mingana mana ministinchichu”.
-
¿Jehová Diospajma camba causaira mingana alichu? ¿Imarasha can casna iyangui?
IMARA YACHASHCANGUI
Jehová Diosta llaquina yanapanmi paihuajma mingarisha bautisaringahua.
Iyaringaj
-
¿Imarasha Jehová Diosta tucui shunguhua llaquisha paillara adurana anchi?
-
¿Ima bendiciongunara Jehová cun bautisarishca Testigogunara?
-
¿Jehová Diospajma mingarina munanguichu?
RICUNGUI
Ricui imarasha cantaj runa, pujllaj runas Jehová Diospajma mingarinara ajllanuca.
Leai imamanda Jehová Diospajma mingarina anchi.
“¿Imarasha Jehová Diospajma mingarina anchi?” (La Atalaya, 15 de enero de 2010)
Cantana videoibi Jehová Diospajma mingarisha cushi ajcunamanda ricui.
“Ashca huatauna tapuricani ima rurasha causangaj causanchi” nisha, cai cuintashcara leai imarasha cai huarmi riparasha ricuca imara paihua mas ali ajta.
“Biblia paiguna causaira turcachica” (La Atalaya, 1 de noviembre de 2012)
Cai temagunaras leana munanguichari
TAPUIGUNA
Jehovahuaj testigoguna Bibliamanda yachachinchi
Jehovahuaj testigogunahua gratis Bibliamanda yachashcai can munashca Bibliara utilizana ushangui. Astaumbas munasha camba ailluunara amigogunaras cumbirana ushangui canhua yachangaj.
