YACHANA PARTI 46
Imahuata ñucanchi causaita Jehovama cusha bautisarina anchi
Maican runa paiba causaita Jehovama cusha, paita mañasha nin: “Canllatami adorasha, ñuca causaibi tucui uras can munashcallata rasha” nisha (Salmo 40:8). Huasha, bautisariushcaibi, shuccuna ñaupacpi paihua causaita Diosma cushcata ricuchin. Ñucanchi causaita Jehovama cunaga imamandahuas mas yalita balin. Chasnallata, ñucanchi causaita balichin. Diosta camba causaita cungahua imata yanapanga.
1. Imahuata ñucanchi causaita Jehovama cuna anchi
Jehovata llaquishcamanda ñucanchi causaita paima cunchi (1 Juan 4:10, 19). Bibliaga ninmi: “Camba Diosta tucui camba shunguhuan, tucui camba almahuan, tucui camba yuyaihuan, tucui camba ushaihuanbas llaquina mangui” (Marcos 12:30). Ñucanchi rimashcagunahuan, ñucanchi rashcagunahuan, Jehovata llaquishcata ricuchinchi. Cari huarmi sirtuta llaquinacusha cazaranata munanaun. Chasnallata, Jehovata sirtuta llaquisha ñucanchi causaita paima cusha bautisarinchi.
2. Jehovaga paiba bautisarishca Testigogunata imatata cun
Can bautisarishaga, Jehovahua aillu partimi tucungui. Chi aillu cushilla man. Jehova canda sirtuta llaquishcata musiaringui. Pai camba mayanbi aushcata sintiringui (Malaquias 3:16-18ta leipai). Canga Jehovata camba Yayata shina charingui. Chasnallata, mundu intiruibi Jehovata llaquic huauquigunata charingui. Chi huauquiguna candahuas llaquitucunguimi (Marcos 10:29, 30ta leipai). Mana bautisarishallata, canga caitami rana angui: Punda, Jehovata ricsisha, llaquina mangui. Jesuspi quirishcata ricuchina angui. Huasha, camba causaita Jehovama cuna munashcata rimana angui. Caita rasha bautisarishaga, huiñai cushilla causangui. Diospa Shimi nin: “Bautisarinaga cunan cangunatahuas quishpichiun” (1 Pedro 3:21; TNM).
CAIMANDA MASTA YACHAI
Imahua ñucanchi causaita Jehovama cusha bautisarina balishca ashcata ricushun.
3. Huinguna pita sirvina ashcata ricuna anchi
Callari timpuibi Israelitagunaga Jehovata adorashahuas Baal nishca yanga diosta adoranata munanaura. Chasna paiguna yuyashca mana ali chara. Chiraicu, Jehovaga paigunata cunangahua, profeta Eliasta cachara. 1 Reyes 18:21ta leichi, huasha cai tapuimanda cuintanacuichi:
-
Israelitagunaga pitata adorangahua anllana anaura.
Ñucanchihuas, israelitaguna shina, pita adorana ashcata anllana anchi. Lucas 16:13ta leichi, huasha cai tapuigunamanda cuintanacuichi:
-
Jehovata, shuc dioscunata, cai ishcandita adoranata ushanchichu. Imahua.
-
Jehovallata adorangahua anllashcata imashinata ricuchinchi.
4. Jehova canda yapa llaquishcata yuyari
Jehovaga ashca yapa baliccunata cumbiraitucushcanchi. Chiraicu, ñucanchiga imatata paita cunata ushanchi. VIDEOTA ricuichi.
Jehovaga canda llaquishcata imashinata ricuchitucushcangui. Salmo 104:14, 15 y 1 Juan 4:9, 10ta leichi, huasha cai tapuigunamanda cuintanacuichi:
-
Jehova canda cumbirashcagunamanda, imatata mas gustangui.
-
Jehova canda cumbirashcagunata yuyarisha, imashinata sintiringui.
Maican runa minishtishcagunata cumbiracpi, ñucanchi pagrachushcata pai yachachun munanchi. Deuteronomio 16:17ta leichi, huasha cai tapuimanda cuintanacuichi:
-
Jehova canda ima cumbirashcata yuyashaga, cambas paita cumbiranatachu munangui. Imatata paita cunguima.
5. Camba causaita Jehovama cucpiga paiga ashcata bendiciaitucungui
Maican runagunaga universidadpi estudiana, ali tarabanata charina, ashca cullquita charina, cushi causanata cun ninaun. Chiga, sirtu chan. VIDEOTA ricuichi, huasha cai tapuigunamanda cuintanacuichi:
-
Videoibi ricuric runaga futbol pugllanata yapa gustac ashahuas, imahuata pai gustashcata saquira.
-
Cai runaga, pai munashca futbolta pugllasha catina randiga, paiba causaita Jehovama cusha sirvira. Pai chasna rashcaga ali chara. Imahuata casna yuyangui.
Apostol Pabloga, Jesusta mana catic ashcai, runaguna ricsisha balichiushca mara. Paiga, ricsiushca judiogunahua leyta yachachic runahuan estudiashca mara. Chasna ashahuas, Jesusta catingahua huinda saquira. Pai huashama saquishcata yuyarisha llaquirirachu. Filipenses 3:8ta leichi, huasha cai tapuigunamanda cuintanacuichi:
-
Apostol Pabloga imahuata “tucuitami basurata jichushcacuinta saquishcani” nira.
-
Tucui caigunata huashama saquisha imatata charira.
-
Chasnallata, cambas Jehovallata sirvishaga, cushichu causangaraungui. Imahuata casna yuyangui.
Apostol Pabloga, Jesusta catic tucusha, pai huashama saquishcagunamandahuas mas yalita charira.
MAICANGUNAGA CASNAMI NINAUN: “Jehovata sirvingahua ñucanchi causaita paima cunata mana minishtinchichu”.
-
Camba causaita Jehovama cunaga balishca chan. Imahua.
IMATA YACHASHCANGUI
Jehovata llaquishcamanda, ñucanchi causaita paima cusha bautisarinchi.
Yachashcata cuintai
-
Imahuata Jehovata tucui corazonhuan llaquisha, paillata adorana anchi.
-
Jehovaga paiba bautisarishca Testigogunata imatata cun.
-
Camba causaita Jehovama cunatachu munangui.
CANLLATA MASTA YACHAI
Shuc cantac huarmi, shuc pugllac runa, imahua paihua causaita Jehovama cushcata ricui.
Maltaguna tapurinaun... Ñuca causaihuan imatata rasha. Huashama ricusha... (6:54)
Imahua ñucanchi causaita Jehovama cuna ashcata masta yachai.
“Imahuata ñucanchi causaita Jehovata mañasha paima cuna anchi” (La Atalaya, 15 de enero de 2010)
Cai musicahuan videota ricusha, maican runaguna paiguna causaita Jehovama cusha bautisariushcai, cushilla sintirishcata ricui.
“Ashca huatagunata tapurirani, imahuata caibi auni” nisha cuintaushcaibi, shuc huarmi paiba causaihuan imata rashcata ricui.
“Bibliaga runaguna causaita cambian” (La Atalaya, 1 de noviembre de 2012)
