LECȚIA 46
Sostar te des chi viața le Iehovasche hai te boles-tu?
Cana des chi viața le Iehovasche, solahares ande iech manglimos că va avela te anes închinarea numai lesche hai că va avela te șios-les po iechto than ande chi viața. (Psalmo 40:8) Pala codoia cheres o bolimos. Cana cheres o bolimos sicaves averenghe că dean chi viața le Iehovasche. Te des chi viața le Iehovasche si i mai bari buchi cai daștis te cheres-la vroiechdata. Cadaia va paruvela chi viața. Sostar trebulas te cheres iech alosarimos cadea de baro?
1. Sostar camas te das amari viața le Iehovasche?
Das amari viața le Iehovasche anda codoia că iubisaras-les. (1 Ioan 4:10, 19) I Biblia phenel: „Te iubis le Iehovas, chio Del, sea che ileia, sea che sufletoia, sea chia goghiaia hai sea che zuralimaia”. (Marcu 12:30) Sicavas că iubisaras le Devles na numai prin so phenas tha vi prin so cheras. Cadea sar i ciaci iubirea cherel ieche murșes hai iecha jiuvlea te cheren iech solaharimos, sa cadea amari iubirea caring o Iehova va cherela-ame te das amari viața lesche hai te bolas-ame.
2. So miștimata del o Iehova codolen cai bolen-pe sar lesche Martori?
Pala o bolimos, va avela te cheres partea andai familia fericime le Iehovaschi. Pala codoia va avela te simțosares le Iehovaschi iubirea caring tute ande mai but feluri hai te pașios vi mai but lestar. (Citisaren Maleahi 3:16-18.) Atunci o Iehova va avela chio Dad, hai va avela-tu phrala hai pheia spiritualo pe sea i phuv, cai iubin le Iehovas hai vi tut. (Citisaren Marcu 10:29, 30.) Angla so te cheres o bolimos trebul te cheres chichiva buchia. Trebul te sichios anda o Iehova, te iubis-les hai te șios chio pachiamos ande lesco Șiav. Pala codoia trebul te des chi viața le Iehovasche. Dacă arăsăs te cheres sea cadal buchia hai te boles-tu, va avela te aves po drom cai îngărel ca i viața veșnico. O Cuvânto le Devlesco phenel: „O bolimos . . . salvil acana vi tumen”. (1 Petru 3:21)
HACHIAR MAI MIȘTO
Va avela te hachiares sostar si importanto te des chi viața le Iehovasche hai te boles-tu.
3. Savore trebul te alosaras casche te slujisaras
Ando Israelo purano, chichiva manușa pachianas că daștin te anen închinarea vi le Iehovasche vi le devlesche neciacio, o Baal. Tha o Iehova bișaldea pesche profetos, le Ilies, caște ortosarel-le. Citisaren 1 Regi 18:21, hai pala codoia den duma:
-
So trebunas te alosaren le israeliți?
Cadea sar le israeliți, vi amen trebul te alosaras casche te slujisaras. Citisaren Luca 16:13, hai pala codoia den duma:
-
Sostar ci daisaras te anas închinarea vi le Iehovasche hai vi avere devlenghe sau buchianghe?
-
Sar sicavas le Iehovasche că alosaras te anas închinarea numai lesche?
4. Gândisar-tu sar sicadea o Iehova iubirea caring tute
O Iehova dea amen but daruri cuci. Amen so daisaras te das-les? Dichen o MATERIALO VIDEO.
Sar sicadea o Iehova peschi iubirea caring tute? Citisaren Psalmo 104:14, 15 hai 1 Ioan 4:9, 10 hai pala codoia den duma:
-
So daruri catar o Iehova si mai cuci anda tute?
-
So si ande chio ilo cana diches cadal daruri?
Cana varecon del amen iech daro cai placial-ame but, camas vi amen te cheras vareso anda codo jeno. Citisaren Deuteronomo 16:17, hai pala codoia den duma:
-
Cana gândis-tu ca so cărdea o Iehova anda tute, so cameias te des vi tu lesche anda sea o ilo?
5. Cana das amari viața le Iehovasche si amen but miștimata
But manușa pachian că dacă sile mișto prinjiande sau si len but love va avena mai fericicme. Si ciaces? Dichen o MATERIALO VIDEO, hai pala codoia den duma.
-
Chiar cana o fotbalo sas leschi viața, sostar cado prinjiando manuș mechlea cado sporto?
-
Vo alosardea ca o Iehova te avel leschi viața, na o fotbalo. Pachias că cărdea iech alosarimos lașio? Sostar?
Angla so te avel creștino, o apostolo Pavel rodea te avel iech baro manuș. Sas-les iech baro sicaitorii cai sicavelas-les le legi iudaico. Tha caște avel iech creștino, mechlea sea cadal buchia. Dichlea o Pavel parpale caring cadal buchia? Citisaren Filipeni 3:8, hai pala codoia den duma:
-
Sostar phendea o Pavel că le buchia cai cărdea-le angla te avel creștino sas-le sar niște „gunoaiea”?
-
So primisardea ande lengo than?
-
Sar diches o fapto te anes închinarea le Iehovasche, ando than te aves iech baro manuș andi lumea?
Cana o Pavel cărdilea creștino, vo primisardea mai but sar mechlea palal
UNII MANUȘA PHENEN: „Na-i sostar te des chi viața le Devlesche”.
-
Sostar o fapto te des chi viața le Iehovasche si i mai lași buchi cai daștis te cheres-la?
SO SICHILEAM
I iubirea caring o Iehova cherel-ame te das amari viața le Iehovasche hai te bolas-ame.
So dichleam
-
Sostar meritil o Iehova te iubisaras-les hai te anas lesche închinarea anda sea o ilo?
-
Sar pochinel parpale o Iehova codolen cai bolen-pe sar lesche Martori?
-
Cames te des chi viața le Iehovasche?
RODE MAI BUT
Va avela te diches sostar alosardea iech sportivo hai iech jiuvli cai placialas-la te ghilabal, te den penghi viața le Iehovasche.
Le tărne pușen-pe: So va avela te cherav andi viața – Cana dichle so mechle palal (6:54)
Va avela te diches vi aver motivea sostar te des chi viața le Iehovasche.
„Sostar te des chi viața le Iehovasche?” (O Turno de veghe, 15 ianuaria 2010)
Ande cado videoclipo muzicalo va avela te diches i bucuria codolenghi cai den penghi viața le Iehovasche.
Andi relatarea: „Pușlem-ma but bărșa: «Sostar avilem andi lumea?»”, va avela te diches so cărdea iecha jiuvlea te hachiarel so si o mai importanto anda late.
„I Biblia paruvel i viața le manușenghi” (O Turno de veghe, 1 noiembria 2012)
Poate că fal-tu
PUȘIMATA ȘIUTINE BUTIVAR
So si o studio biblico le Martorența le Iehovasche?
Ande cado studio biblico gratuime le Martorența le Iehovasche, daștis te folosis orisavi Biblia cames. Daștis te achares ca o studio sea chi familia sau oricas cames.
