SIKAIMOS 46

Sostar trobus te shinavas amaro traio ka o Jehova ai te boldiuvas?

THO

Kana varekon del pesko traio ka o Jehova, shinavel ande iek rhugimos ke kamel te luvudil les ai ke e prama mai bari ande lesko traio si, te kerel so mangel o Del (Salmo 40:8). Kana boldiol, sikavel le kolavrenge ke shinadias pesko traio ka o Del. Te kerel kako si e prama mai bari kai shai alosarel ai kai shai parhuvel lesko traio. So shai azhutil tu te shinaves kiro traio ka o Del?

1. So shai azhutil amen te shinavas amaro traio ka o Jehova?

O kamlimos si so azhutil amen te shinavas amaro traio ka o Jehova (1 Iovano 4:10, 19). E Biblia phenel ke trobus te kamas ka o Jehova sa amare ilesa, amare traiosa, amara gogiasa ai amara zorasa (Marko 12:30). Amaro kamlimos ka o Jehova dikhiol andel prame kai phenas ai kai keras. Sar iek mursh ai iek zhuvli kai alosaren te ansurinpe, gadia iek fialo o kamlimos kai si amen pala o Jehova kerel te shinavas amaro traio leske ai te boldiuvas.

2. Sar suntsol o Jehova ka peske Marturia kai boldile?

Kana boldiosa si te aves anda e familia katar o Jehova, iek familia veselime. Atunchi si te aves mai pasha leste ai si te aliares mai o kamlimos le Devlesko (chito Malaquías 3:16-18). O Jehova si te avel kiro Dat ai si te avel tu phral pe sa e lumia kai kamen le Devles ai si te kamen tu (chito Marcos 10:29, 30, NWT). Numa mai anglal te boldios trobus te keres uni prame. Trobus te prinzhares ka o Jehova, te kames les ai te sikaves ke si tu pakiamos ande lesko shau. Polme trobus te shinaves ke si te des kiro traio ka o Jehova. Te keresa sa kako ai te boldios shai avel tu o traio pe sa e vriama. O suato le Devlesko mothol ke “o bolimos” akana skepil amen (1 Petri 3:21).

TE MAI SIKIOS

Aida dikhas sostar si bari prama te shinaves kiro traio ka o Jehova ai te boldios.

3. Savorhe trobus te alosaras kas si te luvudis

De dumut ando Israel le manush gindinas ke shai luvudinas ka o Jehova ai ka aver del jojamno kai busholaspe Baal. Numa o Jehova tradias ka o profeta Elias te vortol len. Chiton 1 Reyes 18:21 ai den duma pa:

So trobusarde te alosaren le israeliti?

Gadia sar le israeliti vi amen trobus te alosaras kas si te luvudis. Chiton Lucas 16:13 [NWT] ai den duma pa:

Sostar nashtis te luvudis ka o Jehova ai vi ka iek manush vai aver prame?
So shai keras te dikhel o Jehova ke alosardiam te luvudis numa les?

4. Gindisavo ande sode kamel tu o Jehova

O Jehova dias amen but prame lashe, ai so shai das les amen? Dikhen o VIDEO. Sar sikadias tuke o Jehova ke kamel tu?

VIDEO: Savi prama lashi shai das ka o Jehova (3:04)

Chiton Salmo 104:14, 15 ai 1 Juan 4:9, 10 [NWT], ai den duma pa:

Anda sa le prame lashe kai dias amen o Jehova, save prame plachan tu mai?
Akana ke des tu gogi andel prame kai del tu, so aliares pala leste?

Kana varekon del amen iek shukar prama kai plachal amen kamas te zhanel ke sam defial naisime. Chiton Deuteronomio 16:17 ai den duma pa:

Kana des tu gogi ande sa le prame kai dias tu o Jehova, kames anda o ilo te des les vareso? So sas te des les?

5. Kana shinavas amaro traio le Devleske shai las but mishtimos

But manush gindin ke, te aven prinzharde, iek lashi buki, vai le love shai den len veselia. Numa chaches godo? Dikhen o VIDEO ai den duma pa:

VIDEO: O futbol sas murho traio (5:45)

Sostar o Andrey meklias o futbol makar plachalas les but?
Vo alosardias te del pesko traio ka o Jehova ai te mekel o futbol. Pakias ke alosardias mishto? Sostar?

Mai anglal te kerdiol kristiano o apostol Pavlo shai avilosas iek manush prinzhardo sostar iek mursh ashundo sikadias les o zakono katar le judiuria. Numa, keisailo o Pavlo te mekel sa godo te kerdiol kristiano? Chiton Filipenses 3:8 [NWT] ai den duma pa:

Sostar o Pavlo phendias ke sa so kerdias mai anglal te kerdiol kristiano chi molas khanchi?
Ai so lias o Pavlo kana meklias sa godola dieli?
Pakias ke te alosaresa te luvudis ka o Jehova kiro traio si te avel mai shukar? Sostar gindis gadia?