Када само важно ришэния, сави о мануш можэт тэ прилэл андэ пэсти жызня. Тэ дэс алав лэ Иеговасти тэ жувэс важ лэстэ, када ту андэ молитва ԥэнэс лэсти, кай андэ тири жызня ту лэса тэ терэс кати кода, со во камэл. Ай кадяжэ, кай лэса тэ служыс кати лэсти (Псалом 40:8). Посли када ту можэш тэ болдёс. Кадя ту сыкавэса аврэнди, кай ужэ дян алав лэ Дэвлэсти. Но васо ту камэс тэ стерэс када?

1. Васо о мануш камэл тэ дэл алав лэ Дэвлэсти тэ жувэл важ лэстэ?

Амэ камас када тэ стерас, важ кода кай любисарас лэ Дэвлэс (1 Иоанна 4:10, 19). Андэ Библия пистромэ: «Любисар пэстирэ Дэвлэс лэ Иеговас всаворэ одеса, всаворя жызняса, всаворя годяса и всаворэ зорэса» (Марка 12:30). Кала мурш и жувли па чачимастэ любин ек еқэс, вонэ дэн алав ек еқэсти и жэнинпэ. Кадяжэ и амэ пэ дила сыкавас, кай любисарас лэ Дэвлэс, ай най кати алавэнца. Важ када амэ дас алав лэ Дэвлэсти тэ жувас важ лэстэ и болдювас.

2. Саво лашимос о Иегова дэла пэстирэ служытелёнэнди, савэ болделэ?

Посли кода, сар ту болдёса, ту зажаса андо лашо и баро лэ Иеговаско ери. Ту инке май фартэ полэса, кай во любий тут и ту ашэса инке май пашэ каринг лэстэ. (Адиносар Малахия 3:16—18.) Тут любия най кати о небесно Дад, но и бут ԥрала и ԥэя па вся и люма, савэ тожэ любин лэ Иеговас. (Адиносар Марка 10:29, 30.) Канешно, англа кода, сар тэ болдёс, трэбуй май драго тэ уӷанэс и тэ любис лэ Иеговас, трэбуй тэ патяс андо Иисусо и тэ дэс алав лэ Иеговасти тэ жувэс важ лэстэ. Тоди ту можэш тэ болдёс. И кадя ту жаса па дром, саво андярэл каринг вечно жызня. Най евья андэ Библия ԥэнэнпэ, кай кала о мануш болдёл, када фэрия лэс (1 Петра 3:21).

 УӶАНАМ МАЙ БУТ

3. Витидэ, касти ту лэса тэ служыс

Андо древнё Израилё дэко гиндояс, кай можно тэ тэлёс и лэ Иеговасти и хохавнэ дэвлэсти лэ Ваалости. О Иегова бишалдя каринг лэндэ пэстирэ пророкос лэ Ильяс, кай во лэнди тэ ԥэнэн, кай када фартэ нэправильно англа Дэл. Адиносарам 1 Царей 18:21 и подам дума пала вопросо, саво май тэлэ.

• Со трэбуй сас тэ витидэн кадэла израильтяноря?

Амэнди кадя жэ, сар и кодэлэ израильтянонэнди, трэбуй тэ витидас, касти тэ служысарас. Адиносарам Луки 16:13 и подам дума пала вопросоря, савэ май тэлэ.

• Васо на вижала тэ служысарас лэ Иеговасти и инке варикасти или варисости?

• Сар амэ можэм тэ сыкавас лэ Иеговасти, кай витидям тэ служысарас лэсти?

4. Погиндосар, сар дэ фартэ тут любий о Иегова

 5. Ту никала нэ пожалееш, кай дян алав лэ Иеговасти тэ жувэс важ лэстэ

 ПАЛА СО АМЭ ДЯМ ДУМА?

Анда кадэя ӷлава амэ уӷанглям, кай амэ дас алав лэ Иеговасти тэ жувас важ лэстэ и болдювас, важ кода кай любисарас лэс.

Сар ту гиндос?

• Васо о Иегова ашэл кода, кай амэ тэ любисарас лэс всаворэ одеса и тэ служысарас кати лэсти?

• Саво лашимос во дэл пэстирэ служытелёнэнди, савэ болделэ?

• Ай ту камэс тэ дэс алав лэ Иеговасти тэ жувэс важ лэстэ?