46-ТӤ УРОК

Малы улонэз Иеговалы сӥзёно но пылатӥськоно?

ЛЭЗЁНО

Улонзэ Иеговалы сӥзьыкуз, адями кылзэ сётэ, табере со Иеговалы гинэ йыбыртъялоз но солэсь эриксэ нырысетӥ интые пуктоз шуыса (Псалтирь 39:9). Сӥзиськемез бере адями пылатӥське. Озьы со мукетъёсызлы возьматэ, улонзэ Иеговалы сӥзиз шуыса. Улонэз Иеговалы сӥзён — со туж кулэ луись вамыш, кудӥз адямилэсь быдэс улонзэ воштэ. Нош мар мылкыдэз ӝутыны кулэ таӵе вамыш лэсьтыны?

1. Мар мылкыдмес ӝутыны кулэ улонмес Иеговалы сӥзьыны?

Иеговалы улонмес сӥзьыны мылкыдмес ӝутыны кулэ яратон (1 Иоанн 4:10, 19). Библиын верамын: «Инмардэ Кузё-Инмарез вань сюлмыныд, вань лулыныд, вань визьмыныд, вань кужмыныд яраты» (Марк 12:30). Иеговаез яратэммес кылъёсын гинэ верано ӧвӧл, нош озьы ик ужъёсын возьматоно. Кызьы ог-огзэс яратӥсь адямиос кузпалъясько, семья кылдыто, озьы ик ми но, Иеговаез яратӥськомы ке, улонмес солы сӥзёмы но пылатӥськомы.

2. Кыӵе кузьымъёс дасяз Иегова аслаз пылатӥськем ужась-тыршисьёсызлы?

Пылатӥськемез бере адями Иеговалэн бадӟым семьяез пӧлы пыре. Со эшшо но юнгес шӧдыны кутске Иеговалэсь яратэмзэ. Соку Иегова солы Атай луэ. (Лыдӟе Малахиялэсь 3:16—18.) Озьы ик Иеговалэн бадӟым семьяысьтыз адями шедьтэ аслыз трос вын-агайёс но сузэр-апайёс, кудъёсыз быдэс дунне вылын уло но Иеговаез ярато. (Лыдӟе Марклэсь 10:29, 30.) Но пылатӥськонлы умой дасяськыны кулэ. Кулэ тросгес тодыны Иегова сярысь, сое яратыны но Иисуслы осконэз будэтыны. Озьы ик пылатӥськон азьын улонэз Иеговалы сӥзьыны кулэ. Соку тӥ дась луоды пылатӥськыны но пырак улонэ нуись сюрес вылэ султоды. Библиын верамын, пылатӥськон уте шуыса (1 Пётр 3:21).

МУРГЕС ЭСКЕРЕ

Ойдолэ тодомы, малы кулэ улонмес Иеговалы сӥзьыны но пылатӥськыны.

3. Быръе, кинлы тӥ ужалоды-тыршоды

Вашкала Израильын куд-огъёсыз малпало вал, Иеговалы но йыбыртъяны, со дыре ик Вааллы но, зэмос луисьтэм инмарлы, йыбыртъяны луэ шуыса. Но соос шонертэм малпало вал. Соосты тупатон понна Иегова аслэсьтыз Илия пророксэ ыстӥз. Лыдӟе 3 Эксэйлыкъёслэсь 18:21 но та юанлы валэктон сётэ:

Кыӵе быръён лэсьтоно вал Израиль калык пӧлысь куд-огъёсызлы?

Милемлы но, Израиль калыклы сямен, быръёно, кинлы ми ужаломы-тыршомы. Лыдӟе Лукалэсь 16:13 но та юанъёслы валэктонъёс сётэ:

Малы уг луы огдыре Иеговалы но кинлы ке яке малы ке мукетызлы йыбыртъяны?
Кызьы возьматыны быгатомы, ми Иеговалы йыбыртъянэз бырйимы шуыса?

4. Иеговалэн яратонэз сярысь малпаське

Иегова милемлы трос кузьымъёс кузьмаз. Нош мар ми солы сётыны быгатӥськомы? Учке ВИДЕОРОЛИКЕЗ.

ВИДЕОРОЛИК: «Милям Инмарлы кузьымъёсмы» (3:04)

Кызьы Иегова тӥледыз яратэмзэ возьматӥз? Лыдӟе Псалтирез 103:14, 15 но 1 Иоаннлэсь 4:9, 10 но та юанъёслы валэктонъёс сётэ:

Иеговалэн кыӵе кузьымез понна тӥляд тужгес но тау каремды потэ?
Иеговаен кузьмам кузьымъёс сярысь малпаса, кыӵе тӥляд шӧдонъёсты кылдо?

Куке милемлы кузьым кузьмало, милям со адямилы тау кареммы потэ. Лыдӟе Кыкетӥ Законэз 16:17 но та юанлы валэктон сётэ:

Мар каремды потэ тӥляд Иеговалы, куке малпаськоды, макем трос со тӥ понна лэсьтӥз?

5. Улондэс Иеговалы сӥзиды ке, тӥ ноку уд жалялэ

Тросэз малпало, шуд — со сӥё-дано луон, умой уж, трос коньдон шуыса. Но озьы-а со? Учке ВИДЕОРОЛИКЕЗ но та юанъёслы валэктонъёс сётэ:

ВИДЕОРОЛИК: «Футбол улонам валтӥсез вал» (5:45)

Малы одӥг пиосмурт, футболэз туж яратэ вал ке но, футболэн шудэмысь дугдӥз?
Кызьы тӥ малпаськоды, шонер-а со лэсьтӥз, куке улонзэ, футболлы сӥзем интые, Иеговалы сӥзиз? Валэктэ.

Христиан мурт луэмезлэсь азьло апостол Павел ас вакытаз туж азинлыко, дышетскем адями вал. Со дано дышетӥсь дорын дышетскиз. Но Христослэн дышетскисез луон понна, Павел ваньзэ сое кельтӥз. Жаляз-а Павел, сыӵе быръён лэсьтӥз шуыса? Лыдӟе Филиппыослы 3:8 но та юанъёслы валэктонъёс сётэ:

Малы Павел жуг-жаген лыдъяз ваньзэ, мар со кариз христиан мурт луэмезлэсь азьло?
Мар со басьтӥз, христиан мурт луыса?
Тӥ малпамъя, мар умойгес: Иеговалы ужан-тыршон яке мар ке мукетыз? Валэктэ.