ROMNHORÉ 46
E marĩ wa, Jeová me te dza atsina ĩropitsu duré te dza aiꞌrãtiꞌi ni.
Te dza atsina ĩropitsu Jeová ma tãma ropitsutu wamhã rowaptẽrẽ na dza õhõ ãma tsi ꞌre ĩꞌaiwata mono na hã, duré dza tsô ꞌre ĩꞌatsõpré mono na hã ĩmorĩꞌrata na aihöimanadzém na. (Salmo 40:8) Taha parimhã, te dza aiꞌrãtiꞌi ni. Ãne ꞌmanharĩ wamhã te dza dama ĩhöiꞌré Jeová ma atsina ĩropitsutu na hã. Jeová ma datsina ropitsudu marĩ danhipai u ĩpire wahöimanadzém na wa te watsima pitsutu dzaꞌra da. Ãhã ꞌmanharĩ te te tsaprĩ waihuꞌu petse di aihöimanadzé hã. E marĩ te dza airétsi ãhã ꞌmanharĩ da.
1. E marĩ te dza darétsi Jeová ma da te datsina ropitsutu da.
Wanhimidzawidzéb dzarina wa dza watsina ropitsutu dzaꞌra ni Jeová ma. (1 João 4:10, 19) Ropotoꞌwai mreme te tinha: ‘ꞌRe tsawi petse dzaꞌra waꞌaba mono, Uburé Danhibꞌapito ate dzaꞌra waꞌwa ꞌRe ĩhöimana uꞌötsi mono hã, uburé aipẽꞌẽ dzaꞌra waꞌaba na, uburé aihöimana dzaꞌra waꞌaba dzé ĩꞌrowi uptabi na, uburé atsimirowaihuꞌu dzaꞌra waꞌaba na duré uburé atsiptede aima ꞌre ĩhöimana dzaꞌra waꞌaba mono na dzama.’ (Marcos 12:30) Wa dza höiꞌré dzaꞌra ni Ropotoꞌwa wama ĩtsawi petse dzaꞌra na hã wamreme na duré wanhimiꞌmanharĩdzém na. Ãma ĩtsimiré, aibö duré piꞌõ tsitsawi uptabi dzahuré wamhã te dza tsina timro dzahuré. Ãne duré, Jeová wama tsawi uptabi dzaꞌra wa, wa dza tãma watsina ropitsutu dzaꞌra ni duré te dza waꞌrãtiꞌi dzaꞌra ni.
2. E niha Jeová te dza dama tinhopru da te tãma datsina ropitsutu wamhã.
Da te aiꞌrãtiꞌi wamhã Jeová nhibꞌaꞌuwẽ ꞌremhã te dza atsé. Tawamhã Jeová nhimidzawidzé marĩ ahö na te dza ĩwaihu, duré te dza danhipai u atsina ĩroté. (Tsõré na Malaquias 3:16-18 TNM.) Jeová aimama na te dza aima ꞌre höimana duré Tiꞌai mono bö atsitsãnawã norĩ duré aihidiba norĩ te dza aima ꞌre höimana dzaꞌra. Ta norĩ ma Jeová tsawi uptabi dzaꞌra di. Tãma atsawi uptabi dzaꞌra di dza duré. (Tsõré na Marcos 10:29, 30.) Tadzahã, da te aiꞌrãtiꞌi wana ré nimahã marĩ norĩ ĩꞌmanharĩ da tsi. Jeová ãma a hã ĩwaihuꞌu da tsi, ĩtsawi da tsi duré Ĩꞌra ãma Jesus ãma ĩtsadzei petse da tsi. Taha parimhã, aihöimanadzém na Jeová ma ĩropitsutu da tsi. Ãhã marĩ norĩ ꞌmanharĩ wamhã, duré da te aiꞌrãtiꞌi wamhã tsada hã dza rowẽ tsina ꞌre aihöimana uꞌötsi mono da õne uꞌö. Ropotoꞌwai mreme te tinha: ‘Ta hã ö, ... ö dawabdzuri ne, ãhã na te te ꞌre ĩꞌatsõꞌreptu dzaꞌra waꞌaba mono ne hã.’ — 1 Pedro 3:21.
WAIHUꞌU DURÉ
Te dza ĩwaihu e marĩ wa, ĩpire Jeová ma atsina ropitsutu da duré da te aiꞌrãtiꞌi da.
3. Wahöiba mono bö wa te watsima ĩpitsutu dzaꞌra da tsi e ꞌwai ma, wa dza romhuri dzaꞌra ni
Duréihã niꞌwam norĩ Israel nhihudu norĩ ꞌremhã, te rotsaꞌrata dzaꞌra ĩbö na Jeová ãma ꞌre wata dzaꞌra mono da ropotoꞌwa ĩꞌuptabiꞌõ ãma, Baal ãma, ꞌre wata dzaꞌra mono tsina. Tawamhã Jeová, ma ĩtẽme tsatõrĩ dzaꞌra tiꞌmahöro ꞌrata ꞌwa Elias te te tãma watsuꞌu dzaꞌra da tahã ĩböiꞌõ na hã. Atsiré tsõré aba 1 Reis 18:21 TNM. Taha parimhã atsima robdzanhamri aba ãhã dadzadanharĩ ãma piꞌrebamhã:
-
E marĩ Israel nhihudu norĩ te te tsima ĩpitsutu dzaꞌra da tsi.
Israel nhihudu norĩ ne, wa norĩ hã duré wa te watsima ĩpitsutu dzaꞌra da tsi e ꞌwai ma, wa dza romhuri dzaꞌra ni. Atsiré tsõré aba Lucas 16:13. Taha parimhã atsima robdzanhamri aba ãhã dadzadanharĩ norĩ ãma piꞌrebamhã:
-
Niꞌwam norĩ te rotsaꞌrata dzaꞌra ĩbö na Jeová ãma ꞌre wata dzaꞌra mono da marĩ ĩhöiba amo norĩ ãma ꞌre wata dzaꞌra mono tsina. E marĩ wa, tahã ĩböiꞌõ.
-
E niha wa dza höiꞌré dzaꞌra ni Jeová ma wa te ĩpitsutu dzaꞌra na hã wa te tãma romhuri dzaꞌra da.
4. Natsi ꞌröwi rotsaꞌrata Jeová nhimidzawi dzaꞌẽtẽ dzém na aiꞌãma
Jeová ĩwẽ uptabi na ma tô wama anhoprub dzaꞌra. E marĩ na wa dza atsa tãma wanhoprub dzaꞌra ni. ꞌMadöꞌö aba ĨROPODO.
E niha Jeová te höiꞌré tãma ĩꞌatsawi na hã. Atsiré tsõré aba Salmo 104:14, 15 duré 1 João 4:9, 10. Taha parimhã atsima robdzanhamri aba ãhã dadzadanharĩ norĩ ãma piꞌrebamhã:
-
E mahã Jeová nhoprubdzé aima danhipai u ĩwẽ uptabi.
-
E niha te aihöiba Jeová taha na aima tsõpru wa.
Marĩ wama ĩwẽ uptabi na niꞌwa wama tsõpru wamhã, wa watsima wẽ dzaꞌra ni wa te atsa tãma hepãrĩ dzaꞌra da. Atsiré tsõré aba Deuteronômio 16:17 TNM. Taha parimhã atsima robdzanhamri aba ãhã dadzadanharĩ ãma piꞌrebamhã:
-
Ãma rotsaꞌrata aꞌö uburé Jeová aima ĩtsõprubdzém na. Taha dzarina, e marĩ te atsima ĩwẽ pe atsa tãma ꞌmanharĩ da.
5. Jeová ma atsina ropitsutu wamhã te dza atsa aima anhopru
Daꞌahö na te rotsaꞌrata dzaꞌra ni dama ĩpire na dahöimana dzaꞌra mono wamhã, robꞌuipradzé niwamhã romhuri ĩwẽ dama ꞌre höimana dzaꞌra mono wamhã, dza dama ꞌre ĩrowẽ dzaꞌra mono na hã. E tahã tô tsena. ꞌMadöꞌö aba ĨROPODO. Taha parimhã atsima robdzanhamri aba ãhã dadzadanharĩ norĩ ãma piꞌrebamhã.
-
Dato ĩwapu na Andrey ma tsawi petse nherẽ, e marĩ wa, ma tô tsadzö.
-
Õ hã ma tô tsina ropitsutu Jeová ma datoi upana. Aima hã, e ĩbö na ma tô pitsutu. E marĩ wa.
Jesus te te tsadawa dzamarĩ wana ré apóstolo Paulo dama ĩpire na te aré ꞌre höimana. Dama romnhoréꞌwa ĩpire ma tô tãma romnhoré judeu norĩ nhimiroti na. Tadzahã Paulo ma tô tirẽ uburé petse Jesus te te tsadawa dzamarĩ da. E ma tô rotsaꞌrata tihöimanadzé ĩꞌrata u apö tsipiꞌra da. Atsiré tsõré aba Filipenses 3:8. Taha parimhã atsima robdzanhamri aba ãhã dadzadanharĩ norĩ ãma piꞌrebamhã:
-
E marĩ wa, Paulo te tinha te te ꞌre ĩꞌmanharĩ mono dzé Jesus te te tsadawa dzamarĩ wana ré ‘ropru da te ꞌre ĩtsãmra mono ne’.
-
E marĩ ĩwẽ ma tô tãma ꞌre höimana te te ĩrẽmedzéb upana.
-
Aima hã, e aima rowẽ di dza danhipai u pitsutu wamhã Jeová ma romhuri da. E marĩ wa, ãne te ĩnha.
Marĩ ahö na Paulo ma, ma tô tãma tanhoprum ni Jesus te te tsadawa dzamarĩ parimhã te te ĩrẽmedzém nhipai u.
NIꞌWAM NORĨ TE NHARĨ DZAꞌRA ÃNE: “Bíblia na taré te romnhoré wamhã Jeová te dza oto ĩ̱wẽtsã.”
-
E marĩ wa, Jeová ma datsina ropitsudu Bíblia na romnhoré tsi õ di.
ĨWAIHUꞌUDZÉ HÃ
Wanhimidzawidzéb dzarina wa dza watsina ropitsutu dzaꞌra ni Jeová ma duré te dza waꞌrãtiꞌi dzaꞌra ni.
Ãma aipoꞌre puꞌu
-
E marĩ wa, Jeová wa te ꞌre ĩtsawi dzaꞌra mono da tsi duré ãma ꞌre ĩwawata dzaꞌra mono da tsi.
-
E niha Jeová te dza tinhopru tãma ĩromhuriꞌwa ĩꞌrãtiꞌi ré norĩ ma.
-
E te atsima ĩwẽ Jeová ma atsina ropitsutu da.
TSÔ AIRĨTĨ DURÉ
ꞌMadöꞌö e marĩ wa, piꞌõ ĩtsõꞌreꞌwa duré aibö ĩwapu wabdzuriꞌwa ma tô tsina ropitsutu dzahuré Jeová ma.
Ĩhöibatém norĩ nhimidzadanharĩdzé — E marĩ, wa dza ꞌmanha ĩ̱höimanadzém na. — Rotsaꞌratadzé (6:54)
ꞌMadöꞌö e marĩ wa duré Ropotoꞌwai ma datsina ropitsudu.
“E marĩ wa, Jeová ma datsina ropitsudu.” (Roꞌmadöꞌöꞌwa, 15 janeiro na, 2010 na)
ꞌMadöꞌö ãhã ĩropoto na, robdze na ꞌre ĩhöimana dzaꞌra mono na hã Jeová ma te te tsina ĩropitsutu dzaꞌra norĩ hã.
Tsõré na ĩtsihötödzé: “Wa aré natsi ꞌröwi rotsaꞌrata: ‘E marĩ da wahöimanadzé.’” waihuꞌu da e marĩ wa, piꞌõ ma tô apö rotsaꞌrata e marĩ tô tsena tãma ĩpire.
“Ropotoꞌwai mreme te te daꞌadzaprĩ waihuꞌu petse di” (Roꞌmadöꞌöꞌwa, 1.° novembro na, 2012 na)
