LESON 46
Nan̈ino ma Anao Tokony Hanokanten̈a Ndreky Hatao Batisa?
Manokanten̈a amy Jehovah zen̈y, mivavaka aminany, ke mampan̈anten̈a fa hanompo izy zaraiky fo ndreky han̈ano sitraponany voalohantoeran̈a amy fiain̈ananao. (Salamo 40:8) Lera anao efa baka manokanten̈a anao vo atao batisa. Anao atao batisa io man̈aboaka aminolo jiaby fa anao efa nanokanten̈a tamy Jehovah. Fanokan̈anten̈a amy Jehovah io fanapahankevitry farany maventy ataontsika. Ino raha tokony handrisiky anao han̈ano fanapahankevitry maventy karaha zen̈y?
1. Ino raha tokony handrisiky olo hanokanten̈a amy Jehovah?
Fitiavan̈a mahavy atsika manokanten̈a amy Jehovah. (1 Jaona 4:10, 19) Baiboly mivolan̈a karaha ty: “Ke tiava Jehovah Zan̈aharinao amy fonao jiaby ndreky vatan̈anao jiaby ndreky jerinao jiaby ndreky angovonao jiaby.” (Marka 12:30) Aboakantsika fa atsika tia Zan̈ahary ankitin̈y, amy raha volan̈intsika ndreky amy raha ataontsika. Izio karaha ataonolo man̈ano mariazy in̈y. Fitiavan̈a mahavy iro han̈ano mariazy. Karaha zen̈y koa fitiavantsika Jehovah mahavy atsika manokanten̈a ndreky man̈ano batisa.
2. Ino hatsaran̈a amiany Jehovah Vavolombelon̈onany vita batisa?
Anao koa fa vita batisa, anao manjary an̈isany fianakavian̈a sambatrany Jehovah. Han̈aboahany fitiavan̈a amy fomba maro koa anao, avio anao hifandray tsarabe aminany. (Vakia Malakia 3:16-18.) Manjary zanakany Jehovah anao, avio manan̈a rahalahy ndreky anabavy erantany, ten̈a tia izy ndreky ten̈a tia anao. (Vakia Marka 10:29, 30.) Alohany anao atao batisa fo, misy raha maromaro antsendriky mila hataonao. Mila mianatra momba Jehovah anao, tia izy, mino izy ndreky Zanany. Avio mila manokan̈a fiain̈ananao amy Jehovah anao. Izikoa anao man̈ano raha jiaby zen̈y, avio atao batisa, anao man̈araka lalan̈a mengo amy fiain̈ana tsisy farany. Baiboly mivolan̈a: ‘Batisa io koa man̈avotro anaro.’—1 Petera 3:21.
ALEVA ONON̈O
Diniha nan̈ino ten̈a ilain̈a manokanten̈a amy Jehovah ndreky atao batisa.
3. Tsy maintsy mifidy atsika azovy hitompoentsika
Tamy faha Israelita aby io, sasany tamindro nihevitry fa mety ampiarasin̈y fo fanompoan̈a Jehovah ndreky fanompoan̈a Bala. Ke Jehovah nan̈iraka paminan̈y Elia nan̈itsy iro taminy hevitry disondro zen̈y. Vakia 1 Mpanjaka 18:21, avio iaraha dinihin̈y fan̈ontanian̈a ty:
-
Ino raha nila nifidindro Israelita aby io?
Atsika koa mila mifidy azovy hitompoentsika, karaha nataondro Israelita aby io fo. Vakia Lioka 16:13, avio iaraha dinihin̈y fan̈ontaninan̈a aby ty:
-
Nan̈ino tsy mety sady manompo Jehovah, kanefa manompo olo hafa na manompo raha hafa koa?
-
Akory han̈aboahantsika amy Jehovah fa izy nifidintsika hitompoen̈a?
4. Aleva onon̈o fitiavany Jehovah anao
Jehovah nan̈amia atsika kadô maro tsara. Ino fo raha mba mety hamiantsika izy? Alifasa VIDEO io.
Ino aby raha nataony Jehovah nan̈aboahany fitiavany anao? Vakia Salamo 104:14, 15 ndreky 1 Jaona 4:9, 10, avio iaraha dinihin̈y fan̈ontanian̈a aby ty:
-
Ino aby raha namiany Jehovah ten̈a tianao?
-
Izikoa raha namiany anao aby io zahan̈a, akory fahitanao fitiavany anao?
Atsika koa fa mahazo kadô ten̈a tiantsika in̈y, atsika tsy maintsy han̈ano mersy olo nan̈amia izio atsika. Vakia Deoteronomia 16:17, avio iaraha dinihin̈y fan̈ontanian̈a ty:
-
Anao koa fa mandiniky raha jiaby vitany Jehovah taminao, ino raha mba tianao hamian̈a izy?
5. Mahazo hatsaran̈a maro anao koa manokanten̈a amy Jehovah
Olo maro mihevitry fa ho sambatra izy, izikoa malaza, na manan̈a asa tsara karama, na be vola. Marin̈y ma zen̈y? Alifasa VIDEO io, avio iaraha dinihin̈y fan̈ontanian̈a aby ambany io.
-
Lelahy pisoma laboly in̈y ten̈a tia laboly, fa nan̈ino izy niala tamizio?
-
Nanapakevitry hanokanten̈a tamy Jehovah izy, fa tsy tamy laboly. Hitanao mety fanapahankevitrinany zen̈y? Nan̈ino?
Apostoly Paoly talohanizy nanjary Kristianin̈y, izy nanan̈a asa tsara. Izy nianatra lalàn̈a jiosy tamy papianatra nalaza tamy zen̈y. Fa nialany raha jiaby zen̈y, fotony izy tihiova Kristianin̈y. Ke Paoly ma nanen̈iny? Vakia Filipianina 3:8, avio iaraha dinihin̈y fan̈ontanian̈a aby ty:
-
Nan̈ino ma nampitovisiny Paoly tamy fako raha nazony talohanizy nanjary kristianin̈y in̈y?
-
Ino fo raha nazony?
-
Mba misy ma raha tsaratsarany fampiasan̈a fiain̈ananao hanompoan̈a Jehovah?
Paoly koa fa loso kristianin̈y, maro mandilatrany raha nialany raha nazony
MISY OLO MIVOLAN̈A: “Anao tsy mila manokanten̈a amy Zan̈ahary.”
-
Nan̈ino ma anao tokony hanokanten̈a amy Jehovah?
INO RAHA NIANARANAO TATO?
Fitiavan̈a mandrisiky atsika hanokanten̈a amy Jehovah ndreky atao batisa.
Fan̈ontanian̈a Fameren̈ana
-
Nan̈ino ma Jehovah zaraiky fo man̈eva tiavin̈y ndreky tompoen̈a amy fo jiaby?
-
Akory ataony Jehovah mitahy iro Vavolombelon̈onany vita batisa?
-
Asa anao mba tihanokanten̈a amy Jehovah?
ZAHAVA
Zahava nan̈ino man̈angy pihira araiky ndreky lelahy pisoma laboly araiky nifidy nanokanten̈a tamy Jehovah.
Man̈ontany Tanora: Ino Raha Hataoko amy Fiain̈ana?—Mandiniky Raha fa Loso (6:54)
Diniha ino koa antony hafa han̈anovan̈a fanokan̈anten̈a.
“Nan̈ino ma Anao Mila Manokanten̈a amy Jehovah?” (Tilikambo Fiambesan̈a 15 Zanvie 2010)
Zahava aminy hira ty karakory haravoan̈anolo nanokanten̈a tamy Jehovah.
Misy tantarany man̈angy araiky, titranany “Tan̈atiny Taon̈o Maro Zaho Tihahay Antony Niasany Zan̈ahary Atsika.” Diniha ino nandrisiky izy handiniky raha ataony voalohantoeran̈a amy fiain̈ananany.
“Man̈ova Olo Baiboly” (Tilikambo Fiambesan̈a 1 Novambra 2012)
Mety ho Tianao Koa
RAHA MATETIKY AN̈ONTANIANOLO
Karakory ma Atao Mianatra Baiboly Zen̈y?
Tsy man̈efa mianatra Baiboly amy Vavolombelon̈o Jehovah. Mety tahominao miaraka mianatra aminao koa havanao ndreky kamaradinao. Lera anao mianatra, anao afaka mampiasa zay fandikanteniny Baiboly tianao.
