ZƐŊ-LƐƐI 46
Le Mɛni Ɓe Maa Nɛ̃ɛi La Ku Kukpiŋ Tɛɛ Ziova Pɔ, Ku Batai Kɛi?
Berei ya pɔri ikpiŋ tɛɛi la Ziova pɔi ɓa, I ikono tee mi ɣala-fɛliɛ su a gɛɛ nya nɔ ɓe ya pai vɛlii, I nĩa-mɛni pu fulɔi ikɛ-ɣeniɛi su. (Ŋule-wooi 40:8) Naa polu ma, ya batai kɛ. Nyiŋi a nɛ nuu kelee ma a gɛɛ yaa ikpiŋ tɛɛ Ziova pɔ. Mɛni-kpɛtɛɛ a gɛɛ ku kukpiŋ tɛɛ Ziova pɔ kaa a mɛni-kpɛtɛɛ nyii dɛɛi mɛni-kpɛtɛɛ kelee ta ma kwa pai wɔlɔ gɛi kukɛ-ɣeniɛi su. Le ɓe pai ilii kulai a gɛɛ I mɛni-kpɛtɛɛ mɛni-kpanaŋɔɔi ŋi kɛ nyii pai ikɛ-ɣeniɛi maa falenii?
1. Le ɓa nuu ta lii kula a gɛɛ e gbiŋ tɛɛ Ziova pɔi?
Wɛli-kɛ-maa ɓe a kulii kula a gɛɛ ku kukpiŋ tɛɛ Ziova pɔ. (1 Zɔŋ 4:10, 19) Ŋala-kɔlɔi a ku fɔrɔi nyɛɛi: ‘Inuu-namui Ɣala wɛli a ilii kelee, imɔleŋ kelee, ikili kelee da iwala-wala-laai kelee.’ (Maki 12:30) Kufa nɛ nɔ a gɛɛ Ɣala wɛli kaa kua kulono-pere su, kɛlɛ kwa nɛ kutua-pere su. Yɛɛ berei nɔ nuu feerɛ nyii-ŋai dikie-ni wɛlini da too la tua-laa sui, bere nɔ ɓe ŋwɛli-kɛ-maai kulii su Ziova mɛni mai a pɔri kulii kulai la a gɛɛ ku kukpiŋ tɛɛ bɔ, ku batai kɛ
2. Luwa-ŋa kɛɛ leŋ ɓe Ziova fɛli-ɓela nyii-ŋai daa batai kɛi da zɔlɔ ɓo?
Ya batai kɛ, ya pai kɛi a Ziova ŋɔkaayɔɔi nyii lii-nɛ̃ɛ kaa zui su nuu ta. Ya pai ŋɔwɛli-kɛ-maai imɛni mai kaai a pere sii tamaa, nyaŋ ya pai lɛɣɛi a nyaa e tɛɛ bɔlɔi ma. (Malakai 3:16-18 lono.) E tee Ziova kɛɛ a Inaŋ ma, ya pai kaayɔɔ sɔlɔ ɓoi ŋeniɛi gwaa kelee nyii-ŋai Ziova wɛlini, nyaŋ da pai I wɛlii. (Maki 10:29, 30 lono.) Kɛɛ, maa nɛ̃ɛi I mɛni takpɛni-ŋa kɛ I lɛɛ pai batai kɛi. Maa nɛ̃ɛi I mɛni maa-kɔri e pilaŋ Ziova ma, I ŋwɛli, I laa-la pu Noŋ kponoi. Naa polu ma, maa nɛ̃ɛi I ikpiŋ tɛɛ Ziova pɔ. A kɛ ya mɛni-ŋai ŋi kɛ, I batai kɛ, gɛ ni ya pai wɔlɔ-wɔlɔ fulu-laa sɔlɔ ɓoi. Ŋala-kɔlɔi e mo nyɛɛi: “Batai kɛɛ . . . kaa naa kaŋuŋ ma ɓoi.”—1 Pitɛ 3:21, NWT.
MƐNI TAMAA MAA-KƆRI
Mɛni maa-kɔri e pilaŋ mɛnii ma gɛ a nɛlɛɛ a gɛɛ I ikpiŋ tɛɛ Ziova pɔ, I batai kɛ.
3. Maa nɛ̃ɛi ku kelee ku mɛni-kpɛtɛɛ kɛ e pilaŋ nuui ma kwa pai vɛlii
Eezuɛ-ŋai ditãi ma, e kɛ nua taŋa kili-ŋa a gɛɛ da pɔri kɛi Ziova fɛlii, dikɛ ŋɔnɔ nɛɛ ɣalai Bee fɛli. Kɛɛ Ziova e ŋɔlono-kɛ-nuui Ilaiza tɛɛ a gɛɛ e lono dipɔ e pilaŋ gili-ŋa-sia nyɔmɔɔi ŋi ma. 1 Kaloŋ 18:21 lono, gɛ ni ka lono e pilaŋ mare-kɛɛ ŋi ma:
-
Mɛni-kpɛtɛɛ kɛɛ leŋ ɓe maa nɛ̃ɛi kɛ Eezuɛ-ŋai di gɛ?
Kua maŋ, maa nɛ̃ɛi ku mɛni-kpɛtɛɛ kɛ e pilaŋ nuui ma kwa pai vɛlii. Luu 16:13 lono, gɛ ni ka lono e pilaŋ mare-kɛɛ-ŋai ŋi dia:
-
Le mɛni ɓe kufa pɔri kɛi Ziova fɛlii la, kukɛ ŋɔnɔ nuu kpaa sɛŋ takpɛni fɛli?
-
Kwa pɔri nɛi leŋ Ziova ma a gɛɛ kwaa gbɛtɛ kukili-ŋa a gɛɛ ku vɛli?
4. Ikili-ŋa sia e pilaŋ ŋwɛli-kɛ-maai ma Ziova yeei imɛni mai
Ziova aa ɓɛlɛ-see sãa lɛlɛɛ tamaa tɛɛ kupɔ. Le ɓe kwa pɔri dɛɛi bɔi? VILOI su kaa.
Pere sii-ŋa kɛɛ leŋ ɓe Ziova aa wɛli-kɛ-maa lɛ la imɛni ma? Ŋule-wooi 104:14, 15 da 1 Zɔŋ 4:9, 10 lono, gɛ ni ka lono e pilaŋ mare-kɛɛ-ŋai ŋi dia:
-
Ziova ŋɔɓɛlɛ-see-ŋai nenɛ ɓe ilii kpɔɔi nɛ̃ɛi mɛni mai?
-
Mɛlɛ-see-ŋai ŋi da ilii kɛ leŋ e pilaŋ Ziova ma?
Nuu ta a ɓɛlɛ-see-sɛŋ tɛɛ kupɔ nyii ŋwɛli kaa kuai, kwa ŋwɛli ku kuyee-see-mui lɛ nuui ti ma. Dutɛrɔnome 16:17 lono, gɛ ni ka lono e pilaŋ mare-kɛɛ ŋi ma:
-
Ya ikili-ŋa sia e pilaŋ mɛni-ŋai kelee dia Ziova aa gɛ yɛi, le ɓe nyiŋi a ilii kula a gɛɛ I dɛɛ bɔi?
5. Ikpiŋ tɛɛ Ziova pɔ a pa a luwa tamaa
Gaa nua tamaa kili-ŋa a gɛɛ tii lɛlɛɛ kpaa kapa tamaa a kɛ diyeei kpaa maŋ nua tamaa da kɛ a di kɔlɔŋɔɔ, nyiŋi a pai lii-nɛ̃ɛ tɛɛi dipɔ dikɛ-ɣeniɛi su. Nyiŋi kaa a tɔ̃ya? VILOI su kaa, gɛ ni ka lono e pilaŋ mare-kɛɛ-ŋai ŋi dia.
-
Berei maŋ bɔɔ kɔɔ wɛli e kɛ la bɔlɔi ŋi mai, le mɛni ɓe e nyee kula la zui?
-
E mɛni-kpɛtɛɛ kɛ a gɛɛ e gbiŋ tɛɛ Ziova pɔ. I laai la e mɛni-kpɛtɛɛ lɛlɛɛ kɛ? Le mɛni ma?
Zia-nuui Pɔɔ e lɛɛ pai kɛi a Korai-nuu, e kɛ tii kɛtɛ kɛi. E Zuu-ŋai ditɔŋ maa-kɔri sɛŋ-lɛ-nuu kɛtɛ tɔnɔ yee mu. Kɛlɛ, e bolu fe mɛni-ŋai ŋi dia a gɛɛ nɔ e kɛ a Korai-nuu. I laai la Pɔɔ lii e too polu mɛni-kpɛtɛɛ ŋi mɛni ma? Felepiɛŋ 3:8 lono, gɛ ni ka lono e pilaŋ mare-kɛɛ-ŋai ŋi dia:
-
Le mɛni ɓe Pɔɔ e mɛni-ŋai e gɛ e lɛɛ pai kɛi a Korai-nuui toli la “a kara”?
-
Le ɓe e zɔlɔ ɓo naa polu mai?
-
I laai la ikɛ-ɣeniɛi a pai kɛi a nɛlɛɛ ya gbɛtɛ ikili-ŋa a gɛɛ I Ziova fɛli? Le mɛni ma?
Tãi Pɔɔ e kɛ la a Korai-nuui, e mɛni lɛlɛɛ tamaa sɔlɔ ɓo e tɛɛ la nyii ma e nɛɛ polui
NUA TAŊA DA MO DIYƐƐI: “Ŋa gɔlɔŋ a gɛɛ dɔ̃yai kaa ŋi, kɛɛ mve nii ŋgbiŋ kpɛtɛ ni a gɛɛ ŋa batai kɛ.”
-
Le mɛni ɓe I laai la gaa a mɛni lɛlɛɛ a gɛɛ I ikpiŋ tɛɛ Ziova pɔ?
MƐNI-ŊUŊ-ŊAI YAA MAA-KƆRII
Wɛli-kɛ-maa ɓe a kulii kula a gɛɛ ku kukpiŋ tɛɛ Ziova pɔ, ku batai kɛ.
Gili-too-ŋa mare-kɛɛ-ŋai
-
Le mɛni ɓe maa nɛ̃ɛi ku Ziova nya dɔnɔ fɛli la, ku ŋwɛli a kulii kelee?
-
Luwa-ŋa kɛɛ leŋ ɓe Ziova fɛli-ɓela nyii-ŋai daa batai kɛi da zɔlɔ ɓo?
-
Ya pai ŋwɛlii I ikpiŋ tɛɛ Ziova pɔ?
MƐNI TAKPƐNI-ŊA MAA-KƆRI
Mɛnii kaa gɛ wule too nuu ta da bɔɔ-kɔɔ nuu tɔnɔ dikɛ mɛni-kpɛtɛɛ kɛ a gɛɛ di dikpiŋ tɛɛ Ziova pɔ.
Mare-kɛɛ-ŋai Nuu-tɔɔ-ŋa Da Gɛi—Le Ɓe Ŋa Pai Gɛi A Ŋakɛ-ɣeniɛi?—Mɛni-kpɛtɛɛ-ŋai Ŋa Gɛi (6:54)
Mɛni-ŋuŋ takpɛni-ŋa kaa nyii a gɛ nuu e gbiŋ tɛɛ Ziova pɔ.
“Le Mɛni Ɓe Maa Nɛ̃ɛi I Ikpiŋ Tɛɛ La Ziova Pɔ?” (Nyeŋkeŋ, Gɔlɛ-ɣaloŋ-leei 15, 2010)
Ŋule-woo viloi ŋi su, nii-nɛ̃ɛi kaa diai da dikpiŋ tɛɛ Ziova pɔi, da zɔlɔ ɓoi.
Mɛnii kaa gɛ nɛni ta kɛ gili-ŋa sia e pilaŋ mɛnii ma nyii kɛ a mɛni-kpanaŋɔɔi ma ŋɔkɛ-ɣeniɛi su a mɛni-pelei ŋi lonoɔ: “Ŋa Kaa Ŋgili-ŋa Sia A Koraŋ Tamaa, ‘Le Mɛni Ɓe Kukaa La Ɓɛi?’”
“Ŋala-kɔlɔi A Nua Dikɛ-ɣeniɛi Maa Faleŋ” (Nyeŋkeŋ, Bɔrɔŋ-kpalai 1, 2012)