DUNGU 47
¿Pepicaucülepimi mai tami bautizahual?
Tami papiltubel Biblia cüme quimpobimi Jehová. Cabei elcünoimi cuibique huimtun, beula bemquimi cümeque dungu. Huelu, ¿catrütunepeimu mai quiñeque dungu tami hulal tami mongen Jehová mu ca bautizahual? Tübamu quimaimi quiñeque dungu catrütuquebilu pu che tañi bautizaupoal ca quimaimi chumabüimi tami huehuabel beichi dungu.
1. Petu tami bautizaunon, ¿chumten quimabüimi Biblia mu?
Tami bautizahual ‘cüme quimpoabimi tati rübngechi dungu’ (1 Timoteo 2:4). Huelu quimlaabüimi com mülelu Biblia mu. Pu cristiano bautizaucülelu ume, amulecaingün tañi doi quimabel Biblia (Colosenses 1:9, 10). Beimu, cüme quimabimi doi manelbalchi dungu Biblia mu. ¿Chumngechi quimabüimi tami cüme quimnepen mai hunenque dungu Biblia mu? Pu loncolelu trahunche mu quelluaimu (incaaimu).
2. ¿Chumabüimi tami bautizahual?
Biblia eipi: “Huiñoraquiduammün ca huiñotumün Chau Dio mu” (papiltunge Hechos 3:19). ¿Chumngechi bemquiiñ tüba? Hueñancülqueiñmu com tati hueyaque dungu taiñ bemün cuibi mu, beimu ngillatubiiñ Jehová taiñ ulpacünoñmaatu. Cabei quiñepülecünoquiiñ bill hueyaque huimtun taiñ bemal Jehová tañi ayüquel müten. Cabei trahuluuquiiñ Jehová tañi pu che mu ca amuldunguquiiñ.
3. ¿Chemu llücalaaimi tami bautizahual?
Quiñeque che llücaleabüingün bemnoal chem tañi eipicünobel Jehová. Quiñeque mu huelulcahuabüimi, huelulcaulu reque quiñeque che tripalu Biblia mu. Huelu loncontucunge: Jehová quimni taiñ yabcabe chengen mu huelulcahuabüiñ (papiltunge Salmo 103:13, 14). Huelu nehuentuuliiñ taiñ cüme bemal, Jehová müna ayüucüleai ca quelluaiñmu. Biblia eipi: Chem no ume “hudalaaiñmu Chau Dio tañi piuqueyen” (papiltunge Romanos 8:38, 39).
DOI CÜME QUIMNGE
Quimnge epu dungu nengümaimu tami bautizahual: cüme quimpoabel Jehová ca llohual tañi quellun.
4. Cüme quimpobinge Jehová
Petu tami bautizaunon, cüme quimabimi Jehová, bemngechi piuqueyepoabimi ca inaabimi tañi eipin. Tami quimal chumingün quiñeque che tañi bautizahual quintulbe tati VIDEO. Quintulngele hula ngütramcaabiiñ tübachi ramtun:
-
Video tañi eipin, ¿chem quellueyu pu papiltuquelu ñi pepicaucüleal tañi bautizahual?
Papiltoiñ Romanos 12:2. Papiltungele hula ngütramcaabiiñ tübachi pu ramtun:
-
¿Mupituquelabimi quiñeque dungu mülelu Biblia mu? ¿Mupituquepimi mai pu dunguquelu iñingen Jehová tañi rüb quimelelquebel Biblia?
-
Nehue mupitulenolmi, ¿chumabüimi?
5. Huehuabimi hueyaque dungu
Eipilu iñchiñ “hulcünoan tañi mongen Jehová mu ca bautizahuan”, upaquiiñ hueyaque dungu mu. Ca bemngechi upai quiñe lamngen. Quintulbe tati VIDEO. Quintulngele hula ngütramcaabiiñ tübachi epu ramtun:
-
Taiñ lamngen, ¿chem dungu quiñepülecünoi tañi huenupüramabel Jehová?
-
Taiñ lamngen tañi piuqueyebel Jehová, ¿chumngechi quellueyu?
Papiltoiñ Proverbios 29:25 ca 2 Timoteo 1:7. Papiltungele hula ngütramcaabiiñ tübachi ramtun:
-
¿Iñi quelluabeimu tami huehuabel billque hueyaque dungu?
6. Mupitunge Jehová tami quelluatu
Jehová quelluaimu tami bemal quidu tañi ayüquel. Quintulbe tati VIDEO. Quintulngele hula ngütramcaabiiñ tübachi epu ramtun:
-
Tati papiltulu Biblia, ¿chemu petu bautizaulabüi?
-
¿Chem quellueyu tañi doi mupitol Jehová mu?
Papiltoiñ Isaías 41:10, 13. Papiltungele hula ngütramcaabiiñ tübachi ramtun:
-
¿Chemu maneluucüleabüimi tami bemal com tami eipicünobel Jehová?
7. Mañumcülenge Jehová tami piuqueyetu
Quimülmi chumten tami piuqueyetu Jehová, doi mañumneabimi ca ayühun mu huenupüramabimi. Papiltoiñ Salmo 40:5. Papiltungele hula ngütramcaabiiñ tübachi ramtun:
-
Cümeque dungu tami eluetu Jehová, ¿chuchi doi ayübimi?
Tati pelon huentru Jeremías pingebülu, müna piuqueyebüi Jehová ca tañi eipin. Ca bemngechi müna balintuquebüi yeneal Chau Ngünechen tañi üi. Quidu eipi: “Tami eipin ayühulmaenu tañi piuque, iñche am yenelu tami üi, Chau Ngünechen Jehová” (Jeremías 15:16). Ngütramcaabiiñ tübachi meli ramtun:
-
¿Chemu müna yambalngi dunguquelu iñingen Jehová ngepoal?
-
¿Ayüpimi mai tami bautizahual bemngechi dunguquelu iñingen Jehová ngepoal?
-
¿Catrütunepeimu mai quiñe dungu tami bautizahual?
-
¿Chumabüimi tami bautizahual?
QUIÑEQUE CHE EIPIQUI: “Bemlaabün tañi eipicünobel Jehová, beimu bautizaulaabün”.
-
¿Ca bemngechi raquiduamquepimi mai?
CHEM PEIÑ TÜBAMU
Chem hueyaque dungu mu ume upalmi, Jehová tañi quellun mu bautizahuaimi.
Chem quimeleleiñmu tüba
-
¿Chumten quimabüimi Biblia mu tami bautizahual?
-
¿Chumabüimi tami bautizahual?
-
¿Chemu llücalelaaimi tami bautizahual?
DOI QUIMABÜIMI
¿Chemu ngümintuabüimi tami bautizahual?
“¿Pepicaucülepimi mai tami bautizahual?” (Ti Huerquen marzo 2020)
¿Chumngechi huehuabüimi quiñeque dungu tami bautizahual?
“¿Chem catrütuquenu tañi bautizahual?” (Ti Huerquen marzo 2019)
¿Chumi quiñe huentru tañi bautizahual upalu ume cüdaungechi dungu mu?
Quiñe huentru epurume raquiduamcülequebüi tañi bautizahual cam bautizaunoal, ¿chem quellueyu ñi bautizahual?
Peabüimi ka bemngechi dungu:
BILLKE RAMTUN
¿Chumngechi quimelquiiñ Biblia?
Quimeltungelmi quiñe Dunguquelu, papiltuabüimi chem traducción Biblia mu niimi ume. Mangelabüimi com tami pu che, tami pu hueni, ca iñi ume ayüabüimi.
