BAG I 47

O yà kuʼni neghù nyuʼntse ké?

Ntùm yu ziʼde Ñwaʼni Nsi, o ziʼde tshu yàm mfà num Yaweh Nsi. O ghù mba tsemoʼ mbade neyab tshu tsʼo zide là ntùm faʼ. Ndaʼndù, moʼndù taʼ ju tshwèt ntshèttʼo nefà wul o Yaweh Nsi. Yen bag i li aʼ tshob mfà num ba tshu tse bʼa tshètte mènntùn neghù nyuʼntse là, mbèn ndaʼde mba bʼa maʼ tshen ngùtni là ntshùa là.

1. A bètte o lèn Ñwaʼni Nsi à njoñ ndùke kà ngù nyuʼntse à?

Kà ngù nyuʼntse, a bètte “[o lèn nenùne].” (1 Timôtio 2:4) Yennà ke tshwèt ndaʼdʼà mbe a bètte o lèn njoñ tshu fa ntùm Ñwaʼni Nsi kà ngù nyuʼntse. Mba ba benkristô tse bo ghù nyuʼntse fe nguʼnjù yàm nà tshwèt nèn mbwe neziʼde Ñwaʼni Nsi. (Kolosé 1:9, 10) Là, a bètte o lèn mbèn njuʼ ba ntswide ndùb Ñwaʼni Nsi. Ghakwémbwe aʼ ywimdʼo nelèn a be zʼo ghù yen lènde là là.

2. Ke zʼa bètte o ghù kà ngù nyuʼntse à?

Kà ngù nyuʼntse, a bètte o “kañ ntù [o], [mbèn] mbade ngùninu [mu].” (Siañ Mfaʼ Ghantum 3:19.) Yenni nke mbagdʼà nejuʼ kebwô num mba zit nukebwô lo zʼo ghù là, mbèn mbètte Yaweh Nsi mbʼa lagde mfà wù. A bèn mbètte o ghuaʼ njoñ tshu fa tse Nsi keʼ kô là, mbèn ndoʼ mfiʼ neghù taʼ yôg zʼa tsiañde ntù i là. Nekwiʼde, a bètte o nke nèn ba ntseʼde, mbèn nsoñ nkùn mebwô bo ndà ntseʼde.

3. Numke a ke bètte o fañ bwôg tshèttʼo neghù nyuʼntse à?

Tsemoʼ benntùn num mbwôg mbe bo ke dunde nkaʼni tse bo ghù Yaweh Nsi là. A nenùn mbe tsemoʼ ngelañ oaʼ fàn nu, ndañndañ mba bandum mba bènnzwi bamntù tse bo be ntùm Ñwaʼni Nsi là naʼ ngù là. Ndaʼndù, Yaweh Nsi ke tshwèt mbètte mbe ghafaʼ tse làn miagde. (Siañ Yobkwi 103:13, 14.) A num ntsiañde ngelañ o kagtùn njoñ mbʼo kuʼni là. Aʼ ywimdʼo. Yaweh Nsi tshwèt nso ntù ben mbe sàm ju “keʼ kuʼni nefagde ben num nkôni [mi].”—Siañ Roma 8:38, 39.

TSWEʼ NTUN MI

Yen mba nelèn Yaweh Nsi mebwô mba nebam ze ywimde kuʼni neywimdʼo nemaʼ ba ngùtni tse bʼa tshèttʼo neghù nyuʼntse là ntshùa là.

4. Ziʼde nelèn Yaweh Nsi kuaʼ mebwô

A bètte o lèn Yaweh Nsi à ndùke kà ngù nyuʼntse à? A bètte o lèn i kuaʼ mebwô kà yennà tèndʼo nekô i mbèn ntsiañde ntù i. Lôde LAʼDE NETSHAÑ neyen mba ghaziʼde Ñwaʼni Nsi ntùm njù sagkuà ghù yennà là, mbèn mbùnde yen bètte li.

LAʼDE NETSHAÑ: Nekuʼ num bag ywèt, ngù nyuʼntse (3:56)

Ntùm laʼde netshañ, ke zʼa naʼ njwimde tsemoʼ benntùn bo kuʼni neghù nyuʼntse à?

Siañ Roma 12:2, mbèn mbùnde tshen mbètte li:

O ghù magde mfà num ju ze Ñwaʼni Nsi tshwèt ntswide ke num tshu tse ghakwénta Yaweh Nsi num ntswide là ké?
A be ñ, mba ke ze bʼo ghù à?

5. Maʼ ba ngùtni tse bʼa tshèttʼo neghù nyuʼntse là ntshùa

Ngelañ taʼ mènntùn num ntshoʼ nefà wul i Yaweh Nsi mbèn ngù nyuʼntse là, ngùtni te nsi mbwe i. Neyen taʼ mfiʼ, Lôde LAʼDE NETSHAÑ, mbèn mbùnde tshen mbètte li.

LAʼDE NETSHAÑ: Lʼamour pour Jéhovah surmonte tous les obstacles (5:22)

Ntùm laʼde netshañ, a naʼ bètte Narangerel maʼ à tsit ngùtni ntshùa num neghamde Yaweh Nsi à?
Nkôni a ghù mfà num Yaweh Nsi là naʼ njwimdʼé à ndùke nemaʼ tshen ngùtni là ntshùa à?

Siañ Tànkùt 29:25 bo 2 Timôtio 1:7, mbèn mbùnde yen bètte li:

Ke zʼa be mfà tànntù ben nemaʼ ba ngùtni ntshùa à?

6. Yéʼde num ywimde Yaweh Nsi

Yaweh Nsi aʼ ywimdʼo netsiañde ntù i. Lôde LAʼDE NETSHAÑ, mbèn mbùnde tshen mbètte li.

LAʼDE NETSHAÑ: Yaweh Nsi aʼ ywimdʼo (2:50)

Ntùm laʼde netshañ, ke zʼa naʼ nke ntshètte taʼ ngaziʼde Ñwaʼni Nsi a ghù nyuʼntse à?
Ke zʼa naʼ nziʼde, a ywimdʼé neso neta num ze bamntù mfà num Yaweh Nsi à?

Siañ Esaya 41:10, 13, mbèn mbùnde yen bètte li:

Numke o nkuʼni nebe ke magde mbʼoaʼ dunde nkaʼni o ghù Yaweh Nsi ntùm leʼde lʼà?

7. Nèn mbwe nenyàmde nkôni Yaweh Nsi ghù mfà num o là

Oaʼ be nèn mbwe nesiañde nu mfà num nkôni Yaweh Nsi ghù mfà num o là, o bèn nyàmdʼé neshu mbèn ndiag neghamdʼé matmat. Siañ Yobkwi 40:5, mbèn mbùnde yen bètte li:

Tsit mbotni tsʼa fe Yaweh Nsi là bèn nke mbwô o neshu à?

Ngatshob ntshob ndamnjù Yérémia naʼ nke nkô Yaweh Nsi, mba ntshob mi neshu, mbèn nke nyàmde nkuʼni a ghù neket lén se là. A naʼ tshob mbe: “Ntshob mu be mfà tsiañde ntù àm, bo nkôni yàme. Nummbe bo be ntsiañ àm lén so me [Yaweh Nsi], Nsi tàndà ntsho.” (Yérémia 15:16) Bùnde tshen mbètte li: