LECCION 47
Preparao Ya Ba Tu Para Bautiza?
Ya puede tu aprende manada cosas acerca con Jehova por medio del de tuyu estudiada del Biblia. Posible, ya hace tu cuanto maga cambio para aplica con el cosa tu ya aprende. Pero, baka tiene cosa ta sangga contigo para dedica con el de tuyu vida con Jehova y bautiza. Este leccion hay discuti con el cuanto cosas que posible sangga contigo para bautiza y si paquemodo tu puede enfrenta con ese.
1. Paquemodo de manada tu necesita sabe antes tu puede bautiza?
Para puede bautiza, necesita tu obtene con el “completo conocimiento del verdad.” (1 Timoteo 2:4) Gendeh se quierre decir que necesita tu sabe el contestacion na todo pregunta acerca na Biblia. Maskin el maga Cristiano quien bautizao ya por largo tiempo ta continua siempre aprende. (Colosa 1:9, 10) Pero, necesita tu sabe el maga importante enseñanza del Biblia. El maga anciano na congregacion hay ayuda contigo para determina si bastante ya el cosa tu sabe.
2. Cosa el cuanto maga cosas que necesita tu hace antes bautiza?
Antes tu puede bautiza, debe tu “arripinti . . . y cambia.” (Le con el Maga Actividad 3:19.) Este quierre decir que triste gayot tu na cosa tu ya hace que gendeh justo y ta pidi tu con Jehova que perdona contigo. Determinao tambien tu que evita con el maga mal conducta y vivi na manera que ta hace alegre con Dios. Mas pa, ta principia ya tambien tu atende maga miting y ta predica junto na congregacion como unbaptized publisher.
3. Porque gendeh tu debe deja con el miedo que sangga contigo?
El cuanto tiene miedo cay baka gendeh sila puede hace el cosa sila ya promete con Jehova. Deverasan que tiene vez hay hace tu maga kamali igual na maga fiel hombre y mujer que ya menciona na Biblia. Pero, gendeh si Jehova ta expecta perfeccion na de suyu maga siervo. (Le con el Salmo 103:13, 14.) Alegre le si ta hace tu el todo que puede tu hace! Hay ayuda le contigo. Gane, ta asigura kanaton si Jehova que nuay maskin cosa el “puede separta canaton na [de suyu] amor.”—Le con el Roma 8:38, 39.
APRENDE PA MAS
Mira si paquemodo tu puede enfrenta con el maskin cosa sanggadura na bautismo si mas ta conoce tu con Jehova y ta acepta con el de suyu ayuda.
4. Conoce pa mas con Jehova
Paquemodo tu debe de conoce con Jehova antes puede bautiza? Necesita tu tene bastante saber acerca con ele que ta causa contigo para ama y hace alegre con ele. Man play con el VIDEO para mira si paquemodo se ya hace aquellos quien ta estudia con el Biblia na entero mundo. Despues, discuti con el pregunta.
-
Na video, cosa el ya ayuda con el cuanto maga individual para queda preparao para na bautismo?
Le con el Roma 12:2 y despues, discuti con este maga pregunta:
-
Tan duda ba tu acerca na maga cosas que ta enseña el Biblia o si ta enseña ba gayot el maga Testigo de Jehova con el verdad?
-
Si ansina, cosa tu puede hace?
5. Enfrenta con el maga posible sanggadura
Si ta decidi kita que dedica con el diaton vida con Jehova y bautiza, ta tene kita maga probanza. Para mira un ejemplo, man play con el VIDEO y despues, discuti con el maga pregunta.
-
Na video, cosa maga sanggadura el necesita enfrenta si Narangerel para puede sirvi con Jehova?
-
Paquemodo el de suyu amor para con Jehova ya ayuda con ele para puede enfrenta con ese maga sanggadura?
Le con el Proverbio 29:25 y 2 Timoteo 1:7, NWT, y despues, discuti con este pregunta:
-
Cosa kanaton ta dale coraje para puede enfrenta con el maga sanggadura?
6. Confia na ayuda de Jehova
Si Jehova hay ayuda contigo para puede tu hace alegre con ele. Man play con el VIDEO y despues, discuti con el maga pregunta.
-
Na video, cosa el ya causa con el un persona quien tan Bible study para man alang-alang bautiza?
-
Cosa le ya aprende que ya puede ayuda con ele para hace fuerte el de suyu confianza con Jehova?
Le con el Isaias 41:10, 13 y despues, discuti con este pregunta:
-
Porque tu puede tene confianza que puede tu cumpli el promesa que hay hace tu na de tuyu dedicacion?
7. Hace hondo con el de tuyu apresacion na amor de Jehova
Si mas ta pensa tu acerca el amor de Jehova para contigo, hay mas quierre tu rindi gracias con ele y sirvi con ele hasta para cuando. Le con el Salmo 40:5 y despues, discuti con este pregunta:
-
Cosa maga bendicion estaba con Jehova el ta aprecia gayot tu?
Si profeta Jeremias ta ama con Jehova y con el de suyu palabra. Y ya aprecia gayot le con el privilegio que lleva con el nombre de Jehova. Ele ya habla: “El de tuyu palabra ya queda causa de alegria na de mio corazon, cay ta llama conmigo na de tuyu nombre, O Jehova.” (Jeremias 15:16) Contesta con este maga pregunta:
-
Porque un especial privilegio que queda uno del maga Testigo de Jehova?
-
Quierre ba tu queda un bautizao Testigo de Jehova?
-
Tiene ba cosa ta sangga contigo para hace se?
-
Ta mira tu, cosa tu necesita hace para puede bautiza?
EL CUANTO TA HABLA: “Tiene yo miedo cay baka gendeh yo puede cumpli con el todo de mio promesa si bautizao ya yo.”
-
Ansina ba tu ta sinti?
SUMARIO
Na ayuda de Jehova, puede tu enfrenta con el maskin cosa sanggadura na bautismo.
Repaso
-
Paquemodo de manada saber na Biblia tu debe tene para puede bautiza?
-
Cosa maga cambio tu posible necesita hace antes tu puede bautiza?
-
Porque gendeh tu debe deja con el miedo que sangga contigo?
SABE PA MAS
Considera si cosa debe el basejan na de tuyu decision para bautiza.
“Preparao Ya Ba Tu na Bautismo?” (El Torre de Guardia, Marzo 2020)
Aprende si paquemodo tu puede enfrenta con el maga especifico probanza que puede sangga contigo para bautiza.
“Cosa Conmigo Ta Sangga Para Bautiza?” (El Torre de Guardia, Marzo 2019)
Mira si paquemodo el un persona ya puede enfrenta con el cuanto maga grande probanza para puede bautiza.
Del primero, el un hombre que si Ataa tan alang-alang que bautiza. Mira si cosa el ya convinci con ele para hace este importante decision.
Baka Gusta Tambien Tu
MAGA COMON PREGUNTA
Cosa el Bible Study que Ta Ofrece el Maga Testigo de Jehova?
Na programa de Bible study que ta ofrece el maga Testigo de Jehova, puede tu usa maskin cosa translation de Biblia. Puede tu invita con el de tuyu entero familia o maskin quien amigo para man junto contigo.
