GONDO 47

Ina u lungekete ku bhabhatiswa?

TXHAYA

Ka gondo yako ya Bhiblia se u gondile to tala ngu Jehovha. Kutilava se u mahile kutxitxa ko kari ka wutomi wako kasi kuthumisa ati u ti gondako. Ti nga maha ku di ni to kari ati ti kuvhalelako kutiningetela ka Jehovha ni ku bhabhatiswa. Ka gondo yiya hi na wona timwani ati ti nga ku tsivelako ku u bhabhatiswa ni ku u nga ti xulisa kutxani.

1.Ina ti lava u ziva totshe ti ku mu ka Bhiblia kasiku u bhabhatiswa?

Ti to u bhabhatiswa ti lava “u ziva ditshuri.” (1 Timoti 2:4) Eto kha ti kuwombi to ti lava u ziva totshe tixamulo ta mu ka Bhiblia kasi ku u bhabhatiswa. Hambi wu se a ku ni malembe o tala a di bhabhatisilwe wa simama e gonda ngu Jehovha. (Vakolosa 1:9, 10) Kambe awe ti lava u ziva tigondo to khata ta mu ka Dipswi da Txizimu. Madhota ma na kuvhuna kuwona ti to ina wa ti pfisisa tigondo to khata kasi ku u bhabhatiswa mwendo khu se ti pfisisa.

2.Nji txani atxi u fanelako kumaha u si se bhabhatiswa?

U si se bhabhatiswa, kukhata ‘pandiseka mbiluni kwako . . . u txi hunduluka.’ (Lera Mithumo 3:19.) Eto ti womba kukombela divalelo ka Jehovha ni ku ti sola ka totshe to biha ati u nga ti maha u si se khata kugonda Bhiblia. U ti emisela kuhanya ngu kuya ngu kudhunda ka Txizimu ni ku u ti emisela kwambi maha totshe ati Jehovha a wombako to ti bihile. Timwani ti u fanelako kumaha ngu xalela mitshangano ni kutxhumayela kumweko ni dibanza.

3.Ngu kutxani u sa fanela kuthava ku bhabhatiswa?

Vamwani va thava ku kha va nambi sikota kumaha totshe ati va nga thembisa Jehovha. Ditshuri to mbimo yimwani u nga thuka u maha tiphazamo, hambi vavamna ni vavasikati vo thembeka va mu ka Bhiblia nivona va mahile tiphazamo. Kambe Jehovha kha emeli ti to malanda akwe me va o hetiseka. (Lera Masalmo 103:13, 14.) Ene wa tsaka ngutu ngako a txi kuwona u txi maha tatinene! Ni ku a thembisa kukuvhuna. Ngu ditshuri, Jehovha a thembisa ti to ni txa tximwetxo “kha txi na mbi sikota ku hi hambanisa ni lirando” lakwe.—Lera Varoma 8:38, 39.

ENGETELA WUZIVI WAKO

Kuziva kwati Jehovha ni kutumela txivhuno txakwe ti na hi vhuna kuxula txiduko tximwani ni tximwani atxi txi nga kutsivelako kubhabhatiswa.

4. M’zive kwati Jehovha

Tilava u m’ziva kuhokela hani Jehovha u si se bhabhatiswa? Ti lava u ziva Jehovha, u m’randa, ni kuengisa mkongomiso wakwe. Xalela VHIDHIYO kasi u wona to sigondyiani sa Bhiblia sa hamafuni kotshe si maha txani ti to si m’ziva kwati Jehovha. Mi gwita mi bhula ngu txiwotiso atxi txi londiselako.

VHIDHIYO: Mazambo aya vamwani va nga ma teka kasi ku ve bhabhatiswa (3:56)

Ngu kuya ngu vhidhiyo nji txani atxi txi nga vhuna vathu vamwani ti to ve ti lulamisela ku ya bhabhatiswa?

Lera Varoma 12:2, mi gwita mi bhula ngu siwotiso siya:

Ina wa kanakana ka ti Bhiblia yi ti wombako? Ina awe wa kanakana ti to Tifakazi ta Jehovha ti gondisa ditshuri?
U nga maha txani ngako u di ni kukanakana?

5. Xula txiduko tximwani ni tximwani atxi txi nga kutsivelako kubhabhatiswa

Hotshethu ha manana ni siduko mbimo yi hi mahako txisungo txo ningetela wutomi wathu ka Jehovha ni ku bhabhatiswa. Kasi ku u wona txikombiso, xalela VHIDHIYO, mi gwita mi bhula ngu siwotiso asi si londiselako.

VHIDHIYO: Kuranda Jehovha ti hi maha hi xula sikarato (5:22)

Ngu kuya ngu vhidhiyo, ngu sihi sikarato asi Narangerel a nga si xula kasi ku e thumela Jehovha?
Lirando ali a ku nalo li m’vhunisile kutxani ti to e xula sikarato?

Lera Mavingu 29:25 ni 2 Timoti 1:7, mi gwita mi bhula ngu txiwotiso txiya:

Nji txani txi hi ningako txibindi kasi ku hi kota kuxula sikarato?

6. Themba txivhuno txa Jehovha

Jehovha a na kuvhuna ti to u m’tsakisa. Xalela VHIDHIYO, mi gwita mi bhula ngu siwotiso asi si londiselako.

VHIDHIYO: Jehovha a na kuvhuna (2:50)

Ngu kuya ngu vhidhiyo, nji txani txi nga ti tsivela txigondyiani txa Bhiblia ti to txi bhabhatiswa?
Nji txani txi nga tsanisa themba ya txona ka Jehovha?

Lera Isaya 41:10, 13, mi gwita mi bhula ngu txiwotiso txiya:

Ngako u txi tiningetela ka Jehovha, nji txani txi ku tsanisekisako ti to totshe ati u nga m’thembisa u na ti hetisisa?

7. Simama u kombisa kubonga lirando ali Jehovha a ku kombako lona

Kualakanyisisa ngu lirando ali Jehovha a ku kombako lona ti na kuvhuna ku u simama u kukombisa kubonga ni kusimama u m’thumela ngu ha ku si gumiko. Lera Masalmo 40:5, mi gwita mi bhula ngu txiwotiso txiya:

Ngu yahi makatekwa a Jehovha i ku o sawuleka ngutu kwako?

Mprofeti Jeremiya a txi m’randa ngutu Jehovha ni Dipswi dakwe ni ku a txi ninga ngutu lisima lungelo yo m’thumela. Ene a wombile tiya: “Timhaka tako ni ti mani, ngu tona i nga ti ti sakudya kwangu; tona i ti ti litsako ni kuzilimuka ka mbilu yangu, nguko ni dhanwa ngu ditina dako, awe MKOMA, Txizimu.” (Jeremiya 15:16) Xamula siwotiso siya: