CAWN DINGMI 47
Tipil In Awkah Timhcia Na Si Cang Maw?
Baibal na hlathlai caah Jehovah kong kha tampi na hngalh cang. Cun na hngalhmi ningin zulh awkah thlennak cheukhat zong na tuah ko lai. Asinain Jehovah sinah i pumpek awk le tipil in awkah timhcia ka si rih lo tiah na ruah men lai. Hi cawn dingmi ah tipil in awkah dawnkhantu thil cheukhat zeitindah na tei khawh timi kong kan i ruah hna lai.
1. Tipil na in hlanah zeitlukin dah na hngalh a hau?
Tipil in awkah a hmaanmi ‘biatak kha na hngalh’ a hau. (1 Timote 2:4) Asinain tipil na in hlanah Baibal biahalnak kip kha na hngalh a hau tinak a si lo. Tipil an innak kum saupi a si cangmi Khrihfa hna hmanh nih an hlathlai peng rih. (Kolose 1:9, 10) Asinain a hrampi Baibal cawnpiaknak tu cu na hngalh a hau. Khrihfa upa pawl nih hngalhnak a za in na ngei maw, ngei lo ti kha hngalh awkah an in bawmh lai.
2. Tipil na in hlanah na hlan dingmi kehlan cheukhat cu zei hna dah an si?
Tipil na in hlanah ‘naa ngaihchih i Pathian lei ah naa mer’ a hau. (Lamkaltu 3:19 rel.) A sullam cu na tuahmi sualnak caah lungtak tein i ngaichih law Jehovah sinah aan ngaihthiam nakhnga bawmhnak hal tinak a si. Cun a ṭhalomi ziaza hna kha hlawt in Pathian lung a lawmhtermi lam ningin nun awkah bia na khiah zong a hau. Mah lengah Khrihfabu pumhnak ah i pumh le Khrihfabu he phungchim kalṭi zong a hau.
3. Zeicah ṭihnak kha dawnkhantu na siter awk a si lo?
Mi cheukhat nih Jehovah sinah bia an i kammi ningin kan tuah kho lai lo ti an phang. Baibal ah langhtermi zumhfekmi nu le pa hna hmanh nih palhnak an rak tuah caah nang zong na tuah khawh ve men. Asinain Jehovah nih amah a biami hna sinin tlinnak kha aa ruahchan lo. (Salm 103:13, 14 rel.) Na si khawh chungin naa zuammi kha Jehovah nih a duh i aan bawmh lai. Jehovah nih “[amah] dawtnak he a kan ṭhen khotu ding” zeihmanh a um lo ti zongin aamah a khaan.—Rom 8:38, 39 rel..
TAM DEUH IN HLATHLAI
Jehovah kong ṭha deuh in na hngalhnak thawngin le a bawmhnak na cohlannak thawngin tipil in awkah aan dawnkhantu thil zeitindah na tei khawh timi kong kha hlathlai.
4. Jehovah kong kha ṭha deuh in hngalh awkah i zuam
Tipil na in hlanah Jehovah kong kha zeitlukin dah na hngalh a hau? Amah dawt le a lunglawmhter duhnak lungthin na ngeih tiang na hngalh a hau. Vawleicung pumpi ah Baibal a cawngmi hna nih cutin zeitindah an tuah timi kong hngalh awkah, VIDEO kha piah. Cun a tanglei biahalnak hi i ruah u.
-
Mah video ah tipil in awkah timhcia an si nakhnga mi cheukhat kha zeinihdah a bawmh hna?
Rom 12:2 rel law mah biahalnak hna hi i ruah u:
-
Baibal cawnpiaknak asiloah Jehovah Tehte Hna nih an in cawnpiakmi cu biatak a si hnga maw tiah lunghrinnak na ngei maw?
-
Na ngeih ahcun mah kong he aa tlaiin zeidah na tuah khawh?
5. Tipil in awkah dawnkhantu a simi thil hna kha tei i zuam
Jehovah sinah i pumpek dingin le tipil in dingin biakhiahnak kan tuah lioah kan dihlak in zuamcawhnak kan tong. Tahchunhnak pakhat zoh awkah, VIDEO kha piah, cun a tanglei biahalnak hna hi i ruah u.
-
Mah video ah Narangerel nih Jehovah biak awkah zei bantuk dawnkhantu thil hna dah a tei?
-
Jehovah a dawtnak nih mah dawnkhantu thil hna kha tei awkah zeitindah a bawmh?
Phungthlukbia 29:25 le 2 Timote 1:7 rel law mah biahalnak hi i ruah u:
-
Dawnkhantu thil hna tei awkah zeinihdah ralṭhatnak a kan ngeihter?
6. Jehovah nih aan bawmh lai ti kha zum
A lunglawmhter awkah Jehovah nih aan bawmh lai. VIDEO kha piah, cun a tanglei biahalnak hna hi i ruah u.
-
Mah video ah Baibal a cawngmi pakhat cu tipil in awkah zeicah aa cungcang?
-
A cawnmi kong nih Jehovah kha i bochan awkah zeitindah a bawmh?
Isaiah 41:10, 13 rel law mah biahalnak hi i ruah u:
-
Na pum naa pek lioah na tuahmi biakam kha ka tlinh lai tiah zeicah na zumh khawh?
7. Jehovah dawtnak cungah naa lawmhnak kha ṭhanter
Jehovah nih zeitlukin dah aan dawt ti kha na ruah ahcun a cungah naa lawm chin lai i a zungzal in amah biak kha na duh lai. Salm 40:5 rel law mah biahalnak hi i ruah u:
-
Jehovah sinin na hmuhmi zei laksawng cungah dah a hleiin naa lawmh?
Profet Jeremiah nih Jehovah le Jehovah bia kha a duh tuk i Jehovah min auhnak tinvo sung kha a sunsak tuk. Hitin a ti: “Na bia zei ah a rel lomi cu ka in hna a hau, na bia cu kei ka caah cun lawmhnak le thanuamnak a si; Zeicahtiah nangmah nih keimah cu na ta si awkah min na ka bunh cang, Maw BAWIPA, Ralkapbu Pathian.” (Jeremiah 15:16) Mah biahalnak hi phi:
-
Jehovah Tehte pakhat si cu zeicah tinvo sung taktak a si?
-
Jehovah Tehte pakhat in tipil in na duh maw?
-
Cutin tuah awkah aan dawnkhantu thil pakhatkhat a um maw?
-
Tipil in ding timi hmuitinh phanh awkah zeidah ka tuah a hau tiah na ruah?.
MI CHEUKHAT CHIMMI: “Tipil ka in hnuah ka biakam ningin ka tuah kho lai lo ti ka phang.”
-
Nangtah cutin na ruat ve maw?
A TAWINAK
Jehovah bawmhnak thawngin tipil in awkah aan dawnkhantu zei thil paoh kha na tei khawh.
I Ruahṭi Ṭhannak
-
Tipil na in hlanah Baibal kong kha zeitlukin dah na hngalh a hau?
-
Tipil na in hlanah zei bantuk thlennak hna dah na tuah a hau kho men?
-
Ṭihnak kha zeicah dawnkhantu thil na siter awk a si lo?
HLATHLAI CHAP
Tipil in awkah biakhiahnak na tuahnak a biapi bikmi a ruang kha hlathlai.
“Tipil In Ding In Timhcia Na Si Cang Maw?” (2020, March, Vennak Innsang)
Na ton khawhmi zuamcawhnak hna tei khawh ning kong kha hlathlai.
“Tipil In Awkah Zeinihdah A Ka Dawnh?” (2019, March, Vennak Innsang)
Pa pakhat nih tipil in awkah a bik in dawnkhantu a simi thil cheukhat a tei khawh ning kong kha hlathlai.
A hmasa ah Ataa timi pa cu tipil in awkah aa cungcang. Asinain tipil in awkah zeinihdah a bawmh timi kong kha zoh.
Mah Kong Hna Zong Hi Na Duh Khawh Men
ATU LE ATU AN HALMI BIAHALNAK
Jehovah Tehte Hna Tuahmi Baibal Cawnnak Program Cu Zeidah A Si?
Jehovah Tehte Hna nih man loin an tuahmi Baibal kong i ruahceihṭinak program ah zei bantuk Baibal lehnak paoh kha na hman khawh. Na chungkhar dihlak asiloah na hawile ahopaoh nangmah he cawn dingin na sawm khawh hna.
