ADZESUA 47
Ana Ayɛ Krado Dɛ Ibonuma?
Bible a ehyɛɛ ase dɛ irusua no ama ehu Jehovah ho adze pii. Bi a iyi ama ayɛ nsakyer pii wɔ w’abrabɔ mu. Naaso bi a biribi ntsi, erotwentweɔn w’ananadze dɛ ibehyira wo nkwa do ama Jehovah na woeenuma wo. Adzesua asɛm yi bɔboa wo ma eehu siantsir a wɔayɛ dzen ama binom dɛ wobonuma, nye dza ibotum ayɛ afa dɛm ndzɛmba no ho.
1. Nyimdzee dodow ahen na ɔsɛ dɛ inya ansaana etum enuma?
Ɔsɛ dɛ inya “nokwar no ho nyimdzee a odzi mu” ansaana etum enuma. (1 Timothy 2:4, NWT) Iyi nnkyerɛ dɛ ɔsɛ dɛ itum yi Bible mu asɛmbisa biara ano ansaana woenuma wo. Christianfo a wonumae akyɛr no mpo, ɔwɔ dɛ wɔkɔ do ara sua adze. (Colossaefo 1:9, 10) Naaso ohia dɛ etse nkyerɛkyerɛ etsitsir a ɔwɔ Bible mu no ase. Nyimdzee a ɔfata dɛ inya ama eetum enuma no, asafo mu mpanyimfo no bɔhwɛ dɛ ewɔ bi anaa.
2. Ebɛn ndzɛmba na ɔsɛ dɛ eyɛ ansaana etum enuma?
Ansaana ibotum enuma no, ɔwɔ dɛ ‘inu woho, na edan woho.’ (Kenkan Asomafo Ndwuma 3:19.) Iyi kyerɛ dɛ, ɔwɔ dɛ inu woho wɔ bɔn biara a ayɛ no ho, na eserɛ Jehovah dɛ ɔmfa wo bɔn nkyɛ wo. Afei so, ɔwɔ dɛ isi wo bo dɛ erennyɛ adze biara a Nyankopɔn mmpɛ, na ebɔbɔ wo bra dɛ mbrɛ ɔpɛ. Bio so, ɔsɛ dɛ ekɔ asafo nhyiamu na enye asafo no bɔ mu yɛ asɛnka edwuma no.
3. Ebɛnadze ntsi na ɔnnsɛ dɛ isuro enuma?
Binom wɔ hɔ a, wosuro dɛ annhwɛ a na woeenntum enndzi bɔ a wɔdze ahyɛ Jehovah no do. Ɔyɛ nokwar, ɔtɔ da a ibedzi mfomdo, naaso sɛ ɔba no dɛm a, mma mma w’abaw mu mmbu. Mbarimba na mbaa anokwafo a hɔnho asɛm wɔ Bible mu no, hɔn so wɔfomee. Jehovah nnhwɛ kwan dɛ n’asomfo bɛyɛ hɔn adze pɛpɛɛpɛr, osiandɛ onyim dɛ bɔn wɔ hɛn ho. (Kenkan Ndwom 103:13, 14.) Sɛ ohu dɛ dza ibotum nyinara na ereyɛ no a, n’enyi sɔ paa! Ɔbɔboa wo atse. Jehovah ama hɛn awerɛhyɛmu dɛ, ɔremma biribiara ‘nntsew hɛn mmfi ɔdɔ a ɔwɔ ma hɛn no ho.’—Kenkan Romefo 8:38, 39.
PƐNSAPƐNSA MU KƆ EKYIR
Sɛ ihu Jehovah yie, na ema ɔboa wo a, ɔbɛma eyi biribiara a obotum ama wɔaayɛ dzen ama wo dɛ ibonuma no akwa. Ma yɛnhwɛ iyi ho asɛm.
4. Hu Jehovah yie
Jehovah ho nyimdzee dodow ahen na ɔsɛ dɛ inya ansaana etum enuma? Ɔsɛ dɛ ihu no yie ama eetum adɔ no. Ɔno bɛma enya ɔpɛ dɛ ebɛyɛ dza ɔpɛ. Dɛm pɛpɛɛpɛ na Bible esuafo pii a wɔwɔ wiadze nyina no ayɛ. Ma yɛnhwɛ VIDEO yi, na yebohu kwan a wɔfaa do yɛɛ dɛm. Yewie a, yebosusu asɛmbisa a odzi do no ho.
-
Wɔ video no mu no, ebɛnadze na ɔboaa binom ma wotumii numae?
Ma yɛnkenkan Romefo 12:2, na yensusu nsɛmbisa yi ho:
-
Ana egye dzi paa dɛ dza irusua fi Bible no mu anaadɛ dza Jehovah Adasefo rekyerɛkyerɛ wo no yɛ nokwar? Anaa ɔyɛ a, w’adwen yɛ wo ebien ebien?
-
Sɛ w’adwen yɛ wo ebien ebien a, ebɛnadze na ibotum ayɛ afa ho?
5. Dzi ndzɛmba a obotum ama wɔaayɛ dzen ama wo dɛ ibonuma no do
Sɛ yesi gyinae dɛ yebehyira hɛnho do ama Jehovah na yeenuma a, yebehyia ɔhaw ahorow pii. Ɔwodze, ma yɛnhwɛ VIDEO yi, na yebohu iyi ho nhwɛdo. Yɛhwɛ video no wie a, yebosusu nsɛmbisa a odzidzi do no ho.
-
Wɔ video no mu no, nna ɔsɛ dɛ Narangerel dzi ndzɛmba bi a osiw no kwan no do ama oeetum asom Jehovah. Nna ɔyɛ ebɛn ndzɛmba?
-
Ebɛn kwan do na ɔdɔ a ɔwɔ ma Jehovah no boaa no ma odzii ndzɛmba a nna osiw no kwan no do?
Ma yɛnkenkan Mbɛbusɛm 29:25 na 2 Timothy 1:7, na yensusu asɛmbisa yi ho:
-
Ebɛnadze na ɔma yenya akokodur dze dzi ndzɛmba a osiw hɛn kwan no do?
6. Nya awerɛhyɛmu dɛ Jehovah bɔboa wo
Jehovah bɔboa wo ma aayɛ dza ɔpɛ. Ma yɛnhwɛ VIDEO yi, na yensusu nsɛmbisa a odzidzi do no ho.
-
Wɔ video no mu no, nna ebɛnadze ntsi na ɔyɛ dzen ma Bible suanyi no dɛ obonuma?
-
Ohun biribi a ɔboaa no ma onyaa Jehovah mu awerɛhyɛmu paa. Ɔyɛ ebɛnadze?
Ma yɛnkenkan Isaiah 41:10, 13, na yensusu asɛmbisa yi ho:
-
Sɛ ebɔ anohoba dɛ ebɔsom Jehovah a, ebɛnadze ntsi na ɔsɛ dɛ inya awerɛhyɛmu dɛ ibotum edzi do?
7. Kyerɛ ɔdɔ a Jehovah ada no edzi akyerɛ wo no ho enyisɔ kɛse
Sɛ edwendwen ɔdɔ a Jehovah wɔ ma wo no ho da biara a, ɔbɛma enyisɔ a ewɔ ma no no ayɛ kɛse, na ebɛpɛ dɛ esom no daa. Ma yɛnkenkan Ndwom 40:5, na yensusu asɛmbisa yi ho:
-
Nhyira ahorow a Jehovah dze ama wo no, no mu hendze na w’enyi sɔ paa?
Nna nkɔnhyɛnyi Jeremiah dɔ Jehovah paa, na oenndzi Jehovah n’asɛm ho agor. Afei so, nna ɔyɛ no dɛw paa dɛ Jehovah ne dzin da no do. Ɔkaa dɛ: “Wo nsɛm yɛɛ me enyigye na m’akoma n’ehurusi: osiandɛ, wo dzin na wɔdze frɛ me, Ao . . . [Jehovah] Nyankopɔn.” (Jeremiah 15:16, Baebor) Yiyi nsɛmbisa a odzidzi do yi ano:
-
Ebɛnadze ntsi na ɔyɛ ho kwan kɛse paa dɛ obi bɛyɛ Jehovah Dasefo?
-
Epɛ dɛ wonuma wo ma ebɛyɛ Jehovah Dasefo?
-
Ana biribi siw wo kwan dɛ ebɛyɛ dɛm?
-
Ehwɛ a, ebɛnadze na ɔsɛ dɛ eyɛ ama eetum enuma?
BINOM KA DƐ: “Musuro dɛ sɛ munuma a, annhwɛ a ekyir yi mebɛyɛ biribi ma Jehovah ne nsa eesi famu.”
-
Aso dɛmara na etse nka?
DZA ESUA
Jehovah bɔboa wo ma eedzi adze biara a obotum ama wɔaayɛ dzen ama wo dɛ ibonuma no do.
Mbobɔdo
-
Bible mu nyimdzee dodow ahen na ɔsɛ dɛ inya ansaana etum enuma?
-
Ebɛn nsakyer na ohia dɛ eyɛ ansaana etum enuma?
-
Ebɛnadze ntsi na ɔnnsɛ dɛ isuro dɛ ibonuma?
HWEHWƐ PII KA HO
Kenkan asɛm yi, na ibohu siantsir paa ntsi a ɔsɛ dɛ isi gyinae dɛ ibonuma.
Kenkan asɛm yi, na ibohu ndzɛmba pɔtsee bi a obotum ama wɔaayɛ dzen ama wo dɛ ibonuma, nye kwan a ibotum afa do edzi do.
“Ebɛnadze Na Osiw M’enuma Ho Kwan?” (Ɔweɔn-Aban, March 2019)
Hwɛ adze a ɔboaa owura bi ma otumii dzii ndzɛmba a nna osiw no kwan wɔ enuma ho no do ma otumii numae.
Nna ɔyɛ dzen ma papa bi a wɔfrɛ no Ataa dɛ obesi gyinae na oeenuma. Hwɛ video yi, na ibohu adze a ɔboaa no ma onumae.
Bi A W'enyi Bɛgye Iyi So Ho
NSƐM A WƆTAA BISA
Ebɛnadze Nye Bible Adzesua A Jehovah Adasefo Nye Nkorɔfo Yɛ No?
Wɔ dɛm Bible adzesua a Jehovah Adasefo nye nkorɔfo yɛ yi mu no, ibotum dze Bible nkyerɛase biara a ewɔ no esũa adze. Ibotum afrɛ w’ebusuafo anaa w’anyɛnkofo binom mpo ma wɔaabɛka woho ma hom eesũa.
