LÈSON 47
Ès ou paré pou pran lèbatèm ?
Grasa étid a-w, ou aprann onlo biten asi Jéova. É sèten ou fè onlo chanjman an vi a-w pou fè-y plézi. Men pétèt ni on ti biten ki ka anpéché-w ba Jéova vi a-w é pran lèbatèm. Lèson-lasa ka palé dè déotwa difikilté moun ka jwenn pou yo pran lèbatèm, é i ka èspliké osi kijan nou pé rivé about a yo.
1. Ès ou oblijé konnèt tout Bib-la avan ou pran lèbatèm ?
Avan ou pran lèbatèm, fò ou ni « on konésans ègzak a lavérité » (1 Timoté 2:4). Ès sa vlé di kè fò ou kapab réponn a tout kèsyon yo té’é pé pozé-w asi Labib ? Awa ! Jis sé krétyen-la ki batizé dépi lontan la ka kontinyé étidyé Labib (Kolosyen 1:9, 10). Men fò ou konprann sé vérité enpòwtan la ki an Bib-la. Si ou ni lenprésyon ou pa ni asé konésans, ou pé palé sa èvè sé ansyen-la.
2. Ki biten ou dwèt fè avan ou pran batèm ?
Avan ou pran batèm, fò ou ‘rèpanti-w é fò ou viré owa Bondyé’ (li Akt 3:19). Sa vlé di kè an fon a tchè a-w, ou ka règrété sé péché-la ou fè la, é kè ou ka mandé Jéova padon. Sa vlé di osi kè ou ka rèfizé fè sa i pa enmé, é kè ou byen désidé a fè sa ki ka fè-y plézi adan vi a-w. É anplisdisa, fò ou ay réinyon, é fò ou préché èvè lasanblé lokal la.
3. Poukwa fò pa ou lésé lafrous pran lanmen asi-w ?
Ni dé moun ki pè pwomèt Jéova kè yo ké sèvi-y, pas yo pa sav si yo ké rivé tchenn a mo a yo. Sé vré, délè ou ké fè érè. Dayè, an Bib-la, yo ka palé dè madanm é misyé ki té ka sèvi Bondyé é ki fè érè osi. Sonjé kè Jéova pa’a mandé sèwvitè a-y aji on mannyè ki pawfè (li Sòm 103:13, 14). Pou Jéova, sa ki pli enpòwtan, sé kè ou kontinyé fè tousa ou pé. É i ké édé-w ! Labib ka pwomèt-nou kè ayen « pé’é pé séparé-nou dè lanmou-la Bondyé ni pou nou la » (li Women 8:38, 39).
AN-NOU FOUYÉ PI FON
Si nou aprann konnèt Jéova é si nou dakò pou i édé-nou, nou ké rivé about a tout difikilté ki té’é pé anpéché-nou pran batèm. An-nou vwè kijan.
4. Aprann konnèt Jéova pibyen
Ki kantité enfòwmasyon fò ou ni asi Jéova avan ou pran batèm ? Fò kantité konésans-la ou ni la pousé-w enmé-y é fò sa ba-w anvi fè-y plézi. Ni moun ki ka étidyé Labib toupatou si latè ki rivé fè sa. Gadé VIDÉO-la pou vwè kijan yo fè. Aprésa, fè on ti kozé asi kèsyon-la ki ka vin la.
-
Adan vidéo-la, ka ki édé sèwten frè é sè préparé-yo pou yo té pran batèm ?
Li Women 12:2 é fè on ti kozé asi sé kèsyon-lasa :
-
Ès ou ni dimal a kwè kè sa ki maké adan Labib sé vérité ? Oben ès ou ka mandé-w si sa sé Témwen a Jéova la ka anségné la sé vérité ?
-
Si sé ka a-w, ka ou pé fè ?
5. Pa lésé pon difikilté frenné-w
Souvantfwa, lè nou ka désidé ba Jéova vi an nou é pran lèbatèm, nou ka jwenn difikilté. Si ou vlé vwè on ègzanp, gadé VIDÉO-la. Aprésa, fè on ti kozé asi sé kèsyon-la ki ka vin la.
-
Ki difikilté Narangerel jwenn avan i té pran lèbatèm ?
-
Konm i té enmé Jéova, i pa lésé pon difikilté frenné-y. Kijansa ?
Li Pwovèb 29:25 é 2 Timoté 1:7, é fè on ti kozé asi kèsyon-lasa :
-
Ola nou ka pran fòs pou nou rivé about a difikilté nou ka jwenn ?
6. Lésé Jéova édé-w
Jéova ké édé-w fè sa i enmé. Gadé VIDÉO-la é fè on ti kozé asi sé kèsyon-la ki ka vin la.
-
Adan vidéo-la, poukwa étidyan-la té ka ézité pran lèbatèm ?
-
Ka ki édé-y ni plis konfyans adan Jéova ?
Li Izayi 41:10, 13 é fè on ti kozé asi kèsyon-lasa :
-
Lè ou ké pran batèm, ou ké fè Jéova on pwomès. Poukwa ou pé sèten ou ké pé tchenn pwomès-lasa ?
7. Jéova enmé-w fò. Chèché a ni plis rèkonésans pou-y
Jéova enmé-w fò toubònman ! Pi ou ké réfléchi asi sa, pi ou ké ni rèkonésans pou-y é pi ou ké anvi sèvi-y pou touttan. Li Sòm 40:5 é fè on ti kozé asi kèsyon-lasa :
-
Pawmi tout bénédisyon a Jéova, ès ni déotwa ou ka aprésyé onlo ? Kilès la ?
Pwofèt Jérémi té enmé Jéova, é i té enmé pawòl a-y. Anplisdisa, i té ni onlo rèkonésans pou-y padavwa i té ka pòté non a-y. Mi sa i di : « Pawòl a-w plen tchè an mwen èvè onlo jwa, pas sé non a-w an ka pòté, o Jéova » (Jérémi 15:16). Fè on ti kozé asi sé kèsyon-lasa :
-
Lè on moun Témwen a Jéova, sé on gran lonnè. Poukwa sa ?
-
Ès ou vlé pran batèm pou vin Témwen a Jéova ?
-
Ès ni on biten ki ka frenné-w ?
-
Sèlon vou, ka ou ni a fè pou ou rivé pran lèbatèm ?
MI SA MOUN KA DI : « An byen anvi batizé, men an vé pa fè Bondyé on pwomès pou mwen pa tchenbé-y. »
-
Ès sé sa ou ka rèsanti osi ?
ON TI RÉZIMÉ
Grasa Jéova, ou pé rivé about a tout difikilté ki ka anpéché-w pran lèbatèm.
Ka ou woutyenn
-
Ès ou oblijé konnèt tout Bib-la avan ou pran lèbatèm ?
-
Pétèt ou ni déotwa chanjman a fè avan ou pran batèm. Kilès ?
-
Poukwa fò pa ou lésé lafrous pran lanmen asi-w ?
AY GADÉ SA OSI
Ka ki dwètèt pousé-w pran lèbatèm ?
Ni sèwten difikilté ki pé anpéché-nou pran lèbatèm. Kijan nou pé rivé about a yo ?
« Ka ki ka anpéché-mwen pran batèm ? » (Tou dè Gad a maws 2019)
On misyé jwenn gwo difikilté pou i té pran lèbatèm. Ki difikilté ésa ?
On misyé non a-y sé Ataa té pè pran lèbatèm. Gadé ka ki édé-y.
Ay gadé sa osi...
KÈSYON ONLO MOUN KA POZÉ-YO
Sé lèson biblik la Témwen a Jéova ka pwopozé : kijan sa ka pasé ?
Sé lèson-la gratui é ou ka pé fè bèl ti kozé èvè Témwen a Jéova ; ou pé sèvi èvè pwòp Bib a-w é ou pé envité fanmi a-w oben zanmi a-w suiv étid-la èvè-w.
