THUTO 47
A wa Chi Lulwamila ku Dubikiwa?
Mu thuto iyo ye Baibili wa zwidiya zwithu zwinjinji ne kwa Jehova. Kakale wa ka fanila wa shandula buchilo gugo, ku lakidza dumbu kuti u no shingisa cha wa ka zwidiya. Ngono, pangwe ku na chingwe chi no thama kuti u si zwipe mu na Jehova ne ku dubikiwa. Mu thuto iyeyi towo lebesana ne kwe zwithu zwingwe zwi nga dzibila nthu ku dubikiwa kakale ne kuti u nga mililana nazo chini.
1. Wa ka fanila ku be ne luzibo gu ngapani kuti u dubikiwe?
Kuti u dubikiwe, wa ka fanila ku be ne “luzibo gwe malebeswa.” (1 Timoti 2:4) A ku to dwa kuti wa ka fanila ku be ne dabilo ye buzo ingwe ne ingwe ye Baibili kuti u dubikiwe. Ne Bakirisiti ba ka dubikiwa ntolo ba no dwilila be zwidiya. (Bakolosa 1:9, 10) Ngono wa ka fanila ku hwisisa zwidiyo zwe ntewo zwe Baibili. Bakugwana mu gubungano ba nowo ku batsha ku bona kuti a u na luzibo gwa ka lizanila.
2. I zwithu zwipi zwa wa ka fanila thama u sathu u ka dubikiwa?
Ha u sathu u ka dubikiwa, wa ka fanila ku ‘shanduka ubgwilile ku Ndzimu.’ (Bala Mishingo 3:19.) Ichecho cho dwa kuti u no zwibona nlandu dumbu ne kwe zwibi zwa wa ka thama, ngono u be u kumbila Jehova kuti a ku zwibatigwe. Kakale u no zwimisila ku lamba chi sa ka lulwama mu mesho e Ndzimu, ne ku chila ne zila i no nshathisa. Pezhugwi kwa ikoko, u no tangisa ku be ne chiabe mu zwidiyo zwe gubungano ne ku rera uli nreri u sathu a ka dubikiwa.
3. Ini u sa ka fanila ku lechedzela kuti ku cha ku ku dzibile?
Bangwe ba no cha kuti ha ba nga khone ku thama cha ba ka thembesa Jehova. Dumbu, mu zwingwe zwibaka to thama dziphoso, koga se balume ne bakadzi ba ka be be thembeka ba kwa ka kwagwa ne kwabo mu Baibili. Ngono Jehova haazo lingilila kuti ba no nnamata ba zwilizanile. (Bala Pisalema 103:13, 14.) U no shatha ha u thama kose kwa u nga khona! U nowo ku batsha. Dumbu, Jehova u no ti thembesa kuti “akuna tjingatithubukanya ne ludo gugwe.”—Bala Baroma 8:38, 39.
ZWIDIYE KWA KA NGINILILA
Bona se kwa ku ziba Jehova butuka ne ku amuchila batsho iye ku nga ku batsha ku mililana ne zose zwi nga ku dzibila ku dubikiwa.
4. Ziba Jehova kwa ka paphidzika
Wa ka fanila ku ziba Jehova zwibuyanana ku ngapani u sathu u ka dubikiwa? Wa ka fanila ku nziba zwibuyanana kuti u khone ku nda ne ku shaka ku nshathisa. Zana VIDIYO ku bona kuti ba no zwidiya Baibili mu shango yose ba ka thama ichecho chini. Ku dwa ipapo mu be mu lebesana ne kwe buzo i no tobela.
-
Mu vidiyo, ini cha ka batsha bangwe ku zwibaakanyila ku dubikiwa?
Bala Baroma 12:2, mu be mu lebesana ne kwe buzo dzi no tobela:
-
A kuna chingwe chi no diyiwa ne Baibili cha u no bilaela, kene kuti a Bafakazi ba Jehova ba no diya malebeswa?
-
Ha kwa ka jalo, wa ka fanila ku thamani?
5. Mililana ne zwithu zwingwe zwi nga ku dzibila ku dubikiwa
To lingisana ne mathatha ha ti shalula ku zwipa mu na Jehova ne ku dubikiwa. Ku bona chilakidzilo, zana VIDIYO, mu be mu lebesana ne kwe buzo dzi no tobela.
-
Mu vidiyo, Narangerel wa ka be a ka fanila ku mililana ne zwithu zwipi zwa ka be zwi ndzibila ku shingila Jehova?
-
Ludo gugwe mu na Jehova gwa ka mbatsha chini ku mililana ne zwa ka be zwi ndzibila?
Bala Zwiani 29:25 na 2 Timoti 1:7, mu be mu lebesana ne kwe buzo i no tobela:
-
Ini chi no ti pa chibindi ku lingisana ne zwithu zwi no ti dzibila?
6. Themba batsho ya Jehova
Jehova u nowo ku batsha kuti u nshathise. Zana VIDIYO, mu be mu lebesana ne kwe buzo dzi no tobela.
-
Mu vidiyo, ini cha ka dzibila u no zwidiya Baibili ku dubikiwa?
-
Ini cha a ka zwidiya cha ka mbatsha kuti a simise thembo iye mu na Jehova?
Bala Izaya 41:10, 13, mu be mu lebesana ne kwe buzo i no tobela:
-
Ini wa ka fanila ku dumila kuti u nga shingikadza thembeso iyo ye ku zwipa mu Ndzimu?
7. Paphidza ku bokela kuko ludo gwa Jehova
Ha u kumbula kwa ka paphidzika ne se kwa Jehova a no ku da, ichecho chowo thama kuti u dwilile u mboka kakale u nowo shaka ku nshingila cha chose. Bala Pisalema 40:5, mu be mu lebesana ne kwe buzo i no tobela:
-
I zwithu zwipi zwa wa ka thamigwa na Jehova zwa u no bokela kwazo?
Mporofiti Jeremiya wa ka be e da Jehova ne dama lile, kakale wa ka be e bokela kuti wa ka senga zina la Jehova. Wa kati: “Ndakati ndiwana matama enyu aaja, kashathisa moyo wangu, ngoti ndodang’wa nge zina lenyu, imwi Yahwe Ndzimu.” (Jeremiya 15:16) Dabila buzo dzi no tobela:
-
Ini ku be nngwe we Bafakazi ba Jehova ku tolegwa pezhugwi?
-
A u no shaka ku dubikiwa kuti u be Nfakazi wa Jehova?
-
A kuna chingwe chi no thama kuti u si dubikiwe?
-
U no kumbula kuti ini cha wa ka fanila ku thama kuti u dubikiwe?
BATHU BANGWE BA KATI: “A nto bona kuti ndowo khona ku shingikadza cha ndi nowo thembesa ha ndi dubikiwa.”
-
A u no zwiwa ne zila ya ka jalo?
CHA WA ZWIDIYA
Jehova u nowo ku batsha ku mililana ne zose zwi nga ku dzibila ku dubikiwa.
U Nga Tini?
-
Wa ka fanila ku be ne luzibo gu ngapani gwe Baibili kuti u dubikiwe?
-
Wa ka fanila ku shandula zwithu zwipi mu buchilo gugo u sathu u ka dubikiwa?
-
Ini u sa ka fanila ku lechedzela kuti ku tshuga ku ku dzibile?
SHAKISISA
Bona libaka gu kulu gwa ka fanila ku thama kuti u shalule ku dubikiwa.
“A Wa ka Zwibaakanyila ku Dubikiwa?” (Thungamakole, March 2020)
Bona se kwa u nga mililana ne mathatha a nga ku dzibila.
“Ini chi nga ndi Dzibila ku Dubikiwa Kene?” (Thungamakole, March 2019)
Bona kuti nlume nngwe wa ka khona ku mililana chini ne zwithu zwingwe zwa ka be zwi ndzibila kwazo.
Gwe kutanga, nlume nngwe u no dangwa Ataa wa ka be e cha ku dubikiwa. Bona kuti ini cha ka mbatsha kuti a dubikiwe.
Kakale u Nga Shathila ku Bona
BUZO DZI NO BUZWIWA KANJINJI
Course ye ku Zwidiya Baibili i no Piwa ne Bafakazi ba Jehova Ndi Ipi?
U shingisa ndongoloso ye mahala ye ku zwidiya i no piwa ne Bafakazi ba Jehova, u nga shingisa Baibili ingwe ne ingwe. Sungunuka ku laletsa be nsha uwo kene bakhwinya babo.
