47-ҶІ УРОК
Кіреске тӱзерге тимдезер бе?
Библия ӱгренчеткен туста сірер Иеговадаңар кӧп ниме піліп алғазар. Ол пілістернің хайзынаң-да чуртаста тузаланча поларзар. Че сірер чуртазыңарны Иеговаа пирібізерге паза кіреске тӱзерге ам даа тідінминчезер, арса. Пу урокта кізее кіреске тӱзерге ниме удаа харығ полчатханын паза ол харығ полчатхан нимелерні хайди тобырып аларға ӱзӱрібізербіс.
1. Кіреске тӱзер алнында, нинҷе кӧп піліс поларға кирек?
Кіреске тӱзер алнында, сірерге сынны орта піліп аларға кирек (1 Тимофейге 2:4). Че анзы полған на библейскай сурыға нандырығ пілерге кирек полчатханын таныхтабинча. Кӧп чыллар мының алнында даа кіреске тӱскен христианнар пілістерін хозып одырчалар (Колосстағыларға 1:9, 10). Че сірерге Библияның ӧӧн ӱгредіглерін пілерге кирек. Ӧменің ах сағаллары пілістерің читкіҷе бе, чох па піліп аларға полыс пирерлер.
2. Кіреске тӱзер алнында, хайдағ алтымнар идерге кирек?
Кіреске тӱзер алнында, сірерге ікі аарлығ алтым идерге кирек. Библия пыросынарға паза айланарға чоохтапча. (Илҷілернің 3:19 хығырыбызыңар.) Сірерге мының алнында саба тудынғаныңар ӱчӱн прай чӱрекнең пыросынарға паза Иеговадаң пыро тастирға сурынарға кирек. Анаң Худайның нормаларынҷа чуртирға паза Иегова чазыхха санапчатхан нимелерні итпеске пик сағыс тударға кирек. Ідӧк ӧме чыылығларына чӧрерге паза пасха харындас-пиҷелернең хада Худай сӧзін искірерге кирек.
3. Ноға кіреске тӱзерге хорығарға кирек чоғыл?
Піреелері Иеговаа пирген сӧстерін толдыр полбаспыс тіп хорыхчалар. Сынында сірер пірееде алҷаастар ит турарзар. Библияда пазылған даа киртістіг иреннер паза ипчілер алҷаастар итчеңнер. Иегова позының нымысчыларынаң алҷаас чох тудынарын сағыбинча. (Псалом 103:13, 14 хығырыбызыңар.) Пирген сӧстеріңні толдырар ӱчӱн, прай кӱс салчатсар, ол ӧрінче. Ол сірерге хайди даа полыс пирер. Иегова сірерні ікінҷілебезіннер тіп хынча: ағаа сірерге хынарға пір дее ниме харығ пол полбас. (Римдегілерге 8:38, 39 хығырыбызыңар.)
ТИРЕҢ АРАХ ХАС КӦРІҢЕР
Иеговадаңар пілістер паза аның хабасханы сірерге кіреске тӱзерге харығ полчатхан нимелерні тобырып аларға хайди полыс поларын піліп алыңар.
4. Иегованы чахсы арах піліп алыңар
Кіреске тӱзер алнында, Иегованы нинҷе чахсы піліп аларға кирек? Алған пілістернің сылтаанда, ағаа хыныбыссар паза аны ӧріндірер киректер идерге кӧңніңер пол сыхса, кіреске тӱзерге пілістерің читкіҷе тирге чарир. Пу ВИДЕОДАҢ аймах-пасха хазналардағы кізілер кіреске тӱзерге хайди тимненіп алғаннарын піліп алыңар. Анаң ӱзӱрібізіңер:
-
Пу кізілерге кіреске тӱзеріне тимненіп аларға ниме полыс пирген?
Римдегілерге 12:2 хығырып алып, ӱзӱрібізіңер:
-
Хайдағ-да библейскай ӱгредіглерде алай Иегованың киречілері сынға ӱгретчеткеннерінде ікінҷілепчезер бе?
-
Ікінҷілестер пар полза, хайди оларны тобырып аларзар?
5. Пір дее нимее сірерге кіреске тӱзерге харығ поларға пирбеңер
Чуртасты Иеговаа пир саларға паза кіреске тӱзерге пӧгін алза, полған на кізі сидіктерге урунча. Мына пір ипчінің кӧзідімі. ВИДЕО кӧріп алып, ӱзӱрібізіңер:
-
Пу ипчее кіреске тӱзерге ниме харығ полған?
-
Хайди Иеговаа хыныс ағаа прай сидіктерні тобырып аларға полыс пирген?
Притчи 29:25 паза 2 Тимофейге 1:7 хығырып алып, ӱзӱрібізіңер:
-
Махачы поларға паза хорғысты тобырып аларға ниме полыс пирер?
6. Ікінҷілебеңер, Иегова хайди даа полыс пирер
Иегова сірерге аның нормаларынҷа чуртирға полыс пирер. ВИДЕО кӧріп алып, ӱзӱрібізіңер:
-
Ноға пу ирен кіреске тӱзерге тідінмеен?
-
Ағаа Иеговаа ізенерге ниме полыс пирген?
Исайя 41:10, 13 хығырып алып, ӱзӱрібізіңер:
-
Чуртазыңарны Иеговаа пирчеткен туста пирген молҷағны толдыр поларында ноға ікінҷілебинчезер?
7. Иегованың хынызын аарлыға санаңар
Иегова сірерге хайди тың хынчатханнаңар нинҷе кӧп сағынарзар, ағаа алғызыңар анҷох кӧп ӧзер паза ағаа мӧгі тус нымысчыланарға хынарзар. Псалом 40:5 хығырып алып, ӱзӱрібізіңер:
-
Нименің ӱчӱн сірер Иеговаа алғыстығзар?
Иеремия ухаанҷы Иеговаа паза аның Сӧзіне тың хынған. Иегованың адынаң адалғанын аарлыға санаан. Ол теен: «Синің сӧзің мині часкалығ ит салған паза чӱрееме ӧрініс ағылған. Иегова, Чааҷыларның Худайы, мин синің адыңнаң адалғам нооза» (Иеремия 15:16). Пу сурығларны ӱзӱрібізіңер:
-
Ноға Иегованың киречізі полғаны — улуғ аарлас?
-
Кіреске тӱзіп алып, Иегованың киречізі поларға хынчазар ба?
-
Ол алтымны идерге сірерге пірее ниме харығ полча ба?
-
Пу кӧстеге чидіп алар ӱчӱн, сірерге паза ниме идерге кирек?
КЕМ-ДЕ ПІДИ ТІПЧЕ: «Кіреске тӱскені уғаа нандырығлығ алтым. Пирген сӧзімні толдыр полбассым тіп хорыхчам».
-
Сірер андағ хорғыстарнаң таныссар ба?
ӦӦН САҒЫС
Иегова сірерге кіреске тӱзерге харығ полчатхан ноо даа сидікті тобырып аларға полыс пирер.
Сағысха хатап кир кӧреелер
-
Кіреске тӱзер ӱчӱн, Библияны нинҷе чахсы пілерге кирек?
-
Кіреске тӱзер ӱчӱн, сірерге чуртазыңарда ниме алыстырарға кирек?
-
Ноға кіреске тӱзерге хорығарға кирек чоғыл?
ХОЗА ІСТЕЗІҢЕР
Сірерні кіреске тӱзерге ниме кӧӧктірерге кирек? Піліп алыңар.
«Кіреске тӱзерге тимдезер бе?» («Сторожевой башня», кӧрік айы, 2020 чыл)
Сірерге кіреске тӱзерге ниме харығ поларға айабас паза ол сидіктерні хайди тобырып аларға?
«Мағаа кіреске тӱзерге ниме харығ полча?» («Сторожевой башня», кӧрік айы, 2019 чыл)
Пір иренге кіреске тӱзерге харығ полған нимелерні тобырып аларға ниме полыс пиргенін піліп алыңар.
Ноға Ата пастап кіреске тӱзерге итпеен, че соонаң кіреске тӱзерге пӧгін алған?
Сірерге хынығ полар, арса
УДАА ТУРҒЫЗЫЛЧАТХАН СУРЫҒЛАР
Иегованың киречілері иртірчеткен библейскай курс нимедір ол?
Иегованың киречілерінің Библия нимее ӱгретчеткенін піліп аларға полысчатхан курс пар. Ӱгренчетсер, постарыңның Библияңарнаң тузаланарға паза ӱгредіге сӧбіреңерні паза нанҷыларыңны хығырарға чарир.
