47-ساباق
ٴسىز شومىلدىرۋ راسىمىنەن وتۋگە دايىنسىز با؟
كيەلى كىتاپتى زەرتتەۋ بارىسىندا ٴسىز ەحوبا جايلى كوپ ٴبىلدىڭىز. بىلگەنىڭىزگە ساي قانداي دا ٴبىر وزگەرىستەر جاساعان دا شىعارسىز. الايدا ٴسىزدى ەحوباعا باعىشتالىپ، شومىلدىرۋ راسىمىنەن وتۋدەن ٴبىر نارسە ۇستاپ تۇر ما؟ بۇل ساباقتا وسى قادامدى جاساۋعا ادەتتە ادامعا نە كەدەرگى جاسايتىنى جانە ولاردى قالاي جەڭۋگە بولاتىنى قاراستىرىلادى.
1. شومىلدىرۋ راسىمىنەن ٶتۋ ٷشىن ٴبىلىمىڭىز قانشالىقتى بولۋ كەرەك؟
شومىلدىرۋ راسىمىنەن ٶتۋ ٷشىن سىزدە «شىندىق جايلى تۋرا ٴبىلىم» بولۋ قاجەت (تىموتەگە 1-حات 2:4). ارينە، بۇل — شومىلدىرۋ راسىمىنەن وتپەس بۇرىن كيەلى كىتاپتىڭ ٵربىر سۇراعىنا جاۋاپ ٴبىلۋىڭىز كەرەك دەگەن ٴسوز ەمەس. ٴتىپتى شومىلدىرۋ راسىمىنەن وتكەنىنە ٴبىرتالاي جىل بولعان ماسىحشىلەرگە دە بىلگەن ۇستىنە بىلە ٴتۇسۋ كەرەك (قولوستىقتارعا 1:9، 10). ٴسىز ٷشىن ٴقازىر ەڭ باستىسى — كيەلى كىتاپتىڭ نەگىزگى ىلىمدەرىن ٴتۇسىنۋ. ٴبىلىمىڭىز قانشالىقتى جەتكىلىكتى ەكەنىن انىقتاۋعا سىزگە اقساقالدار قۋانا كومەكتەسەدى.
2. شومىلدىرۋ راسىمىنەن وتپەي تۇرىپ جاساۋىڭىز كەرەك كەيبىر قادامدار قانداي؟
شومىلدىرۋ راسىمىنەن وتپەي تۇرىپ، سىزگە «وكىنىپ، تەرىس جولدان قايتۋ» كەرەك (ەلشىلەردىڭ ىستەرى 3:19 وقىڭىز). بۇنى قالاي ىستەۋگە بولادى؟ ٴسىز بۇرىن جاساعان كۇنا-قاتەلىكتەرىڭىز ٷشىن قاتتى وكىنىپ، ەحوبادان كەشىرىم سۇراۋىڭىز قاجەت. سونداي-اق قۇداي جامان دەپ سانايتىندى ىستەمەۋگە جانە وعان ۇنايتىنداي ٶمىر سۇرۋگە نىق بەكىنۋىڭىز كەرەك. بۇعان قوسا، جينالىستارعا بارىپ، قاۋىممەن بىرگە ۋاعىزداۋىڭىز قاجەت.
3. نەگە سىزگە قورقىنىش كەدەرگى بولماۋ كەرەك؟
كەيبىرەۋلەر ەحوباعا بەرگەن ۋادەمدە تۇرا المايمىن دەپ قورقادى. راس، قاتەلىك جاسايتىن كەزدەرىمىز بولادى، ٴتىپتى كيەلى كىتاپتا ايتىلعان ادال ەرلەر مەن ايەلدەر دە قاتەلىك جاساعان. ٴبىراق، ەسىڭىزدە بولسىن، ەحوبا ٶزىنىڭ قىزمەتشىلەرى ٴمىنسىز بولادى دەپ كۇتپەيدى (ٴزابۇر 103:13، 14 وقىڭىز). ٴسىزدىڭ بارىنشا تىرىسىپ-تىرمىسىپ جاتقانىڭىزعا ول سۇيسىنەدى! سىزگە ەحوبانىڭ ٶزى كومەكتەسەدى. ول ەشتەڭە ٴبىزدى ونىڭ «سۇيىسپەنشىلىگىنەن ايىرا المايتىنىن» ۋادە ەتەدى (ريمدىكتەرگە 8:38، 39 وقىڭىز).
تەرەڭىرەك ٷڭىلىڭىز
ەحوبانى جاقسىراق ٴبىلىپ، ونىڭ كومەگىن قابىل العانىڭىز سىزگە شومىلدىرۋ راسىمىنەن وتۋگە كەدەرگى جاسايتىن قيىندىقتاردى جەڭۋگە قالاي كومەكتەسەتىنىن كورەيىك.
4. ەحوبانى جاقسىراق تانىپ-ٴبىلىڭىز
شومىلدىرۋ راسىمىنەن ٶتۋ ٷشىن ەحوبانى قانشالىقتى جاقسى ٴبىلۋىڭىز كەرەك؟ ول جايلى بىلگەنىڭىز ونى جاقسى كورۋگە جانە وعان ۇنايتىندى ىستەۋگە تالپىندىراتىنداي بولۋ كەرەك. دۇنيەجۇزىندەگى كيەلى كىتاپتى زەرتتەپ جۇرگەن ادامدار بۇعان قالاي قول جەتكىزگەنىن ٴبىلۋ ٷشىن بەينەروليكتى كورىڭىزدەر. سوسىن تومەندەگى سۇراقتى تالقىلاڭىزدار:
-
بەينەروليكتە كەيبىرەۋلەرگە شومىلدىرۋ راسىمىنە دايىن بولۋعا نە كومەكتەستى؟
ريمدىكتەرگە 12:2 وقىپ، مىنا سۇراقتاردى تالقىلاڭىزدار:
-
كيەلى كىتاپتىڭ قانداي دا ٴبىر ىلىمىنە نەمەسە ەحوبا كۋاگەرلەرىنىڭ شىندىقتى ۇيرەتەتىنىنە قاتىستى كۇمانىڭىز بار ما؟
-
بار بولسا، نە ىستەسەڭىز بولادى؟
5. بولاتىن كەدەرگىلەردى جەڭىڭىز
ٴبىز ٶزىمىزدى ەحوباعا باعىشتاپ، شومىلدىرۋ راسىمىنەن ٶتۋدى شەشكەن كەزدە ٴبارىمىزدىڭ دە الدىمىزدان قيىندىقتار شىعا كەلەدى. بۇنىڭ ٴبىر مىسالىن بەينەروليكتەن كورىڭىزدەر. كەيىن تومەندەگى سۇراقتاردى تالقىلاڭىزدار:
-
ەحوباعا قىزمەت ەتۋ ٷشىن نارانگەرەلگە قانداي قيىندىقتاردى جەڭۋ كەرەك بولدى؟
-
وعان سول كەدەرگىلەردى ەڭسەرۋگە ەحوباعا دەگەن سۇيىسپەنشىلىگى قالاي كومەكتەستى؟
ناقىل سوزدەر 29:25 جانە تىموتەگە 2-حات 1:7 وقىپ، مىنا سۇراقتى تالقىلاڭىزدار:
-
بولاتىن كەدەرگىلەردى جەڭۋگە بىزگە نە باتىلدىق بەرەدى؟
6. ەحوبانىڭ كومەكتەسەتىنىنە سەنىڭىز
ەحوبا سىزگە وعان ۇنايتىندى ىستەۋگە كومەكتەسەدى. بەينەروليكتى كورىپ، كەلەسى سۇراقتاردى تالقىلاڭىزدار:
-
بەينەروليكتەگى ٴبىر زەرتتەۋشىگە شومىلدىرۋ راسىمىنەن وتۋگە نە كەدەرگى بولدى؟
-
وعان ەحوباعا سەنىم ارتۋعا نە كومەكتەستى؟
يشايا 41:10، 13 وقىپ، مىنا سۇراقتى تالقىلاڭىزدار:
-
باعىشتالعاندا بەرگەن ۋادەڭىزدى ورىنداي الاتىنىڭىزعا نەگە سەنىمدى بولا الاسىز؟
7. ەحوبانىڭ سۇيىسپەنشىلىگىنە العىسىڭىزدى ارتتىرىڭىز
ەحوبا ٴسىزدى قانشالىقتى جاقسى كورەتىنى جايلى ويلانعان سايىن، وعان العىسىڭىز ارتا تۇسەدى جانە وعان ماڭگى قىزمەت ەتەمىن دەگەن ىقىلاسىڭىز دا وسەدى. ٴزابۇر 40:5 وقىپ، كەلەسى سۇراقتى تالقىلاڭىزدار:
-
ٴسىز ەحوبانىڭ اسىرەسە قاي باتاسى ٷشىن ريزاسىز؟
ەرەميا پايعامبار ەحوبانى جانە ونىڭ ٴسوزىن جاقسى كورگەن. سونداي-اق ەحوبانىڭ ەسىمىمەن اتالعان قىزمەتشى بولعانىن قۇرمەت تۇتقان. ول بىلاي دەپ ايتتى: «[سوزدەرىڭ] مەنى شات-شادىمان ەتىپ، جۇرەگىمدى قۋانىشقا بولەدى، ويتكەنى مەن سەنىڭ ەسىمىڭمەن اتالدىم، ۋا، اسكەرباسى ەحوبا» (ەرەميا 15:16). مىنا سۇراقتاردى تالقىلاڭىزدار:
-
ەحوبا كۋاگەرى بولۋ نەگە ەرەكشە قۇرمەت؟
-
شومىلدىرۋ راسىمىنەن ٶتىپ، ەحوبا كۋاگەرى بولعىڭىز كەلە مە؟
-
بۇل قادامدى جاساۋىڭىزعا قانداي دا ٴبىر توسقاۋىل بار ما؟
-
وسى ماقساتقا قول جەتكىزۋ ٷشىن سىزگە نە ىستەۋ كەرەك دەپ ويلايسىز؟
كەيبىرەۋلەردىڭ ايتاتىنى: «شومىلدىرۋ راسىمىنەن وتسەم، ۋادەمە ساي ٶمىر سۇرە الماي قالامىن با دەپ قورقامىن».
-
ٴسىز دە ٶزىڭىزدى وسىلاي سەزىنەسىز بە؟
تۇيىندەمە
ەحوبانىڭ كومەگىمەن شومىلدىرۋ راسىمىنەن وتۋىڭىزگە كەدەرگى بولاتىن كەز كەلگەن قيىندىقتى جەڭە الاسىز.
قايتالاۋ
-
شومىلدىرۋ راسىمىنەن ٶتۋ ٷشىن كيەلى كىتاپتى قانشالىقتى ٴبىلۋىڭىز كەرەك؟
-
شومىلدىرۋ راسىمىنەن وتكىڭىز كەلسە، سىزگە قانداي وزگەرىستەر جاساۋ كەرەك بولۋى مۇمكىن؟
-
نەگە قورقىنىش سىزگە كەدەرگى بولماۋ كەرەك؟
قوسىمشا ىزدەنىڭىز
شومىلدىرۋ راسىمىنەن وتۋىڭىزدىڭ باستى سەبەبى نە بولۋ كەرەكتىگىن وقىپ كورىڭىز.
«شومىلدىرۋ راسىمىنەن وتۋگە دايىنسىز با؟» («كۇزەت مۇناراسى»، ناۋرىز، 2020)
ٴسىزدى كەرى تارتاتىن كەيبىر كەدەرگىلەردى قالاي جەڭۋگە بولاتىنىن ٴبىلىڭىز.
«شومىلدىرۋ راسىمىنەن وتۋىمە قانداي كەدەرگى بار؟» («كۇزەت مۇناراسى»، ناۋرىز، 2019)
شومىلدىرۋ راسىمىنەن ٶتۋ ٷشىن ٴبىر ەر كىسى ۇلكەن قيىندىقتارىن قالاي ەڭسەرگەنىن كورىڭىز.
اتا دەگەن كىسى باسىندا شومىلدىرۋ راسىمىنەن وتۋگە تارتىنعان. وعان وسى قادامدى جاساۋعا نە سەنىمدىلىك بەرگەنىن كورىڭىز.
قىزىقتى بولار مالىمەتتەر
ٴجيى قويىلاتىن سۇراقتار
كيەلى كىتاپتى زەرتتەۋ ساباعى دەگەن نە؟
كيەلى كىتاپتى اقىسىز زەرتتەۋ ساباعىنا قاتىستى سۇراقتارىڭىزعا جاۋاپ الىڭىز.
