ДӘРСА 47
Тӧ Һазьр и Бейи Ньхӧмандьне?
Бь сайа һинбуна Кʹьтеба Пироз тӧ дәрһәԛа Йаһоԝа гәләк тьшт пеһʹәсийайи. Дьбәкә тә һьнә гӧһастьн кьрьн, сәва кӧ әʹмьре хԝәда ԝан тьшта бини сери чь кӧ һин дьбуйи. Һьм жи дьԛәԝьмә мәʹни һәйә, жь бо чь жи тӧ дьфькьри ԝәки һазьр нини хԝә тʹәсмили Йаһоԝа ки у бейи ньхӧмандьне. Ԝе дәрседа әме дәрһәԛа һьнә мәʹнийед бәлабуйи хәбәр дьн, кʹижан кӧ дьбәкә рʹийа тә жи дьгьрьн ԝәки бейи ньхӧмандьне, у ча тӧ дькари диса жи пешда һәрʹи.
1. Занәбуна тә гәрәке чьԛас бә, кӧ бейи ньхӧмандьне?
Сәва кӧ бейи ньхӧмандьне, тӧ гәрәке «рʹастийе нас» ки (1 Тимотʹейо 2:4). Әв найе һʹәсабе, ԝәки тӧ гәрәке щаба һәр пьрсәкә Кʹьтеба Пирозва гьредайи, бьзаньби. Һәла һе Мәсиһийед кӧ гәләк сал ньхӧмандинә жи, бәрдәԝам дькьн занәбуне дьстиньн (Колоси 1:9, 10). Ле һәмьки тӧ гәрәке һинкьрьнед Кʹьтеба Пирозә сәрәкә, рʹьнд фәʹм бьки. Һәрге епʹещә занәбуна тә һәйә, рʹуспийед щьвате ԝе али тә бькьн бьгьһижи нета хԝә.
2. Тӧ кʹижан һьнә гава гәрәке бавежи, кӧ бейи ньхӧмандьне?
Дәрһәԛа мәрьвед кӧ дьхԝазьн бенә ньхӧмандьне, Кʹьтеба Пироз дьбежә: «Тʹобә кьн у бәрбь Хԝәде вәгәрʹьн» (Бьхунә Кʹаред Шандийа 3:19.) Әв те һʹәсабе, ԝәки тӧ бь дьл у щан тʹобә дьки бона гӧнед хԝәйә бәре у жь Йаһоԝа бахшандьне дьхԝази. Ӧса жи тӧ инкʹар дьки ԝан тьшта бьки, чь кӧ бәр чʹәʹве Хԝәде рʹәш ьн. Хенщи ԝе йәке, тӧ дәстпедьки щьватеда шьхӧлкʹарийе бьки, мәсәлә тейи щьвата у ча мьзгинване нәньхӧманди мьзгинийе бәла дьки.
3. Тӧ чьма гәрәке нәһели, кӧ тьрс тә зәфт кә?
Һьнәк дьтьрсьн, ԝәки ԝе нькарьбьн ԝе йәке бькьн, чь кӧ соз данә Йаһоԝа. Һәмьки щарна тӧйе шашийа бьки. Һәла һе хьзмәткʹаред Хԝәдейи бәре жи щарна шаши дькьрьн. Ле Йаһоԝа жь хьзмәткʹаред хԝә кʹамьлийе дәʹԝа накә (Бьхунә Зәбур 103:13, 14.) Әԝ ша дьбә гава дьвинә, ԝәки тӧ чьԛас ԛәԝате дьди хәбате, сәва созе хԝә бини сери! Әԝ һазьр ә али тә бькә. Кʹьтеба Пироз дьбежә, ԝәки тʹӧ тьшт ԝе нькарьбә «һʹьзкьрьна Хԝәде сәр мә сар кә». У Йаһоԝа ԝе йәкеда мә дьдә баԝәркьрьне (Бьхунә Рʹомайи 8:38, 39.)
КʹУР ЛЕКОЛИН КӘ
Пебьһʹәсә, кӧ тӧ ча дькари һʹәму чәтьнайед кӧ рʹийа тә дьгьрьн, бьди алики, ԝәки Йаһоԝа рʹьнд нас ки, аликʹарийа ԝи ԛәбул ки у бейи ньхӧмандьне.
4. Йаһоԝа рʹьнд нас кә
Тӧ гәрәке дәрһәԛа Йаһоԝа чьԛаси бьзаньби, ԝәки бейи ньхӧмандьне? Тӧ гәрәке рʹьнд ԝи нас ки, ԝәки дьле тәда һʹьзкьрьн һьндава ԝида пешда бе у бьхԝази дьле ԝи ша ки. Вехә ВИДЕО кӧ бьвини, ԝәки ча хԝәндәванед Кʹьтеба Пироз нав тʹәмамийа дьнйайеда, карьбун бьгьһижьнә ве нета мәхсус. Паше әве пьрсе шеԝьр кә:
-
Ль гора видеойе чь али һьнәка кьр, ԝәки бона ньхӧмандьне хԝә һазьр кьн?
Бьхунә Рʹомайи 12:2, у паше ван пьрса шеԝьр кә:
-
Тӧ дӧдьли дьби ԝе йәкеда, кӧ һинкьрьнед Кʹьтеба Пироз рʹаст ьн у Шәʹдед Йаһоԝа рʹастийе һин дькьн?
-
Һәрге әре, тӧ чь дькари бьки?
5. Нәһелә чәтьнайи рʹе тә бьгьрьн, кӧ бейи ньхӧмандьне
Гава әм сафи дькьн хԝә тʹәсмили Йаһоԝа кьн у бенә ньхӧмандьне, әм рʹасти чәтьнайа тен. Сәва кӧ мәсәла бьвини, вехә ВИДЕО, у паше ван пьрса шеԝьр кә:
-
Чаԝа жь видеойе һатә кʹьфше, Нарангереле гәрәке чь чәтьнайи алт кьра, кӧ бькарьбуйа Йаһоԝарʹа хьзмәт кә?
-
Чь али ԝе кьр, ԝәки ԝан чәтьнайа алт кә?
Бьхунә Мәтʹәлок 29:25 у 2 Тимотʹейо 1:7, у паше әве пьрсе шеԝьр кә:
-
Чь ԝе али мә бькә, кӧ мерхас бьн у чәтьнайа алт кьн?
6. Итʹбарийа хԝә Йаһоԝа бинә, кӧ ԝе али тә бькә
Йаһоԝа ԝе али тә бькә, кӧ бькарьби дьле ԝи ша ки. Вехә ВИДЕО, у паше ван пьрса шеԝьр кә:
-
Ча жь видеойе те кʹьфше, чь рʹийа мәрьвәки дьгьрт, кӧ бе ньхӧмандьне?
-
Әԝ чь пеһʹәсийа, кӧ һелан бу итʹбарийа хԝә һьндава Йаһоԝа бьшьдинә?
Бьхунә Ишайа 41:10, 13, у паше әве пьрсе шеԝьр кә:
-
Чьма тӧ дькари баԝәр би, кӧ тӧйе бькарьби әԝи созе хԝә бини сери, кʹижан кӧ тә пешийа ньхӧмандьне да Йаһоԝа?
7. Шекьрдарийа хԝә һьндава һʹьзкьрьна Йаһоԝа зедә кә
Тӧ чьԛас һе зедә бьфькьри дәрһәԛа һʹьзкьрьна Йаһоԝа һьндава хԝәда, һаԛас һе зедә тӧйе шекьрдар би у бьхԝази һʹәта-һʹәтайе ԝирʹа хьзмәт ки. Бьхунә Зәбур 40:5, у паше әве пьрсе шеԝьр кә:
-
Тӧ дьһа зәʹф кʹижан кʹәрәмед жь Йаһоԝа ԛимәт дьки?
Йерәмйа пʹехәмбәр Йаһоԝа у хәбәра ԝи һʹьз дькьр. Һьм жи әԝи гәләк ԛимәт дькьр әԝ ԛәдьр, кӧ наве Йаһоԝа сәр ԝи бу. Әԝи гот: «Готьнед тә һатьн дитьн у ԝан хԝарьм у готьнед тә жь мьнрʹа бун кʹефхԝәши у жь дьле мьнрʹа бун шабун; жь бәр кӧ әз бь наве тәва темә банг кьрьн, йа Хԝәдайе артәшан ХӦДАН!» (Йерәмйа 15:16). Щаба ван пьрса бьдә:
-
Чьма әв ԛәдьрәки мәзьн ә бьбьн Шәʹдед Йаһоԝа?
-
Тӧ дьхԝази бейи ньхӧмандьне у бьби Шәʹде Йаһоԝа?
-
Тьштәк рʹийа тә дьгьрә, кӧ әве йәке бьки?
-
Бь тʹәхмина тә тӧ чь гәрәке бьки, сәва кӧ бьгьһижи ве нета хԝә у бейи ньхӧмандьне?
ҺЬНӘ МӘРЬВ ДЬБЕЖЬН: «Әз дьтьрсьм бемә ньхӧмандьне, чьмки дьфькьрьм, кӧ әзе нькарьбьм созе хԝә биньм сери.»
-
Тӧ жи ӧса дьфькьри?
ТʹӘМАМКЬРЬН
Бь аликʹарийа Йаһоԝа тӧ дькари һʹәму чәтьнайа бьди алики, у бейи ньхӧмандьне.
Ԝәкʹьландьн
-
Тӧ гәрәке Кʹьтеба Пироз чьԛаси бьзаньби, кӧ бейи ньхӧмандьне?
-
Пешийа кӧ бейи ньхӧмандьне, тӧ кʹижан гӧһастьна гәрәке бьки?
-
Чьма тӧ гәрәке нәһели, ԝәки тьрс рʹийа тә бьгьрә?
ҺЕ ЗЕДӘ ПЕБЬҺʹӘСӘ
Пебьһʹәсә кӧ тӧ сәр чь һʹими гәрәке бейи ньхӧмандьне.
«Тӧ Һазьр и Бейи Ньхӧмандьне?» («Бьрща Ԛәрәԝьлийе», Адар, 2020)
Пебьһʹәсә, ԝәки тӧ ча дькари нәһели кӧ чәтьнайи рʹе тә бьгьрьн.
«Чь Рʹе Мьн Дьгьрә кӧ Бемә Ньхӧмандьне?» («Бьрща Ԛәрәԝьлийе», Адар, 2019)
Пебьһʹәсә кӧ ча мәрьвәки карьбу чәтьнайа алт кә у бе ньхӧмандьне.
Мәрьвәк бь наве Ата, пешийе хԝә әглә дькьр, кӧ бе ньхӧмандьне. Бьвинә кӧ чь ԝи һелан кьр, сәва кӧ әв гава фәрз бавежә.
Дьбәкә Wәрʹа Һʹәwас бә
ПЬРСЕД ГӘЛӘК МӘРИЙА
Чь Те Һʹәсабе Курса Һинбуна Кʹьтеба Пироз Тʹәви Шәʹдед Йаһоԝа?
Ԝәʹде курса бепʹәрә тʹәви Шәʹдед Йаһоԝа, тӧ дькари ве ԝәлгәрʹандьна Кʹьтеба Пироз бьди хәбате кʹижан тӧ дьхԝази. Тӧ дькари аза нәфәр у һәвалед хԝә жи тʹәглифи сәр һинбуне ки.
