TLAMACHTIL 47
¿Yiuelis timoapolaktis?
Yitikixmati Jehová porque yotimomachti Biblia. Xamo yotikpatlak seki tlamantli itech monemilis uan tikchiua tlen kijtoua Biblia. Pero xamo ayamo timotemaka ixpan Jehová nion timoapolaktia porque itlaj tikita oui. Itech nin tlamachtil tikitaskej sekimej okitayaj oui moapolaktiskej pero satepan ijkon okichijkej. ¿Tlen mitspaleuis noijki ijkon xikchiua?
1. ¿Moneki tikmatis nochi tlen kijtoua Biblia para uelis timoapolaktis?
Para timoapolaktis moneki ‘tikajsikamatis tlen melauak’ (1 Timoteo 2:4). Amo kijtosneki moneki tikmatis nochi tlen kijtoua Biblia para timoapolaktis. Maski sekimej yiuejkika omoapolaktijkej, ok moneki momachtiskej (Colosenses 1:9, 10). Pero moneki tikmatis tlen melauak tlamachtia Biblia. Tlayekankej mitspaleuiskej xikita kox yitikmati tlen moneki.
2. ¿Tlen moneki tikchiuas para timoapolaktis?
Biblia kijtoua tlen moneki tikchiuaskej tla tiknekij timoapolaktiskej: “Ximoyolkopakan uan ayakmo xikchiuakan tlen nankichiuaj” (xiktlajtolti Hechos 3:19). ¿Ken uelis tejuatsin ijkon tikchiuas? Moneki ayakmo tikchiuas tlen achto otikchiuaya uan tikiluis toTajtsin Dios mamitstlapojpolui. Noijki amo xikchiua tlen amo kuali uan ximochijchikaua xikchiua tlen kineki toTajtsin Dios. Uelis titlapaleuis inuan oksekimej tokniuan, timonechikos uan titetlapouis maski ayamo timoapolaktia.
3. ¿Tleka amo moneki timomojtis timoapolaktis?
Sekimej amo kinekij kiyolkokoskej Jehová. Xamo noijki timokuayejyekoua timotlapololtis, ken okinpanok yiuejkika itekipanojkauan toTajtsin Dios. Pero xikilnamiki Jehová kimatok titlajtlakolejkej uan uelis timotlapololtiskej (xiktlajtolti Salmo 103:13, 14). Ye yolpaki ijkuak timochijchikaua uan nochipa mitspaleuis. Jehová techiluia amitlaj “uelis techxelos itech itlasojtlalis” (xiktlajtolti Romanos 8:38, 39).
MATIMOMACHTIKAN
Matikitakan tla tikixmatis Jehová uan tikkauilis mamitspaleui, uelis timoapolaktis maski tikita oui.
4. Okachi kuali xikixmati Jehová
Moneki kuali tikixmatis Jehová ijkon tiktlasojtlas, tiktlakamatis uan noijki timoapolaktis. Xikitakan VIDEO kanin mota tlen okichijkej sekimej tokniuan uan satepan xikitakan tlen namechmachtia.
-
Ijkon ken otikitakej, ¿tlen okinpaleui sekimej tokniuan mamoapolaktikan?
Xiktlajtoltikan Romanos 12:2 uan satepan xikitakan tlen namechmachtia.
-
¿Tikneltoka nochi tlen kijtoua Biblia? ¿Tikneltoka iTlaixpantijkauan Jehová tlamachtiaj tlen kijtoua Biblia?
-
¿Tlen moneki tikchiuas tla amo ijkon tikneltoka?
5. Amitlaj xikkauili mamitstsakuili
Ijkuak timotemakaj ixpan Jehová uan timoapolaktiaj, tikixnamikij ouijkayotl. Para tikmatis tlen okipanok se tokni, xikitakan VIDEO uan satepan xikitakan tlen namechmachtia.
-
¿Tlen okichi Narangerel para kitekichiuilis Jehová?
-
¿Tlen okipaleui matlaxiko?
Xiktlajtoltikan Proverbios 29:25 uan 2 Timoteo 1:7 uan satepan xikitakan tlen namechmachtia.
-
¿Tlen techpaleuis matitlaxikokan?
6. Xikneltoka Jehová mitspaleuis
Jehová mitspaleuis xikchiua tlen ye kipaktia. Xikitakan VIDEO uan satepan xikitakan tlen namechmachtia.
-
¿Tleka nin tlakatl amo okinekiaya moapolaktis?
-
¿Tlen okipaleui makineltoka Jehová kipaleuiskia?
Xiktlajtoltikan Isaías 41:10, 13 uan satepan xikitakan tlen namechmachtia.
-
Ijkuak timotemakas ixpan Jehová ¿ken tikmati uelis tikchiuas tlen otikilui?
7. Xiktlasojkamatili Jehová
Ijkuak tikitas ken mitstlasojtla Jehová, okachi tiknekis tiktlasojkamatilis uan tiktekichiuilis. Xiktlajtoltikan Salmo 40:5 uan satepan xikitakan tlen namechmachtia.
-
Ijkuak tikita nochi tlen Jehová techmaka, ¿tlen okachi tikpatioita?
Profeta Jeremías okitlasojtlaya Jehová uan tlen kijtoua iTlajtol. Noijki okipatioitaya kintlapouis oksekimej itoka toTajtsin Dios. Ye okijto: “Motlajtol kichiua maniyolpaki; porque nikuika motoka, oh Jehová Dios” (Jeremías 15:16). Xikinnankili ninmej tlajtlanilmej:
-
¿Tleka tikpatioitaj tiyetoskej tiiTlaixpantijkauan Jehová?
-
¿Tikneki timoapolaktis uan ijkon tiyetos tiiTlaixpantijka Jehová?
-
¿Itlaj mitstsakuilia para timoapolaktis?
-
¿Tlen moneki tikchiuas para timoapolaktis?
SEKIMEJ KIJTOUAJ: “Nimomojtia nimotlapololtis uan amo nikchiuas tlen Jehová kineki”.
-
¿Ijkon timokuayejyekoua?
XIKILNAMIKTO
Jehová mitspaleuis para uelis timoapolaktis.
Matikojpauikan
-
¿Moneki tikmatis nochi tlen kijtoua Biblia para uelis timoapolaktis?
-
¿Tlen moneki tikchiuas para uelis timoapolaktis?
-
¿Tleka amo moneki ximomojti timoapolaktis?
NIN NOIJKI MITSPAKTIS
Ximomachti tlen moneki mitsyolinis ximoapolakti.
Xikita tlen uelis mitspaleuis tla tikita oui timoapolaktis.
“¿Tlen nechtsakuilia amo ma nimoapolakti?” (Akin Tetlapouijtok, marzo 2019)
Xikita tlen okipaleui se tlakatl tlen okitaya oui moapolaktis.
Se tokni tlen itoka Ataa okitaya oui moapolaktis. Xikita tlen okipaleui.
Xamo noijki mitspaktis
TLEN MIAKEJ MOTLAJTLANIAJ
¿Ken tlamachtiaj iTlaixpantijkauan Jehová?
Ijkuak mitstlajpalotiuij iTlaixpantijkauan Jehová uelis timomachtis ika moBiblia. Noijki uelis tikinyoleuas mofamilia noso moyolikniuan mouan mamomachtikan.
