LÉZIʼI 47
Taa ngouô o gʉo nouʼou ntsé?
O ka tchʉaté na léziʼi chou nziʼi choum ta ngiôôn na Jéova, ngʉo mékoubté ta ngiôôn lé lôg ngʉo létʉm sé kag. Ta ndiéʼ tsô, tso choum wo ssé sié é gé née taté wou léna mboum jou mbwo Jéova mbing ngʉo nouʼou ntsé. Taʼ sôôn léziʼi gé gôôn no na méntaté mié pʉa ta ngiôôn waa nzièʼ. É gé ping kiaʼté paʼ ngouô mé zièʼ mée méngégé.
1. Ta o gwiée lé pou nzsé Biible ntsém ta ngʉo nouʼou ntsé?
Légʉo nouʼou ntsé aa lé vôg «nzsé no nénʉ» (1 Timoté 2:4). Ayèe tée ndôgô ngôôn ngié o gwiée lé na mémbʉèe na ménzaté ntsém nti Biible wô. Mboo Mékréeté pié é la laʼ mé ngʉo nouʼou ntsé ta foo méngouʼ, po ying née nkuiʼi ziʼii (Kolosia 1:9, 10). Taʼ, a né nzaté mbwo wou lé kuiʼi nziʼi lé zsé métchʉo mbʉʉ. Mélhié tsèe tchouʼté gé kuiété wou lé tsaasé ta o gwiée zséno yié a kouʼ wô.
2. O gwiée lé gʉo sèe choum ta ngʉo nouʼou ntsé?
O waa gʉo nouʼou ntsé, émvôg «mmʉagté ma tépong wou, mbing mbiŋé mbwo Ssé» (toŋo Mégang ntoum 3:19). Yèe lôgô ngôôn ngié o pouou née mmʉagté na méfʉa mou mié o la gʉo, émbing né suingté Jéova ngié a tchousé wou. Ayèe lôgô ngiŋé ngôôn ngié o gwiée lé pou ngouaʼ méma tépong, mbing chèn ngié o gé tchʉʼ néŋé po paʼ Jéova koung. Nkuiʼi moo, o gwiée lé ying ngouôg tsô méfaʼ tsèe tchouʼté paʼ légʉa métchouʼté, mbing chouŋo no Ssé paʼ ntsui nkʉ Ssé wuié a gniée té gʉo nouʼou ntsé.
3. Nti kô o té gwiée lé tchʉôʼ ngié o gé pʉè mbwo wô?
Tsô pʉa tchʉôʼ ngié ngouô po lé kouʼou lé yiŋé na mmo yié po la tʉôgô lé gʉo mbwo Jéova wô. Aa nénʉ ngié o to tsô fʉʼ nnaʼa fʉa méno, Ŋwaʼné Ssé ying ngôôn yé no na mbaŋa laa panzuiée pié é la kouè nnè na Ssé, épié po la ying ngwé yôb tsèe méfʉa. Jéova té né nzaté ngié o wo gning té lôôʼ wô (toŋo Zôbô ntsé 103:13, 14). Ammo yié a pou ngouo tʉnzuing pwo yé, aa ngié o tra wou nzuing a léen nké nkuiété wou. Ŋwaʼné Ssé gôôn ngié «tso mmo tée ndaʼa ntaté Ssé lé kouŋo wégé wô» (toŋo Roma 8:38, 39).
YING NKUIʼI NZIʼI
Pégé giè paʼ ngouô o zièʼ méngégé mié ngouô é taté wou légʉo nouʼou ntsé ntchʉaté na léziʼii lé zsé Jéova, mbing nzuiŋé kuiété yé.
4. Ziʼi lé kuiʼi nzsé Jéova
Ngouo o kuiʼi nzsé Jéova lékô ta ngʉo nouʼou ntsé? O gwiée lé zsé yé na nti yié ngouô o kouŋo yé mbing ntra lé gʉo mmo yié a gé poŋo yé. Tsôʼô VIDÉO ndôg ngia paʼ paziʼi Biible pié ée tsèe ngoung ntsém la gʉo yôb pouʼou, émbing ngôôn no na yôôn nzaté.
-
Tso méfè mbaŋa laa panzuiée la gʉo lékô ta ndôg ntangté mboum yôb lé gʉo nouʼou ntsé?
Toŋo Roma 12:2, mbing ngôôn no na môôn ménzaté:
-
O naʼa née mmʉʼté na choum sié Biible ziʼi kée? Ka o né nzaté two mboum jou ngié ka Pakuié Ntang Jéova kouaʼ nziʼi no nénʉ wô?
-
A lôôn ngouô pouʼou, mba ngouô o gʉo kô?
5. Zièʼ méngégé
Mé chan lé na mboum mbwo Jéova mbing ngʉo nouʼou ntsé péʼé, nkée ngouaa ngwiée méngégé. Giè taʼ fʉʼ. Tsôʼô VIDÉO, mbing ngôôn no na nzaté yié ée mvfo.
-
Ée mèe méngégé mié Narangerel la zièʼ lé lôg ngouʼté Jéova?
-
Nkouŋo yé nti Jéova la kuiété yé lé wo yié a té ngnié mèe méngégé é taté yé wô lékô?
Toŋo Provèebe 29:25 po 2 Timoté 1:7, mbing ngôôn no na yôôn nzaté:
-
Akô naa wégé chʉog lé zièʼ méngégé?
6. Saŋa na Jéova
Jéova gé kuiété wou lé gʉo mmo yié a poŋo yé. Tsôʼô VIDÉO, mbing ngôôn no na ménzaté mié ée mvfo.
-
Akô mmo lôôn ntaté wôôn gning wuié a lôôn nziʼi Biible lé gʉo nouʼou ntsé?
-
Akô la kuiété yé lé gʉo zuiŋé ntʉm yé na Jéova kuiʼi ntʉté?
Toŋo Ésaya 41:10, 13, mbing ngôôn no na yôôn nzaté:
-
Nti kô o gwiée lé zuing té mʉʼté ngié o gé gʉo yiŋé na mmo yié o gé chèn afʉʼé o gé gʉo nouʼou ntsé?
7. Kuiʼi ngôʼté nkouŋé Jéova
O lôôn nkuiʼi ntsigé no na nkouŋé yié Jéova gwiée nti wou, mba yèe gé gʉo o kuiʼi nna ndaag mbwo yé, mbing nkuiʼi ntsôôn lé gouʼté yé ndiè ngʉa. Toŋo Zôbô ntsé 40:5, mbing ngôôn no na yôôn nzaté:
-
Ée mèe mémblésé Jéova mié o pouou nkoung tèʼ?
Nkaʼ nkʉ Ssé Yérémi lôôn nkouŋo Jéova po Chouŋo yé. A lôôn mbiŋé mbou ngôʼté mékouʼ lé kaa lézing Jéova. A la gôôn ngié: «Achouŋé jou pou ndoué létʉm sôôn né lékag, nti noué ée lézing chou sié méng kaa, oh Jéova Ssé» (Yérémi 15:16). Na mbʉèe na môôn ménzèté:
-
Nti kô ée mékouʼ lé wo Nkuié Ntang Jéova?
-
Ta o né nkouŋo lé gʉo nouʼou ntsé, ntchʉʼʉ Nkuié Ntang Jéova?
-
Atso mmo môôn né ntaté wou ka?
-
O kouang ngié ngouô o gʉo lékô ta nkouʼou lé gʉo nouʼou ntsé?
TSO PɄA GÔÔN NGIÉ: «Légʉo nouʼou ntsé aa taʼ maa ndésiziông yié n kaa kouang ngié ngouo méng kouʼou moo wô.»
-
Ta aa mmo yié o kouang jou?
TA O ZIʼII KÔ?
Angouo Jéova kuiété wou lé zièʼ méngégé lé gʉo nouʼou ntsé.
Ta o né nkimté?
-
Ée sèe choum sié gning gwiée lé zsé tsèe Biible ta ngʉo nouʼou ntsé?
-
Ée mèe ménkoubté mié ngouô o ying ngʉo ta ngʉo nouʼou ntsé?
-
Nti kô o té gwiée lé gnié tchʉoʼ taté wou wô?
KUIʼI FAʼ
Akô gwiée lé tsoté wou lé gʉo nouʼou ntsé.
« Es-tu prêt pour le baptême ? » (La Tour de Garde, mars 2020)
Ta ngouô o gʉo lékô ta nzièʼ tso méngégé na lé gʉo nouʼou ntsé?
« Quʼest-ce qui mʼempêche de me faire baptiser ? » (La Tour de Garde, mars 2019)
Ée mèe méngégé mié é pou ngaʼ, émié tsoo mambaŋa la zièʼ ta nkouʼou lé gʉo nouʼou ntsé.
Ammo yié a la kuiété tsoo mambaŋa lé zuing ngié a té gwiée lé tchʉôʼô lé gʉo nouʼou ntsé wô.
