KʼUTUNEM 47
¿La katkun chik kabʼan ri aqasanjaʼ?
Ri awetaʼmam pa ri Biblia, ubʼanom che kʼi awetaʼmam chi chrij ri Jehová. Xuqujeʼ weneʼ ubʼanom chawe che akʼexom jujun taq jastaq pa ri akʼaslemal. Are kʼu weneʼ kʼo tajin katqʼatenik rech kajach ta ri akʼaslemal che ri Jehová y kabʼan ta ri aqasanjaʼ. Pa wajun kʼutunem riʼ kqil na jas kʼax kiriqom jujun tijoxelabʼ che kibʼanom chi kiqasanjaʼ y kqil na ri katkun at kabʼano rech kabʼan aqasanjaʼ.
1. ¿La rajawaxik nim ri awetaʼmanik chrij ri Biblia rech kabʼan aqasanjaʼ?
Rech katkunik kabʼan aqasanjaʼ, rajawaxik «k[aw]etaʼmaj ri qastzij» o kkʼojiʼ jun tzʼaqat awetaʼmanik chrij ri Biblia (1 Timoteo 2:4). Wariʼ kraj ta kubʼij che awetaʼm chi ronojel ri kʼo pa ri Biblia chiʼ kabʼan aqasanjaʼ. Ri cristianos che kʼi chi junabʼ kibʼanom kiqasanjaʼ tajin na kketaʼmaj chrij ri Biblia (Colosenses 1:9, 10). Are kʼu ri más nim ubʼanik are che kawetaʼmaj ri qastzij che kʼo pa ri Biblia. Ri kʼamal taq bʼe re ri congregación kkilo we kʼo chi awetaʼmanik chrij ri Biblia.
2. ¿Jas rajawaxik kabʼano rech katkunik kabʼan aqasanjaʼ?
Ri Biblia kubʼij: «Rumal riʼ kʼexaʼ kʼuʼx alaq, tzelej alaq rukʼ ri Dios» (chasikʼij Hechos 3:19). Are wariʼ rajawaxik kabʼano chiʼ majaʼ kabʼan aqasanjaʼ. Are kʼu, ¿jas kraj kubʼij? Kraj kubʼij che kaya kan ubʼanik ri makaj y kataʼ kuybʼal amak che ri Jehová. Y che kabʼan ri utaqanik ri Dios. Xuqujeʼ kraj kubʼij che kamajij bʼenam pa ri e riqbʼal ibʼ o katux publicador che ubʼanom ta uqasanjaʼ.
3. ¿Jasche utz taj che kaxeʼj awibʼ kabʼan ri aqasanjaʼ?
E jujun kkixeʼj kibʼ y kkibʼij che weneʼ kekun taj kkibʼan ri kkitzujuj che ri Jehová. Qastzij che, weneʼ kʼo jujun mul katsachik, junam rukʼ ri xkikʼulmaj ri achijabʼ y ri ixoqibʼ che kʼo pa ri Biblia. Are kʼu chnaʼtaj chawe che ri Jehová kreyej taj che e tzʼaqat ri upatanelabʼ (chasikʼij Salmo 103:13, 14). Ri Jehová sibʼalaj kkikotik chiʼ kakoj achuqʼabʼ che ubʼanik, y katutoʼo. Ri Biblia kubʼij: «Man kʼo ta jas kkun che qatasik chrij ri loqʼoqʼebʼal ukʼuʼx ri Dios» (chasikʼij Romanos 8:38, 39).
CHANIMARISAJ RI AWETAʼMANIK
Chqilaʼ kebʼ bʼantajik che katutoʼo rech katkunik kabʼan aqasanjaʼ: retaʼmaxik uwach ri Jehová y ukʼamik ri tobʼanik che kuya chawe.
4. Qas chawetaʼmaj uwach ri Jehová
¿La rajawaxik kawetaʼmaj ronojel ri kubʼij ri Biblia rech katkunik kabʼan aqasanjaʼ? Rajawaxik taj, ri más nim ubʼanik are che kawetaʼmaj uwach ri Jehová rech kaloqʼoqʼej y katniman che. Chiwilaʼ ri VIDEO rech kawetaʼmaj jas kibʼanom jujun taq tijoxelabʼ re ri Biblia cho ronojel ri uwach Ulew. Tekʼuriʼ chixtzijon chrij wariʼ:
-
Junam rukʼ ri xqil pa ri video, ¿jas xetoʼw ri tijoxelabʼ rech xekunik xkibʼan kiqasanjaʼ?
Chisikʼij Romanos 12:2 y chixtzijon chrij wariʼ:
-
¿La kʼo jun jastaq ubʼanom chawe che kubʼan kebʼ akʼuʼx chrij ri kukʼut ri Biblia? ¿La kakojo che ri testigos rech Jehová kkikʼut ri qastzij?
-
¿Jas katkunik kabʼano we ubʼanom kebʼ akʼuʼx chrij ri kukʼut ri Biblia?
5. Chachʼijaʼ ri kʼax che weneʼ kariqo
Qonojel kqariq kʼax are chiʼ kqajach qakʼaslemal che ri Jehová y kqabʼan qaqasanjaʼ. Rech kqetaʼmaj chrij wariʼ chiwilaʼ ri VIDEO. Tekʼuriʼ chixtzijon chrij wariʼ:
-
¿Jas kʼax xuriq Narangerel che upatanexik ri Jehová?
-
¿Jas xtobʼan wi ri loqʼoqʼenik che kunaʼ che ri Jehová rech xuchʼij ri kʼax?
Chisikʼij Proverbios 29:25 y 2 Timoteo 1:7, y chixtzijon chrij wariʼ:
-
¿Jawchiʼ kpe wi ri qachuqʼabʼ che kajwataj chqe rech kqachʼij ri kʼax?
6. Chakubʼsaj akʼuʼx che ri Jehová katutoʼo
Jehová katutoʼ che ubʼanik ri kraj ri areʼ che kabʼano. Chiwilaʼ ri VIDEO y chixtzijon chrij wariʼ:
-
¿Jasche kuxeʼj ribʼ kubʼan uqasanjaʼ ri tijoxel che xqil pa ri video?
-
¿Jas xtoʼwik rech xukubʼsaj más ukʼuʼx chrij ri Jehová?
Chisikʼij Isaías 41:10, 13 y chixtzijon chrij wariʼ:
-
¿Jasche kakubʼsaj akʼuʼx che katkunik katzʼaqatisaj ubʼanik ri katzujuj che ri Dios?
7. Chamaltyoxij ri uloqʼoqʼebʼal ri Jehová
Are chiʼ kachomaj che ri Jehová katraj, más katmaltyoxin riʼ che y kawaj che amaqʼel kapatanij. Chisikʼij Salmo 40:5 y chixtzijon chrij wariʼ:
-
¿Jas sipanik uyaʼom ri Jehová che más utz kawilo?
Ri qʼaxal tzij Jeremías xuloqʼoqʼej ri Jehová y ri utzij, y sibʼalaj nim xril wi ri ubʼiʼ ri Dios. Ri areʼ xubʼij: «Ri e tzij la [kuya] kikotemal [che] ri wanimaʼ, rumal rech chi in ech la, Ajawaxel» Jehová (Jeremías 15:16). Tekʼuriʼ chatzalij uwach ri preguntas riʼ:
-
¿Jasche are jun nimalaj eqelen che oj testigos rech Jehová?
-
¿La kawaj kabʼan aqasanjaʼ rech katux testigo rech Jehová?
-
¿La kʼo katqʼatenik rech kabʼan ta ri aqasanjaʼ?
-
¿Jas rajawaxik kabʼano rech katkunik kabʼan aqasanjaʼ?
RI KKICHOMAJ JUJUN WINAQ: «Kinxeʼj wibʼ kinbʼan nuqasanjaʼ rumal che weneʼ kinbʼan jun mak».
-
¿La jeʼ kanaʼ at wariʼ?
RI XQETAʼMAJ
Rukʼ ri utobʼanik ri Jehová, katkunik kabʼan aqasanjaʼ y kaqʼaxej apachike kʼax.
¿La knaʼtaj chawe?
-
¿La rajawaxik kawetaʼmaj ronojel ri kubʼij ri Biblia rech katkunik kabʼan aqasanjaʼ?
-
¿Jas katkunik kabʼano rech kabʼan aqasanjaʼ?
-
¿Jasche kaya ta bʼe che ri xibʼin ibʼ katuqʼatej rech kabʼan aqasanjaʼ?
CHAWILAʼ CHI NIKʼAJ
Chawilaʼ jasche kachaʼ ubʼanik aqasanjaʼ.
Chawilaʼ jas kabʼano rech kachʼij ri kʼax.
«¿Jas kinqʼatenik che kinbʼan ta nuqasanjaʼ?» (La Atalaya, marzo 2019)
Chawilaʼ jas xubʼan jun achi rech xuchʼij ri kʼax y xkunik xubʼan uqasanjaʼ.
Nabʼe kanoq, jun achi ubʼiʼ Ataa xuxeʼj ribʼ xubʼan uqasanjaʼ. Chawilaʼ jas xtoʼwik rech xkunik xubʼano.
Wene' xuquje' utz kawilo
PREGUNTAS CHE AMAQʼEL KBʼANIK
¿Jas ubʼanik ri etaʼmanik re ri Biblia che kkiya ri testigos rech Jehová?
Katkunik kakoj apachike Biblia pa ri etaʼmanik che kkiya ri testigos rech Jehová che tojom taj. Y katkunik kabʼij chke konojel ri afamilia y ri e awachiʼl o nikʼaj chik.
