47 YACHACHIKUY
¿Listoñachu kashanki bautizakunaykipaq?
Ñataq unayña Bibliata estudiashanki chayqa imaymanakunatañachá Jehová Diosmanta yachashanki. Chaymantapas yaqapaschá yachasqaykiman jinaña imatapas ruwashanki, chhaynapitaq vidaykita cambiashanki. Ichaqa yaqapaschá imapas jark’ashasunkiraq Jehová Diosman entregakunaykipaq, promesata ruwaspa bautizakunaykipaq. Kaypin yachasun imakunas askha iñiqmasikunata jark’arqan, imaynatas chayta atiparqanku chaykunamanta. Yachasunmi imakunatas qanpas bautizakunaykipaq ruwawaq chaytapas.
1. ¿Maytukuytan Bibliamanta yachanayki bautizakunaykipaq?
Bautizakunaykipaqqa “cheqaq kaqmantan allinta yachanayki” (1 Timoteo 2:4). Chaywanqa manan “Bibliapi llapa imatan yachanayki, llapa tapukuqmanmi allinta explicanayki” nishanchischu. Unayña bautizasqa hermanonchiskunapas yachashallankun Bibliamantaqa (Colosenses 1:9, 10). Ichaqa allintan yachanayki Bibliapi wakin yachachikuykunata. Iñiq t’aqapi umalliqkunan yanapasunki imatapas allintachus entiendeshanki manachus, imakunaraqsi faltashasunki chayta yachanaykipaq.
2. ¿Imakunatan ruwanayki bautizakunaykipaq?
Bibliapin nishan: “Juchaykichismanta pesapakuychis jinaspa Diosman kutirikuychis”, nispa (leey Hechos 3:19). Chaytan manaraq bautizakushaspayki ruwanayki. Ichaqa, ¿imaninantaq chayri? Ima juchatapaschá ñaupaqpi ruwaranki, ima mana allinpipaschá puriranki, chaykunamantan sonqoykita nanachikunayki, jinaspa Jehová Diosmanta perdonta mañakunayki. Chaymantapas manañan ima mana allintapas ruwanaykichu, aswanmi kallpachakunayki Diospa munasqanman jina kausanaykipaq. Chaymantapas iñiqmasikunawan kuskan juñukunayki, paykunawan kuskan Diosmantapas willanayki.
3. ¿Imanaqtinmi mana manchakunaykichu bautizakuyta?
Wakinqa “manapaschá Jehová Diosman promesa ruwasqayta junt’ayta atisaqchu” nispan manchakunku bautizakuyta. Arí, mayninqa yaqapaschá pantasun imata ruwaspapas, chayqa pasaranmi Bibliapi willasqan Dios sonqo runakunatapas. Ichaqa Jehová Diosqa manan mana imapi pantaspa servinanchistachu munan (leey Salmos 103:13, 14). Payqa munan tukuy atisqaykita kallpachakunaykitan, chaywanmi payqa kusisqa kanqa. Chaymantapas yanapasunkin payqa. Bibliapi nisqan jina, manan imapas “Diospa munakuyninmantaqa t’aqawasunchu” (leey Romanos 8:38, 39).
ASTAWAN YACHASUNCHIS
Kunanqa yachasun imaynatas Jehová Diosta allinta reqsiy yanapayninta mañakuypas yanapawasunman ama manchakunapaq chayta.
4. Jehová Diosta allinta reqsiy
¿Maykaman Jehová Diosta reqsinayki bautizakunaykipaq? Sichus payman sonqoyki aysashasunki, paypa munayninman jinataq imatapas ruwayta munanki chayqa, allintañan reqsishanki. VIDEOTA qhawaychis, chaypin willashan imaynas pachantinpi Biblia estudiaqkuna Diosman entregakushanku chayta. Chaymantataq jamuq tapuyman jina parlariychis:
-
Chaypi qhawasqanchis jina, ¿iman wakinta yanaparqan bautizakunankupaq listo kashanankupaq?
Leeychis Romanos 12:2 textota, jinaspa jamuq tapuykunaman jina parlariychis:
-
¿Iskayashankichu Bibliapi kaq mayqen yachachikuymantapas? Qhawarisqaykiman jina, ¿Jehová Diospa testigonkuna cheqaq kaqtachu yachachinku?
-
Sichus iskayashankiraq chayqa, ¿imatan ruwawaq?
5. Ama imawanpas jark’achikuychu
Llapapaqpas manan facilchu Diosman prometekuspa bautizakuyqa, imaymana sasachakuykunatan atipana. Juj iñiqmasinchismanta yachanapaq VIDEOTA qhawaychis, jinaspa jamuq tapuykunaman jina parlariychis:
-
¿Ima sasachakuykunatan chay hermana atipanan karqan Jehová Diosta servinanpaq?
-
¿Imaynatan Diosta munakusqan yanaparqan chay sasachakuyta atipananpaq?
Leeychis Proverbios 29:25; 2 Timoteo 1:7 textokunata, jinaspa qatimuq tapuyman jina parlariychis:
-
¿Iman yanapawasun ima sasachakuytapas atipananchispaq?
6. Jehová Diosqa yanapasunkipunin
Jehová Diosqa yanapasunkin paypa munasqanman jina ruwanaykipaq. VIDEOTA qhawaychis, jinaspa jamuq tapuykunaman jina parlariychis:
-
¿Imanaqtinmi mana bautizakuyta munaranchu videopi rikusqanchis Biblia estudiaq runa?
-
¿Imapi piensaymi yanaparqan Jehová Diospi astawan confiananpaq?
Leeychis Isaías 41:10, 13 textota, jinaspa jamuq tapuyman jina parlariychis:
-
¿Imanaqtinmi mana iskayanaykichu Diosta servinaykipaq promesa ruwasqaykita junt’anaykimanta?
7. Jehová Diosqa maytan munakusunki, chaypi piensay
Jehová Diospa munakuyninpi astawan piensanki chayqa, astawanmi payta agradecekunki, astawantaqmi payta serviyta munanki. Leeychis Salmos 40:5 textota, jinaspa jamuq tapuyman jina parlariychis:
-
¿Jehová Diospa regalonkunamanta mayqen kaqkunatan astawan valoranki?
Profeta Jeremiasqa munakurqanmi Jehová Diostapas yachachisqantapas, chaymi payqa kusisqa willaq Diospa yachachiyninkunata. Jeremiasmi nirqan: “Simiykikunan anchatapuni sonqoyta kusichiwarqan, ejercitokunata kamachiq Jehová Dios, noqaqa sutiykitan apani”, nispa (Jeremías 15:16). Kunanqa jamuq tapuykunaman kutichiy:
-
¿Imanaqtinmi ancha allinpuni kanman Jehová Diospa testigon kay?
-
¿Munankichu bautizakuyta Jehová Diospa testigon kanaykipaq?
-
¿Imapas jark’ashasunkichu bautizakunaykita?
-
¿Imatan ruwawaq imachus jark’ashasunki chayta atipanaykipaq?
WAKIN RUNAKUNAN NINKU: “Manchakushanin, manapaschá promesa ruwasqayta junt’ayta atisaqchu, manapaschá Diospa testigon jinachu imatapas ruwasaq”, nispa.
-
¿Qanpas chhaynatachu piensashanki?
IMATAN YACHAMURQANCHIS
Bautizakunaykita imaña jark’ashasunki chaypas Jehová Diospa yanapayninwanqa atillankin, atipankin chay sasachakuyta.
Yuyarisun
-
¿Bibliapi llapa imatachu yachanayki bautizakunaykipaq?
-
¿Imakunatan ruwanayki bautizakunaykipaq?
-
¿Imanaqtinmi mana manchakunaykichu bautizakuyta?
ASTAWAN YACHANAYKIPAQ
¿Imakunatan qhawarinayki bautizakunaykipaq? Chaykunata kaypi yachay.
“¿Listoñachu kashanki bautizakunaykipaq?” (Qhawaq, 2020 watapi marzo killa)
¿Imakunan jark’ashasunkiman bautizakunaykipaq? ¿Imaynatan chaykunata atipawaq? Chaykunamantan kay qelqapi yachanki.
“¿Atiymanñachu bautizasqa kayta?” (Qhawaq, 2019 watapi marzo killa)
Kaypin willashan imakunatas juj hermano ruwarqan bautizakunanpaq chayta.
Qallariypiqa Ataa sutiyoq runaqa iskayasharqanmi bautizakunanmanta. ¿Iman yanaparqan ama iskayaspa bautizakunanpaq?
Astawan yachanaykipaq
SAPA KUTILLA TAPUKUSQANKU
¿Imaynatan Jehová Diospa testigonkuna Bibliamanta yachachinku?
Jehová Diospa testigonkunawan Bibliata estudiaspaqa, munasqayki Bibliawanmi estudiawaq. Chaymantapas llapa familiaykita amigoykikunata iman invitawaq. Chayqa manan qolqepaqchu.
