LECCIÓN 47
Bautizaringapaca ¿preparadochu capangui?
Quiquin Bibliata yachajushcamandami Jehová Diostaca ashtahuan rijsi ushapashcangui. Shinallata Bibliapi yachajushcata pactachingapami quiquinba causaipica huaquin cambiocunata rurapashcangui. Shinapash Jehovatalla sirvinata decidishpa bautizarichunga talvez imapash jarcaicunatachari charipangui. Cai leccionbica ashtaca Bibliata yachajujcuna jarcaicunata charishpapash, chai jarcaicunata mishashpa bautizari ushashcatami ricupashun. Shinallata quiquinbash bautizari ushachun imata rurai ushashcatapashmi ricupashun.
1. Bautizaringapaca ¿Bibliamanda tucuitapacha yachanachu minishtirin?
Bautizaringapaca Jehová Diospa ‘cabal yachachishcacunatami aligutapacha yachajunaʼ capangui (1 Timoteo 2:4). Cai shimicunaca, nara bautizarishpallata Bibliamanda tucuitapacha yachana cashcataca na nijunllu. Ashtaca huatacunata bautizarishca cristianocunapashmi Bibliamandaca yachajushpa catinajun (Colosenses 1:9, 10). Shinapash Bibliapa importante yachachishcacunatarami ali ali intindina capangui. Congregacionmanda huauqui ancianocunapashmi Bibliapa yachachishcacunata quiquin ali intindijujta o na intindijujta ricushpapash ayudapanga.
2. Bautizaringapaca ¿imacunatallata rurana capangui?
Bibliapica “quiquingunapa pecadocunata perdonachunga arripintirishpami, Taita Diosman tigrana canguichi” ninmi (Hechos 3:19, liipangui). Cai shimicunapi nishcataca nara bautizarishpallatami pactachina capangui. Y chaipaca nali juchacunamanda arrepintirishpa, Jehová Diosta tucui shunguhuan perdonahuai nishpa oracionda rurana capangui. Shinallata nali ruraicunata saquitapacha saquishpa Jehová munashcashna causana capangui. Y ashtahuanbash tucui reuniongunamanbashmi rina capangui. Shinallata predicangapaj publicador no bautizadomi cana capangui.
3. Bautizarinata manllai mishachunga ¿imamandata na saquina capangui?
Huaquingunaca Jehová Diosman imata prometishcata na pactachi ushashachu nishpami manllan. Quiquinbash punda tiempopi Jehovata sirvijcunashnallata pandaringuimi. Pero Jehová Diosca paita sirvijcuna perfecto cachunga na shuyanllu (Salmo 103:13, 14, liipangui). Jehová Diosca quiquin usharishcaguta rurangapaj esforzarijta ricushpaca ninandami cushijunga. Y chaipaca Jehová Diosllatami ayudapanga. Ashtahuanbash nipipash Jehová Diospa “juyaimandaca na separaita ushangachu” (Romanos 8:38, 39, liipangui).
ASHTAHUAN YACHAJUPASHUNCHI
Cunanga Jehová Diosta ali rijsina y paipa ayudata chasquinapash imashina bautizarina manllaita mishachun ayudajtami ricugripanchi.
4. Jehová Diosta ashtahuan ali rijsipai
Bautizaringapaca ¿mashnatapachata Jehová Diostaca rijsina capangui? Jehová Diosta ali rijsishpami paita tucui shunguhuan juyashpa cazuna munaita charipangui. Cai VIDEOTA ricushpami mundo enteropi Bibliata yachajujcuna imata rurashcata ricupangui. Jipaca cai tapuita contestapangui:
-
Videopi ricushcashnaca huaquin Bibliata yachajujcuna bautizaringapaj listo cachunga ¿imata ayudashca?
Romanos 12:2ta liishpa, cai tapuicunata contestapangui:
-
¿Bibliapa yachachishcacunataca cripanguichu? ¿Testigo de Jehovacuna cabalta yachachijtaca cripanguichu?
-
Na ashta crijushpaca ¿imatata rurai ushapangui?
5. Imapash jarcaicunata mishapangui
Tucuicunami Jehová Diosta sirvinata decidishpa bautizarishpaca imapash problemacunata chimbapurana tucupashcanchi. Shuj casopi ima pasashcata yachangapaca VIDEOTA ricushpa, cai tapuicunata contestapangui:
-
Narangerelca Jehová Diosta sirvingapaca ¿ima jarcaicunatata chimbapurana tucurca?
-
Jehová Diosta tucui shunguhuan juyanaca ¿imashinata cai jarcaicunata mishachun ayudarca?
Proverbios 29:25 y 2 Timoteo 1:7ta liishpa, cai tapuita contestapangui:
-
Na manllashpa imapash jarcaicunata mishai ushangapaca ¿maimandata fuerzataca llujchi ushapanchi?
6. Jehová Dios ayudanapi tucui shunguhuan confiapangui
Jehová Diosca paipa munaita rurachunga quiquindaca siempremi ayudapanga. VIDEOTA ricushpa, cai tapuicunata contestapangui:
-
Cai videopi ricushca Bibliamanda yachajujca ¿imamandata bautizarinataca manllan carca?
-
Jehová Diospi ashtahuan confiachunga ¿imata ayudarca?
Isaías 41:10 y 13ta liishpa, cai tapuita contestapangui:
-
Jehová Diostalla sirvisha nishcata pactachinataca ¿imamandata seguro caita ushapangui?
7. Jehová Dios juyaj Dios cashcamanda agradecishcata ricuchipai
Quiquinda Jehová Dios ninanda juyashcapi pensarishpaca ashtahuan agradecishpami paita para siempre sirvina munaita charipangui. Salmo 40:5ta liishpa, cai tapuita contestapangui:
-
Quiquinbaca ¿Jehovapa carashcacunamandaca maijanda ashtahuan valishca capan?
Profeta Jeremiasca Jehovata y paipa mandashcacunatapash ninandami juyarca. Paipaca Jehová Diospa shutiguta apanaca ninan valishcami carca. Paica “cambaj shimica, ñuca shungupi ninandapacha cushichingapajmi carca. Tucuita Mandaj Dioslla, cambaj shutita ñucamanda alicachinajujpi, chashna carca” nircami (Jeremías 15:16). Cai tapuicunata contestapangui:
-
Testigo de Jehová canaca ¿imamandata valishca can?
-
¿Bautizarishpa testigo de Jehová tucungapaj munapanguichu?
-
Bautizaringapaca ¿imapash jarcaicunata charipanguichu?
-
Bautizarina metata pactachingapaca ¿imatata rurai ushapangui?
HUAQUINGUNACA, “Bautizaringapaj Jehovaman imata prometishcataca na pactachi ushashachu yanimi” ninmi.
-
Quiquinbash ¿shinallatachu pensapangui?
YARINGAPAJ
Ama bautizarichun imapash jarcaicuna ricurijpica Jehová Diospa ayudahuanga chai jarcaicunataca mishai ushapanguimi.
¿Imatata yachajupashcanchi?
-
Bautizaringapaca ¿Bibliamandaca tucuitapacha yachanachu minishtirin?
-
Bautizari ushangapaca ¿imacunatallata rurana capangui?
-
Bautizarinata manllai mishachunga ¿imamandata na saquina capangui?
CAITAPASH RICUPAI
Imamanda bautizarinata decidijushcata pensaripangui.
“¿Bautizaringapaca listochu capangui?” (Villajun revista, marzo de 2020)
Imapash jarcaicunata imashina mishanata ricupangui.
“Ñuca bautizaringapaca ¿imapash jarcahuangachu?” (Villajun revista, marzo de 2019)
Ama bautizarichun jarcaicuna ricurijpipash shuj mishugu chaicunata imashina mishai ushashcata ricupai.
Ataa shuti jariguca primeroca bautizarinata o na bautizarinataca na seguro carcachu. Cai importante decisionda japichun ima ayudashcata ricupai.
Cai temacunata ashtahuan liipai
GENTECUNAPA TAPUICUNA
Testigo de Jehovacunaca ¿imashinata Bibliamandaca yachachinchi?
Testigo de Jehovacunahuan Bibliamanda yachajujushpaca quiquin charishca Bibliatallatami utilizaita ushapangui. Bibliamanda yachajujushpaca quiquinba familiata o pitapash invitaita ushapanguillami.
