LESOGNE 47
Vognogne Hatao Badisa Vata’e vao Rehe?
Fa maro ty raha fanta’o miomba i Jehovah tagnate ze fotoagne nianara’o Baiboly zay. Azo antoke fa nampihatse ty raha nianara’o rehe. Faie va’e misy raha misakagne azo tsy hanokan-tegna naho hatao badisa. Horehafegne amy ty lesogne toy ato tie ino ty raha ila’e misakagne o ndatio tsy hatao badisa, sady akore ty handreseagne irey.
1. Tsy maintsy mahafantatse raha maro vao rehe vaho izay azo atao badisa?
Aloha ty hanoagne azo badisa, le tsy maintsy “mahafantatse soa ty hamarenagne” rehe. (1 Timoty 2:4) Midika vao zay fa tsy maintsy hai’o iaby ty vale ze fagnonteneagne miomba o Baibolio aloha ty hanoagne azo badisa? Ndra o Kristiana fa vita badisa fa elao aza, le mila mbe manohy mianatse avao. (Kolosianina 1:9, 10) Faie toko’e ho hai’o soa ze fampianaragne fototse agnate Baiboly ao. Afake magnampe azo hahafantatse ty fahatakara’o ty hamarenagne amy Baiboly ao o androanavi-pagnahio.
2. Inogne iaby ty raha toko’e hatao’o aloha ty hanoagne azo badisa?
Aloha ty hanoagne azo badisa, le tsy maintsy “mibebake sady miova” rehe. (Vakio ty Asan’ny Apostoly 3:19.) Midika zay fa manegnegne amy ty fahotagne natao’o taloha rehe sady mangatake famelan-keloke amy i Jehovah. Tsy atao’o sasa i raha tsy tea i Jehovah rey sady tapa-kevetse rehe hanao ze raha mampifale aze amy ty fiaigna’o. Toko’e hivory naho hitory miarake amo o fiangonagneo ka rehe.
3. Nagnino ro tsy toko’e hengà’o hikalagne azo tsy hatao badisa o tahotseo?
Matahotse ty ndaty ila’e kera tsy ho vita’e i raha nampitamae’e i Jehovah-y. Maregne fa va’e hanao fahadisoagne rehe kindraike. Ndra o lahilahy naho o ampela tsy mivalike rehafe ty Baiboly reo aza mbe nanao izay ka. Faie tsy mitamà ty Jehovah tie tsy hanao fahadisoagne ty mpanompo’e. (Vakio ty Salamo 103:13, 14.) Fale reke naho fa manao ze fara’e soa vita’o rehe. Hagnampe azo reke. Magnomey toky azo aza reke tie ‘tsy hisy hahasarake antikagne amy ty hatea’e.’—Vakio ty Romanina 8:38, 39.
ANDAO HANDINEKE TY PITSOPITSO’E
Hodinehentikagne ato tie handrese ze raha misakagne azo tsy hatao badisa rehe naho mikezake hahafantatse soa i Jehovah sady magneke hampea’e.
4. Mikezaha hahafantatse soa i Jehovah
Toko’e hanao akore ty raha fanta’o miomba i Jehovah, vaho izay rehe azo atao badisa? Toko’e hahafantatse soa i Jehovah rehe amy izay ho tea aze sady te hampifale aze. Alefaso i VIDEO oy mba hahatreava’o ty raha natao ty ndaty ila’e taloha ty nanoagne aze badisa. Iharò midineke ty fagnonteneagne toy naho fa avy eo.
-
Arake i video teoy, ino ty nagnampe i ndaty tao rey mba ho vognogne hatao badisa?
Vakio ty Romanina 12:2, sady iharò midineke ty fagnonteneagne retoa:
-
Mbe misy raha mampisalasala azo vao ty raha ampianare ty Baiboly? Sa misalasala vao rehe tie maregne sa tsy maregne ty raha ampianare o Vavolombelo i Jehovah-o?
-
Ino ty raha azo’o atao naho misalasala rehe?
5. Reseo ze raha misakagne azo tsy hatao badisa
Tsy maintsy miatreke olagne tikagne naho fa tapa-kevetse hanokan-tegna hoahy i Jehovah sady hatao badisa. Inogne ohatse ty olagne va’e hatrehentikagne? Alefaso i VIDEO oy, sady iharò midineke ty fagnonteneagne retoa naho fa avy eo.
-
Arake i video teoy, ino ty raha sarotse tsy maintsy niresé i Narangerel mba hahafaha’e hanompo i Jehovah?
-
Nagnino ro nagnampe aze handrese i raha sarotsey ty hatea’e i Jehovah?
Vakio ty Ohabolana 29:25 naho ty 2 Timoty 1:7, sady iharò midineke ty fagnonteneagne toy:
-
Ino ty hagnampe antikagne hanagne herim-po handreseagne raha sarotse?
6. Matokia fa hagnampe azo ty Jehovah
Hagnampe azo ty Jehovah mba hahafaha’o manao raha mampifale aze. Alefaso i VIDEO oy, sady iharò midineke ty fagnonteneagne retoa.
-
Arake i video teoy, nagnino i mpianatse Baibolỳ ro nisalasala hatao badisa?
-
Ino ty nagnampe aze mba hatoky i Jehovah?
Vakio ty Isaia 41:10, 13, sady iharò midineke ty fagnonteneagne toy:
-
Nagnino rehe ro afake matoky fa ho vita’o ty hagnatanterake i vava natao’o tamy i fanokanan-tegna’oỳ?
7. Mikezaha hankasitrake ty hatea i Jehovah azo
Naho fa misaintsaigne ty hatea i Jehovah azo rehe, le vao mainke te hankasitrake aze sady te hanompo aze nainai’e. Vakio ty Salamo 40:5, sady iharò midineke ty fagnonteneagne toy:
-
Inogne iaby ty fitahiagne nimey i Jehovah azo, sady tena ankasitraha’o?
Teà i Jeremia mpaminany ty Jehovah naho ty saontsi’e. Fale ka reke satria managne tombotsoa hisolo tegna i Jehovah. Nirehake reke tie: “Mampirebeke ahy ty saontsi’o sady mahafale ty foko. Fa tokavegne amy ty tahina’o raho, ry Jehovah Andrianagnahareko.” (Jeremia 15:16) Iharò midineke ty fagnonteneagne retoa:
-
Nagnino ro tombotsoa miambake tihoe Vavolombelo i Jehovah?
-
Te hatao badisa vao rehe, le hanjare Vavolombelo i Jehovah?
-
Misy raha misakagne azo tsy hatao badisa vao?
-
Ino ty raha mbe toko’e hatao’o, mba hahavy azo hatao badisa?
MISY TY MIREHAKE TIE: “Tsy ho vitako ty hitagne i vava nataokoy naho fa vita badisa raho.”
-
Hoe izay ka vao ty tsapa’o?
FAMINTIGNAGNE
Naho fa ampea i Jehovah rehe, le ho vita’o ty handrese ze raha misakagne azo tsy hatao badisa.
Fameregnagne
-
Tsy maintsy hai’o iaby vao ze raha agnate Baiboly ao vaho izay rehe azo atao badisa?
-
Inogne iaby ty fiovagne toko’e hatao’o aloha ty hanoagne azo badisa?
-
Nagnino ro tsy toko’e hengà’o hikalagne azo tsy hatao badisa o tahotseo?
FAGNAZAVAGNE FAGNAMPE’E
Dineho ato tie, ino ty toko’e handrisike azo hatao badisa.
“Vognogne Hatao Badisa Vata’e vao Rehe?” (Fitalakesan-davitse Marsa 2020)
Ho trea’o ato tie, ino ty raha ila’e va’e hikalagne azo tsy hatao badisa, sady akore ty handresea’o irey.
“Inogne ty Mitagne Ahy Tsy Hatao Badisa?” (Fitalakesan-davitse Marsa 2019)
Ho trea’o ato fa nahavita nandrese raha sarotse ty lahilahy raike toy mba hahavy aze hatao badisa. Ino ty natao’e?
Nisalasala ty hatao badisa ty lahilahy raike atao tihoe Ataa toy tamy ty voaloha’e. Ho trea’o ato ty raha nagnampe aze ho rese lahatse.
Va'e ho Tea'o Ka
FAGNONTENEAGNE FAPETRA O NDATIO
Inogne ty Atao Tihoe Fianaragne Baiboly?
Afake mampiasa ze Baiboly tea’o rehe naho fa mianatse Baiboly amy ty Vavolombelo i Jehovah. Maimaimpoagne i fianaragney sady afake taone’o hiarake hianatse ama’o ka ty keleia’o ndra ty ragne’o.
