47-ДӘРИС
Суға чөмдүрүлүшкә тәйярмусиз?
Сиз Муқәддәс Язмиларни тәтқиқ қилип үгиниш арқилиқ Йәһва Худа тоғрилиқ нурғун билимгә егә болдиңиз. Әшу үгәнгәнлириңизни әмәлий қоллиниш үчүн бәзи өзгәртишләрни қилдиңиз. Лекин өз һаятиңизни Йәһваға беғишлаш вә чөмдүрүлүшкә тосалғу болуватқан бәзи нәрсиләр бар болуши мүмкин. Бу дәристә чөмдүрүлүш қәдимини бесишқа тосалғу болидиған бәзи қийинчилиқларни вә уларни қандақ йеңиш һәққидә муһакимә қилимиз.
1. Чөмдүрүлүштин бурун қанчилик билим елишиңиз керәк?
Сиз суға чөмдүрүлүш үчүн, һәқиқәт тоғрилиқ ениқ билимгә егә болушиңиз керәк (Тимотийға 1-хәт 2:4). Бу һәргизму чөмдүрүлүштин авал Муқәддәс Язмилар һәққидики барлиқ соалларниң җаваплирини билишиңиз керәк дегәнни билдүрмәйду. Һәтта узун жиллар бурун чөмдүрүлгән етиқатчиларму билим елишни давамлаштуриду (Колосилиқларға 1:9, 10). Амма сиз чоқум Муқәддәс китапниң асасий тәлимлирини чүшинишиңиз лазим. Җамаәт ақсақаллири йетәрлик билимгә егә болған-болмиғанлиғиңизни ениқлишиңизға ярдәм бериду.
2. Чөмдүрүлүштин бурун қайси қәдәмләрни бесишиңиз керәк?
Чөмдүрүлүштин авал, чоқум товва қилип, тоғра йолға меңишиңиз керәк (Әлчиләр 3:19ни оқуң). Бу дегәнлик, сиз өтмүштә қилған барлиқ гуналириңизға чин қәлбиңиздин пушайман қилип, Йәһвадин кәчүрүм тиләшни билдүриду. Сиз йәнә яман адәтләрни пүтүнләй ташлап, Худани хурсән қилип яшашни қәтъий қарар қилишиңиз лазим. Буниңдин башқа, җамаәт билән биргә ибадәт жиғилишлириға вә суға чөмдүрүлмигән вәз ейтқучи сүпитидә вәз ейтиш хизмитигә қатнишишиңиз керәк.
3. Немә үчүн алдиңизға қәдәм ташлаштин қорқмаслиғиңиз керәк?
Бәзиләр өзлириниң Йәһваға бәргән вәдисини орунлалмай қелишидин қорқиду. Әлвәттә, сиз бәзи чағларда хаталиқларни өткүзүп қалисиз. Һәтта Муқәддәс китапта тилға елинған садиқ әр вә аял хизмәтчиләрму хаталиқ өткүзгән. Бирақ Йәһва Худа Өзигә ибадәт қилғучиларниң мукәммәл болушини тәләп қилмайду (Зәбур 103:13, 14ни оқуң). Күчиңиз йетишичә тиришсиңиз, Йәһва хурсән болиду вә сизгә ярдәм бериду! Әмәлийәттә, Йәһва бизгә вәдә бәргәнки, һечнәрсә бизни Униң «меһир-муһәббитидин айриветәлмәйду» (Римлиқларға 8:38, 39ни оқуң).
ЧОҢҚУРИРАҚ ҚЕЗИҢ
Йәһва билән техиму яхширақ тонушуш вә Униң ярдимини қобул қилиш арқилиқ чөмдүрүлүшкә тосалғу болидиған қийинчилиқларни қандақ йеңәләйдиғанлиғиңизни биливелиң.
4. Йәһвани техиму яхширақ тонуң
Суға чөмдүрүлүштин авал Йәһва Худани қанчилик яхши тонушиңиз керәк? У һәққидә билгәнлириңиз сизни Уни сөйүшкә һәмдә хурсән қилишқа үндиши лазим. ВИДЕОНИ көрүп, дунияниң һәрқайси җай-җайлиридики Муқәддәс китапни тәтқиқ қилип үгәнгәнләрниң бу муһим қәдәмни қандақ басқанлиғини биливелиң.
-
Бу видеода бәзи кишиләрниң чөмдүрүлүшкә өзини тәйярлишиға немә ярдәм бәргән?
Римлиқларға 12:2ни оқуң, кейин төвәндики соалларға җавап бериң:
-
Сиз Муқәддәс китапта һәқиқәт йезилғанлиғиға яки Йәһва гувачилириниң һәқиқәтни үгитидиғанлиғиға гуманлинамсиз?
-
Әгәр гуманлириңиз бар болса, немә қилалайсиз?
5. Тосалғу болидиған қийинчилиқларни йеңиң
Биз һаятимизни Йәһваға беғишлашни вә чөмдүрүлүшни қарар қилғинимизда, һәрбиримиз қийинчилиқларға дуч келимиз. ВИДЕОНИ көрүң, кейин төвәндики соаллар үстидә ойлинип көрүң.
-
Бу видеода Нарангерел Йәһваға хизмәт қилиш үчүн қандақ тосалғуларни йеңиши керәк еди?
-
Униң бу тосалғуларни йеңишигә Йәһваға болған сөйгү-муһәббити қандақ ярдәм бәргән?
Пәнд-нәсиһәтләр 29:25 вә Тимотийға 2-хәт 1:7ни оқуң, кейин төвәндики соалға җавап бериң:
-
Тосалғуларни йеңиш үчүн қандақ қилип җасарәтлик болалаймиз?
6. Йәһваниң ярдимигә ишиниң
Йәһва Худа Өзи сизниң Уни хурсән қилишиңизға ярдәм бериду. ВИДЕОНИ көрүң, кейин төвәндики соаллар үстидә ойлинип көрүң.
-
Бу видеода Муқәддәс китапни үгәнгән кишиниң суға чөмдүрүлүшигә немә тосалғу болған?
-
Неминиң ярдимидә у Йәһваға болған ишәнчисини күчәйткән?
Йәшая 41:10, 13ни оқуң, кейин төвәндики соалға җавап бериң:
-
Һаятиңизни Йәһваға беғишлиғанда бәргән вәдиңизни орунлалайдиғанлиғиңизға немә үчүн ишәнч қилалайсиз?
7. Йәһваниң сөйгү-муһәббитигә болған миннәтдарлиғиңизни чоңқурлаштуруң
Йәһваниң сизгә болған сөйгү-муһәббити тоғрисида қанчә көп ойлансиңиз, миннәтдарлиғиңиз шунчә чоңқурлишиду вә Униңға мәңгү хизмәт қилиш истигиңиз техиму күчийиду. Зәбур 40:5ни оқуң, кейин төвәндики соалға җавап бериң:
-
Йәһва Худаниң қайси бәрикити үчүн сиз алаһидә миннәтдар?
Йәрәмия пәйғәмбәр Йәһвани вә Униң Сөзини яхши көргән. У Йәһваниң исми билән атилиш шан-шәрипи үчүн миннәтдар болған. У: «Сөзлириң мени иптихарландуруп, қәлбимни шат-хорамлиққа чөмдүрди. Чүнки мән Сениң исмиң билән аталғанмән, әй,... Тәңри Йәһва!» (Йәрәмия 15:16, ЙД). Төвәндики соалларға җавап бериң:
-
Немә үчүн Йәһва гувачиси болуш алаһидә имтияз?
-
Чөмдүрүлүштин өтүп, Йәһва гувачиси болушни халамсиз?
-
Бундақ қилишиңизға тосалғу болидиған бирәр нәрсә барму?
-
Сизниңчә, чөмдүрүлүш мәхситигә йетиш үчүн немиләрни қилишиңиз керәк?
БӘЗИЛӘР МУНДАҚ ДӘЙДУ: «Чөмдүрүлгәндә бәргән вәдәмни орунлалмаймән дәп қорқумән».
-
Сизму шундақ һис қиламсиз?
ХУЛАСӘ
Йәһва Худаниң ярдими билән чөмдүрүлүшиңизгә тосалғу болидиған һәрқандақ қийинчилиқларни йеңип кетәләйсиз.
Тәкрарлаш
-
Суға чөмдүрүлүш үчүн Муқәддәс китап һәққидә қанчилик билимиңиз болуши лазим?
-
Чөмдүрүлүштин бурун қандақ өзгәртишләрни қилишиңиз керәк?
-
Немә үчүн қорқунучниң чөмдүрүлүшиңизгә тосалғу болушиға йол қоймаслиғиңиз керәк?
ИЗДИНИП КӨРҮҢ
Немә сәвәптин суға чөмдүрүлүшни қарар қилишиңиз керәк?
«Сиз чөмдүрүлүшкә тәйярму?» («Күзитиш мунари» 2020-жил, март)
Суға чөмдүрүлүшиңизгә қандақ ишлар тосалғу болуши мүмкин? Уларни қандақ йеңәләйдиғанлиғиңизни көрүп беқиң.
«Чөмдүрүлүшимгә немә тосқунлуқ қилиду?» («Күзитиш мунари» 2019-жил, март)
Бир кишиниң чөмдүрүлүшкә тосалғу болидиған бәзи чоң қийинчилиқларни қандақ йәңгәнлигини биливелиң.
Дәсләптә Атаа исимлиқ киши чөмдүрүлүштин иккиләнгән. Униң бу муһим қәдәмни бесишиға немә ярдәм бәргәнлигини көрүп беқиң.
Буларғиму қизиқишиңиз мүмкин
КӨПЧИЛИКНИ ҚИЗИҚТУРИДИҒАН СОАЛЛАР
Муқәддәс китаптин билим елиш үчүн Йәһва гувачилири билән тәтқиқ қилиш қандақ өткүзүлиду?
Өзүңизгә тонушлуқ һәрқандақ Муқәддәс китапни ишлитип, Йәһва гувачилири тәминлигән һәқсиз билим елиш дәрислирини тәтқиқ қилип үгәнсиңиз болиду. Тәтқиқ үгинишкә пүтүн аилә әзалириңизни яки достлириңизни чақирсиңиз болиду.
