LECCIÓN 47
¿Ñee maʼ nuuluʼ listu para chuʼnísaluʼ la?
Guiráʼ ni maʼ biziidiluʼ de lu Biblia, maʼ gucané ni lii gunibiaʼluʼ Jehová jma. Ne zándaca maʼ cayúniluʼ stipa pur guchaaluʼ modo nabániluʼ ne gúniluʼ ni caziidiluʼ. Peru zándaca nuu xiixa ni cucueeza lii gudiiluʼ xpídaluʼ Jehová ne chuʼnísaluʼ. Lu lección riʼ zazíʼdinu xi guendanagana huadxiilú stale binni para ganda chúʼnisa ne xi zanda gúniluʼ para ganda chuʼnísaluʼ.
1. ¿Ñee caquiiñeʼ gánnaluʼ stale de lu Biblia para chuʼnísaluʼ la?
Guiráʼ ca ni napa gana chúʼnisa, caquiiñeʼ «guiziidiʼ chaahuicaʼ ni dxandíʼ» (1 Timoteo 2:4). Qué riníʼ diʼ nga caquiiñeʼ gánnaluʼ stale para ganda guicábiluʼ guiráʼ pregunta gúnicabe lii de lu Biblia. Dede ca xpinni Cristu ni maʼ xadxí de guyuunisa caquiiñeʼ guiziidirucaʼ (Colosenses 1:9, 10). Ni caquiiñeʼ guiéneluʼ nga ca cosa jma risaca zeeda lu Biblia. Ne ca ancianu nga zacané lii gánnaluʼ pa maʼ riene chaahuiluʼ ca ni.
2. ¿Xi caquiiñeʼ gúniluʼ ante chuʼnísaluʼ?
Biblia cayabi laanu xi caquiiñeʼ gúninu ante chuʼnísanu: «Lagaca arrepentir ne laibiguetaʼ ra nuu Dios» (biindaʼ Hechos 3:19). ¿Ximodo zanda gúniluʼ ni ruzeeteʼ textu riʼ yaʼ? Naquiiñeʼ gaca arrepentirluʼ de guidubi ladxidoʼloʼ pur guiráʼ cosa malu bíʼniluʼ dxiqué ne guinábaluʼ perdón Jehová. Ne laaca naquiiñeʼ quixhe íqueluʼ guibániluʼ modo racalaʼdxiʼ Dios ne maʼ cadi gúniluʼ cosa malu. Laaca cadi naquiiñeʼ gusaana de guni participarluʼ lu guiráʼ ni runi ca xpinni Cristu ni nuu ndaaniʼ congregación, nin guiaadxaluʼ reunión ne guni predicarluʼ neca caʼruʼ chuʼnísaluʼ.
3. ¿Xiñee cadi naquiiñeʼ guidxíbiluʼ chuʼnísaluʼ?
Nuu tu laa ridxibi gucheené Jehová ne maʼ qué guni ni guni prometer laabe. Dxandíʼ, ziuu biaje zucheeluʼ, cásica stale hombre ne gunaa ni qué nixeleʼ de Dios ni riete lu Biblia. Peru cadi guiaandaʼ lii nanna Jehová binni ruchee guiráʼ ca xpinni (biindaʼ Salmo 103:13, 14). Ziecheʼ Jehová pa gúniluʼ stipa gúniluʼ ni ná ne zacanebe lii. Stiidxabe cayabi laanu gastiʼ «qué zanda guxheleʼ laanu de guendarannaxhii stiʼ Dios» (biindaʼ Romanos 8:38, 39).
GUIZÍʼDIRUNU JMA
Guidúʼyanu chupa cosa ni zacané lii gudxiiluluʼ intiica ni gacalaʼdxiʼ gucueeza lii de chuʼnísaluʼ: gunibiáʼ chaahuiluʼ Jehová ne gudiiluʼ lugar gacanebe lii.
4. Binibiáʼ chaahuiʼ Jehová
¿Pabiáʼ naquiiñeʼ gunibiáʼ chaahuiluʼ Jehová ante chuʼnísaluʼ? Caquiiñeʼ gunibiáʼ chaahuiluʼ Jehová dede gannaxhiiluʼ laa ne gacaláʼdxiluʼ guzuubaluʼ stiidxaʼ. Laguuyaʼ VIDEU riʼ para gánnatu xi huayuni caadxi binni ruundaʼ Biblia para gannaxhiicaʼ Jehová. Despué laiquiiñeʼ pregunta riʼ para güitu diidxaʼ:
-
Casi bihuinni lu videu riʼ, ¿xi gucané caadxi binni chuʼcaʼ listu para chuʼnísacaʼ?
Laguundaʼ Romanos 12:2 ne laiquiiñeʼ ca pregunta riʼ para güitu diidxaʼ:
-
¿Ñee nuu xiixa ni rusiidiʼ Biblia cadi cayéneluʼ la? ¿Ñee runi creluʼ rusiidiʼ ca testigu stiʼ Jehová ni dxandíʼ la?
-
¿Xi zanda gúniluʼ pa nápaluʼ duda?
5. Cadi gudiiluʼ lugar gucueeza gastiʼ lii
Guiranu nga ridxaagalunu guendanagana ora runi decidirnu gudiʼnu xpídanu Jehová ne chuʼnísanu. Para gunibiaʼtu ti binni ni bizaaca ni la? laguuyaʼ VIDEU riʼ. Despué laiquiiñeʼ ca pregunta riʼ para güitu diidxaʼ:
-
¿Xi guendanagana bidxiilú Narangerel para ganda guni ni ná Jehová?
-
¿Ximodo gucané guendarannaxhii ni napa Narangerel Jehová para gunda bidxiilú ca guendanagana gupa?
Laguundaʼ Proverbios 29:25 ne 2 Timoteo 1:7, ne laiquiiñeʼ pregunta riʼ para güitu diidxaʼ:
-
¿Xi zanda gacané laanu gápanu valor para gudxíʼlunu intiica guendanagana?
6. Gupa confianza zacané Jehová lii
Zacané Jehová lii para gúniluʼ ni ná. Laguuyaʼ VIDEU riʼ ne laiquiiñeʼ ca pregunta riʼ para güitu diidxaʼ:
-
¿Xiñee qué náʼ hombre ni bihuinni lu videu riʼ chúʼnisa?
-
¿Xi gucané laabe gápabe confianza zacané Jehová laabe?
Laguundaʼ Isaías 41:10, 13 ne laiquiiñeʼ pregunta riʼ para güitu diidxaʼ:
-
¿Xiñee zanda chuʼluʼ seguru zanda guni cumplirluʼ promesa gúniluʼ Jehová ora gudiiluʼ xpídaluʼ laa?
7. Bisihuinni rudiiluʼ xquixe peʼ Jehová pur nadxii lii
Ora guiníʼ íqueluʼ pabiáʼ nadxii Jehová lii, jma zucaani lii gudiiluʼ xquixe peʼ laabe, ne cadi gusaana de gúniluʼ ni nabe. Laguundaʼ Salmo 40:5 ne laiquiiñeʼ pregunta riʼ para güitu diidxaʼ:
-
Lade guiráʼ ni maʼ bisigaʼdeʼ Jehová lii, ¿gunáʼ ni jma rusisácaluʼ?
Guizáʼ gunnaxhii profeta Jeremías Jehová ne Stiidxaʼ, ne laaca bisaca para laa guni xhiiñaʼ Jehová. Laabe guniʼbe: «Dxi bidxelaʼ diidxaʼ stiluʼ, gudahuaʼ ni; ne bisiecheʼ stiidxaluʼ ladxiduáʼ; purtiʼ canacaaʼ laluʼ, Jehová» (Jeremías 15:16). Yanna, bicabi ca pregunta riʼ:
-
¿Xiñee ti ndaayaʼ naroʼbaʼ nga gácaluʼ ti testigu stiʼ Jehová?
-
¿Ñee nápaluʼ gana chuʼnísaluʼ para gácaluʼ ti testigu stiʼ Jehová la?
-
¿Ñee nuu xiixa ni cucueeza lii la?
-
¿Xi zanda gúniluʼ para chuʼnísaluʼ?
NUU TU NÁ: «Ridxibeʼ gueeda gucheeniaʼ Jehová ne maʼ qué guneʼ ni naquiiñeʼ guni ti Testigu ni maʼ guyuunisa».
-
¿Ñee zacaca runi sentirluʼ la?
XI BIZÍʼDINU
Zanda gacané Jehová lii gudxiiluluʼ intiica guendanagana ni gacalaʼdxiʼ gucueeza lii de chuʼnísaluʼ.
Xi biziidiluʼ
-
¿Ñee caquiiñeʼ gánnaluʼ stale de lu Biblia para chuʼnísaluʼ la?
-
¿Xi caquiiñeʼ gúniluʼ ante chuʼnísaluʼ?
-
¿Xiñee cadi naquiiñeʼ guidxíbiluʼ chuʼnísaluʼ?
BIIYAʼ XIRUʼ ZANDA GUIZIIDILUʼ
Biiyaʼ xi naquiiñeʼ gucaa lii chuʼnísaluʼ.
«¿Ñee maʼ nuuluʼ listu para chuʼnísaluʼ la?» (Torre stiʼ ni rapa, marzo de 2020)
Biiyaʼ xi zanda gúniluʼ para gudxiiluluʼ intiica guendanagana gucueeza lii de chuʼnísaluʼ.
«¿Xi cucueeza naa de chuaanisaʼ yaʼ?» (Torre stiʼ ni rapa, marzo de 2019)
Biiyaʼ xi guendanagana bidxiilú ti hombre para ganda chúʼnisa.
Biiyaʼ xiñee guníʼ ique ti hombre láʼ Ataa cadi naquiiñeʼ chúʼnisa. Ne xi biʼniʼ convencer laabe para guyuunísabe.
Laaca zándaca ziuuláʼdxiluʼ ca ndiʼ
CANI NABÉ RINABADIIDXAʼ BINNI
¿Ximodo runi estudiarné ca testigu stiʼ Jehová binni Biblia?
Zanda gacané ca testigu sti’ Jehová lii guiénelu’ Biblia jma nagueenda ne zanda iquiiñelu’ Biblia ni jma riuulá’dxilu’. Laaca zanda guni invitarlu’ familia stilu’ o tuuxa xhamígulu’.
