Bon jan ka kontan lè bagay ka alé byen épi nou, èk lè nou ka èspéyansé difikilté yo la pou sipòté nou. Mé Bib-la ka moutwé, sé pa tout moun ki on bon jan. Alò, ki mannyè ou sa chwazi bon jan? Annou ègzanminé sé kwèsyon sala.

1. An ki mannyè janʼw sa enflouwanséʼw?

Souvan, nou ka anmasé atitid épi kawaktè moun nou ka pasé tan épi, menm si sé asou intannèt-la nou ka asosiyé épi yo. Bib-la di nou, ‘moun-lan ki ka maché épi moun ki ni lasajès kay ni lasajès. Mé moun-lan ki ka swiv moun ki sòt kay ni an chay pwoblenm.ʼ (Pwovèb 13:20) Lèʼw ni jan ki enmen Jéhova, èk ki ka adowéʼy, yo sa édéʼw pou wèsté pwé Jéhova épi pou fè bon disizyon. Mé, lèʼw ni moun ki pa enmen Jéhova pou janʼw, yo sa annékòz ou pou kité Jéhova. Sé pou wézon sala Bib-la ka ankouwajé nou pou chwazi jan nou byen. Lè nou ni jan ki enmen Jéhova nou ka twapé bennéfis èk yo ka twapé bennéfis osi. Paski a lè sala, nou kay sa “ankouwajé yonn a lòt èvèk édé yonn a lòt.”​—1 Tèsalonnika 5:11.

2. Ki mannyè Jéhova kay santi lèʼy wè sé moun-lan nou chwazi pou jan nou?

Jéhova ka chwazi janʼy byen. Bib-la di nou, ‘Jéhova détèsté moun ki malis. Mé i sé bon jan moun ki dwèt.ʼ (Pwovèb 3:32) Alò, ki mannyè Jéhova kay santi, si nou chwazi moun ki pa enmenʼy pou jan nou? Jéhova pa kay kontan sa pyès! (Li Jémz 4:4.) Okontwè, si nou widjèkté mové konpanni èk nou vansé pwé Jéhova, èk pwé moun ki enmenʼy, Jéhova kay kontan. Èk, i kay chwazi nou pou janʼy.​—Sam 15:1-4.

 ANNOU APWANN PLI

4. Moun ki diféwan sa vini bon jan

Bib-la di nou konsèné dé (2) nonm an nasyon Izwayèl an tan lontan. Non yo sété Jonatann épi David. Jonatann sété gason wa-a èk David sété an bwèjé. Osi Jonatann té otan pli gwan pasé David. Mé, yo té bon jan. Annou li 1 Sanmyèl 18:1, èk apwé nou kay kozé asou sé kwèsyon sala:

• Ès jan nou oblijé menm laj épi nou ében ni menm pozisyon-an an sosyété épi nou? Pouki?

Annou li Ronm 1:11, 12, èk apwé nou kay kozé asou kwèsyon sala:

• Ki mannyè jan ki enmen Jéhova sa ankouwajé yonn a lòt?

An vidiyo sala, gadé mannyè an jenn fwè fè an bon jan koté i pa té ka èspéwé. Annou gadé VIDIYO-A, Ou Sa Jwenn Bon Jan Koté Ou Pa Ka Èspéwé èk apwé nou kay kozé asou sé kwèsyon sala:

• An vidiyo-a, pouki pawan Akil té twakasé konsèné sé jan-an i té ni an lékòl?

• Kisa Akil té kontan an sé jan-an i té ni an lékòl?

• Kisa Akil té fè pouʼy pa santi i pa kòʼy?

 5. Mannyè pou fè bon jan

 CHONJÉ SÉ PWEN SALA

Lè nou chwazi bon jan, nou ka plè Jéhova, èk nou ka twapé bennéfis.

Annou Wivizé Sa Nou Ja Apwann

• Pouki Jéhova vlé nou chwazi bon jan?

• Ki kalité moun nou pa sipozé chwazi pou jan nou?

• Ki mannyè nou sa fè bon jan épi moun ki kay ni an bon éfé asou nou?