Lurem macok gimedo yomcwinywa i kare ma kwo yot, dok gijingo cwinywa i kare ma kwo tek. Ento Baibul cikowa ni pe dano ducu gubedo lurem mabeco. Dong itwero yero lurem mabeco nining? Nen kong lapeny magi.

1. Lurem ma iyero bigudi nining?

Walubo kit pa jo ma wacwalo cawa malac kwedgi. Man twero bedo kit mabeco nyo kit maraco—dok timme ka wamaro bedo kacel kwedgi nyo wakubbe kwedgi kun watiyo ki kabedo me nywako lok i intanet. Kit ma Baibul owaco kwede, “ngat ma bedo kacel ki jo maryek pwonnye doko ryek bene, ento ngat ma mako lurem ki luming [jo ma pe maro Jehovah] kite biballe woko.” (Carolok 13:20) Lurem ma gimaro dok giworo Jehovah twero konyi me bedo cok kwede ki dok me moko tam mabeco. Ento mako lirem ki jo ma pe maro Jehovah twero balo watti ki Jehovah. Meno aye tyen lok mumiyo Baibul cuko cwinywa me yero luremwa ki ryeko! Ka luremwa obedo jo ma gimaro Lubanga, ci wan ducu wanongo adwogi maber. Wabibedo ki kare me ‘cuko cwinywa kekenwa, ki dok me konye kekenwa wek wadong i yo me cwiny.’—1 Jo Tecalonika 5:11.

2. Lurem ma iyero bigudo Jehovah nining?

Jehovah yero lureme ki ryeko. ‘Jehovah bedo larem jo ma gilwore.’ (Jabuli 25:14) Jehovah biwinyo nining ka wayero jo ma pe marre me bedo luremwa? Cwinye bicwer adada! (Kwan Yakobo 4:4.) Ki tungcel, cwiny Jehovah bibedo yom dok en biyerowa me bedo lureme ka wakwero lirem maraco dok wanyikke cok bote kacel ki jo ma marre.—Jabuli 15:1-4.

 NONG NGEC MATUT

4. Jo ma pe girom kwedwa gitwero bedo luremwa macok

Baibul loko i kom co mo aryo ma gukwo i lobo Icrael i kare macon, Daudi gin ki Yonacan. Mwakagi ki kwo ma onongo gitye ka wok ki iye onongo patpat; ento, gubedo lurem macok adada. Kwan 1 Camuel 18:1, ci wunyam lapeny man:

• Pingo luremwa myero pe gubed yalwakwa keken nyo jo ma rwom me kwogi rom ki megwa?

Kwan Jo Roma 1:11, 12, ci wunyam lapeny man:

• Lurem ma gimaro Jehovah gitwero cuko cwiny luwotgi nining?

I vidio man, nen kit ma omego mo matidi onongo kwede lurem ki ka ma pe obyeko. Tuk VIDIO, ci wunyam lapeny ma lubo.

• I vidio ma waneno-ni, pingo lunyodo pa Aron onongo gitye ki par pi lurem Aron ma i cukul?

• Pingo Aron onongo mito ni jo magi gubed lureme i acakkine?

• En olwenyo ki bedo kenken nining?

 5. Kit me nongo lurem mabeco

 WOT WIYE WIYE

Ka wayero luremwa ki ryeko, wayomo cwiny Jehovah dok wanongo adwogi maber.

Ngo ma ipwonyo?

• Pingo lurem ma wayero pire tek bot Jehovah?

• Kodi jo mene ma myero pe gubed luremwa?

• Itwero dongo lirem matek ki jo mabeco nining?